搬屋／裝修 ~ 曬衫通

現在住緊間屋在客廳的窗外突出的窗台有兩支固定的不銹鋼通曬衫,記得多年前望住師傅在窗外安裝,雖然有戴安全帶,但我都不敢望,有D驚.

原本新屋無打算安裝,因我諗起都驚,而且我已叫裝修師傅在客廳內近窗边的天花安装一條了,但D媽媽同事話窗外都应要裝,將來晒衫方便好多...其实都对,窗外有太陽直接晒,D衫有陽光味,好好多.

裝修陳師傅話因高危工作,料連人工每支＄650. 因擔心陳師傅未必找到人安裝（拆及安裝电水爐／煤氣熱水爐就找不到人 ~ 話D師傅太忙）,所以自己行开街都揾定先,舊屋屋企商場間水电工程鋪報同區每支＄350,去將軍澳每支＄450.

最后我地都係決定揾裝修陳師傅,雖然每支贵二百大元,但不需另外與師傅夾時間上門安裝,贪方便又慳時間貴二百都無辦法.