佛旦假期，一仔媽原打算帶一仔去睇Rubber Duck， 但一仔爸話怕太多人，我地都未有決案時，隻鸭泄氣，要暫時休養，唔駛決定，都無得去睇了！
因为佛旦，一仔嫲嫲要先拜神，所以我地早上十点多才出發，改去油塘的大本型商場飲茶先！
去到時二樓的"客家好棧"好多人排隊，等了一個鐘先攞到位！
飲完茶去三樓幫一仔換片，好差呢，無指示牌顕示換片室在男女廁果边！
跟住我地就去Blog 友朗朗媽介绍的Play Academy （遊學園）進攻！
里面有個室內遊樂場，朗朗媽介绍若買入埸任出入的全日票，平日$70，包一個大人及小孩，加$30多一個大人！
今日假期，$100包一個大人及小孩，加$40多一個大人！
一定要穿襪，没有的要加$10買。
個場唔係好大，下午一点去到時都不算太多人，一仔可以駕車、坐車sir滑梯、坐搖搖板，入屋仔玩，都玩得好开心！
一仔駕車
坐車sir滑梯
屋仔
小表姐玩得更开心，在另一边比一米高小朋友玩的遊樂埸，波波池有兩條滑梯，有彈床，有繩網爬，有兩層高的旋轉滑梯（一仔媽都有玩），有射槍等等。
另一邊係遊樂埸
波波池
彈床
玩到兩点要走時，個場地超多人，又迫又無咁好玩了！
三樓的另一邊，有J+，類似冒险樂園咁，亦有個遊樂埸，但一仔媽無仔细望有什么東東玩。
回到家，一仔沖涼后瞓了三個鐘，瞓醒六点時唔肯食軟飯，好彩七点多晚歺時肯食d大人飯，再補奶！
嘩~ 好似唔錯WOR!!!
回覆刪除[一仔媽回覆05/20/2013 17:48:45]但B要識行先抵玩!
我上次去大本型時係去顧客服務台問先知育嬰室係邊
回覆刪除J＋我有入去望過呀，我覺得係適合再大個小小的小朋友多D
[一仔媽回覆05/22/2013 11:04:00]都唔明点解d商埸咁慳皮，層層唔可以有育婴室/換片設施！？
好似好好玩，一仔好開心呀
回覆刪除[一仔媽回覆05/22/2013 11:01:42]係好玩呀，南瓜仔識行時，都帶他去玩下吖，不过，最好係d少人既時間先去！
我上次母親節去,又唔係好多人咋喎,依家鴨仔好返喇,可以PLAN下去睇
回覆刪除我之前都見到有blog友去過,好似好好玩咁,不過油塘對我哋嚟講太遙遠喇
[一仔媽回覆05/22/2013 11:01:38]果日都係下午兩点先开始勁多人，可能d人食完午飯先去玩。
哇~ 人山人海wor!!
回覆刪除[一仔媽回覆05/22/2013 10:53:41]係呀，好彩頭一個鐘少人好玩d。
係Fb見好多朋友仔去大本型，其實值唔值？
回覆刪除[一仔媽回覆05/22/2013 10:50:01]我地平時好少同一仔去玩，所以我觉得依個埸地ok嫁（对d識行的bb来講），因它有屋仔、車仔、搖搖板等比一仔玩，但要人少去又玩兩個鐘先抵玩！
而另一边比一米高以上的小朋友来講，簡直係樂園，不过，都係平日去少人会好玩好多！