一仔的外婆從美国返HK辦事兩星期,趁今天一仔爸放假,约埋嫲嫲、7歲大的小表姐一起在將軍澳飲茶,之后帶一仔及外婆去新屋參觀.
一星期前一仔姨媽同一仔媽講,親戚中有個BB女比一仔大半個月（亦是無牙BB女）,去酒樓飲茶都可自己坐BB椅了.
所以,今天亦比一仔坐 ~ 他当然开心啦,依個八卦仔!
嫲嫲又餵一仔食排骨飯的飯及义憢包的包,哈,依個無牙仔又食到 ~ 一仔媽又要开始揾煲飯仔及可煑什么餸給一仔食的資料了.
搭lift時,越入越多人,迫到一仔媽不自觉將BB車再推前贴住lift牆,依個一仔呢,用双脚板撑住lift牆,唔比一仔媽再推前!
今天的行程很緊凑,令12pm餐粥推遲到1pm才食,一仔午睡都係一路行傢俬店一路瞓（一仔還試瞓試坐了未来子母床的床褥）
只瞓得一小時,攰到一仔一路坐車一路瞓到回家,錯过了4、5點沖涼食粥時間,到6:15pm醒時,即刻好凄凉的喊肚餓,一仔媽快手快脚同一仔沖涼后即刻餵食粥,一仔己經發脾氣,又喊又令歪脸唔食粥,最後一仔媽一边抱一边呵,一仔爸又在旁幫手餵,一仔才肯开始食,最后肯坐番大班椅快快食完碗粥.
但可能喊得勁,食完后有兩三次都吐番少少出来,再換了兩次衫.
上個禮拜田鼠b都第一次坐酒樓既bb櫈. 不過果個所謂bb櫈係似個cushion擺上去普通櫈果款, 唔記得有無野綁實. 好彩我地帶左私家totseat出黎 (買左咁耐第一次用), 都幾方便好用!
回覆刪除新屋好住嗎? 最緊要住得舒服!
[田鼠b回覆10/16/2012 14:05:04]oh, 叫佢都搬埋啦!
[一仔媽回覆10/16/2012 13:14:35]但我唔捨得搬 ~ 因我家姐原住安蔭，星期日有時去她家食晚飯飲湯!
[田鼠b回覆10/15/2012 14:14:19]btw, 我地果次係去潮樓.
[田鼠b回覆10/15/2012 14:04:32]聖誕新年住新屋. yeah!
[一仔媽回覆10/15/2012 10:48:35]昨天一間去鴻星酒樓，一間去和民，張bb椅都有安全帶。
新屋環境ok，但等裝修再搬傢俱，起碼11月尾12月中先可入伙。