差不多八個月大的一仔 ~ 發惡夢大喊?

連續星期日、一、二,,一仔瞓觉都大喊,一仔媽起碼要抱5分鍾以上先唔喊.

星期日瞓到半夜大喊,連一仔媽在自己間房都聽到,平時一仔喊扭抱扭眼瞓,但一抱起了就好快唔喊,但今次一仔媽一边抱一边拍pat pat 一边呵,一仔都仍然大喊,一仔媽好擔心,摸一仔額頭,無發燒無出汗 ~ 幸好一仔最后都止喊继续瞓番.

第二天印印話应該係一仔瞓得太多,由晚上八点瞓到十点 ~ 只比平時多了依兩個鍾而已! 所以一仔媽半信半疑!?

星期一晚一仔爸零晨一点多放工食麻宵夜回家,一仔剛好醒一醒又开始大喊.

星期二下午去完街回家,一仔冲完涼由四点十五分瞓到五点十五分,有D比一仔媽嘈醒,因夠鍾食粥,起初醒果刻一仔都無什么,但一开始食粥,一仔就一边食一边喊,喊到一仔媽要一边单手抱住一仔,一边餵食粥,喊到補瞓晏觉準備返通宵班的一仔爸亦醒了

一仔爸幫手在旁氹一仔又分散他的注意力,好不容易才令一仔食晒D粥.

一仔媽有諗过会否D粥有問題?今次係第二天煲柳梅蕃茄粥,但中午12点時一仔都好乖食完第一餐粥啊!

隨后一仔媽用20ml水开了半樽保嬰丹,一仔都飲晒 ~ 奇怪,唔苦的嗎?

晚上印印回家,印印今次話一仔瞓得太少,所以喊!一仔媽再次半信半疑,一仔平時扭眼瞓只会捽眼或挨麻你身上左右捽,不会這样一边食一边喊啊.

星期三晚一仔媽將余下半樽的保嬰丹,連奶开给一仔飲,夜晚他没有大喊了，希望印印不會再話食保嬰丹又令到一仔唔瞓晏覺。