小狂龍生日派對

<1yr2mo>

一仔媽中學同學的仔仔小狂龍4歲生日，星期日在麥記慶祝。

当天早上一仔瞓了一小時后，九点半按着了开始煲粥，我地先出發去飲茶，中午回家幫一仔補奶、換片、裝好d粥入保温壺，1点再出發去荃湾廣場麥記的生日派對，剛好趕及兩点开始（一仔又訓了四十五分鐘左右）。

派對里大人連小朋友大约有三十人。

一仔爸媽共買了三份礼物，全部係車仔，因都唔知買什麼禮物給4歲既小朋友?

但一仔爸話男仔一定喜歡車!

三架車同款但不同顏色 ，所以頻度相同，唔可以同一個埸合玩，不然會痴晒線!

一份给壽星仔，另外兩份给另外兩個同學的仔仔，三個小朋友各相距三個月出世，全是男仔！

其实一仔媽中学理科班的同学，全部生仔，一仔係第8個仔！

派对开始先点歺食包，一仔就周圍走来走去。

之后有遊戲時間，壽星仔第一次做主角，怕羞！

Party里派了幾次小礼物给每個小朋友。

最后壽星仔媽媽DIY做了一個生日旦糕，壽星仔爸爸買了一套海賊戰隊公仔插在旦糕上，好食又好有心思！

生日派對四点完结，剛好夾到時間返舊屋餵一仔食粥，食完再去一仔姨媽家食晚飯。

在一仔姨媽家，一仔又周圍走，捉佢都瞓唔肯，但比平時飲多了水，有一次飲了50ml！

到七点多食飯時，一仔起初都肯食少少，但之后扭計，剛好一仔爸食完飯，可以孭一仔瞓，一仔好快瞓着了，但唔夠半個鐘喊醒，原来一仔條片連d衫褲都濕晒(唔記得一仔飲了50ml水，應該換片先瞓)！

換完片衫褲后，就回家了，一仔在車上又瞓。

回到家差不多九点，再補奶给一仔，之后一仔無沖涼又瞓觉了，一覺瞓天光，不只一仔勀，一仔媽第二早起身都好勀，下次盡量攪半手活動好了，年紀大，無咁多精力玩全日了!

后話：
派对期間比d粟米一仔食，一仔都好喜欢食，但估不到星期一晚一仔便便中有多粒原裝未消化的粟米粒！