差不多八個月大的一仔~慶中秋（下）

一仔這個中秋好多節目,連趕四場!

八月十四早和外太空（公）及舅公飲茶,一仔不再那么怕陌生了,只要坐定定比一仔望到,同一仔爸媽閒談了一陣,一仔比人抱都不会喊了.

下午一仔跟一仔媽及姨媽去吳公公婆婆家探望,起初一仔好cool,笑都唔笑,要坐耐了先开始笑,后来見到吳公公讀二三年班的兩個孫仔,更开心,好想同哥哥一起玩.

晚上,一仔媽的媽媽同学兩夫婦帶麻3歲半大的駿駿哥哥,拿D啱一仔遲D9個月大啱睇的大書来,媽媽同学話平時要打开本書讀给一仔聽,現在一仔雖然唔識講,但他会記在腦中,到他識講時,他就会講番出来,駿駿哥哥便如是.

另外,同学媽媽提醒一仔媽不要比一仔坐太耐学行車,因駿駿哥哥果時就係坐得太耐,起初学行時都用脚尖行路.

本来一仔平時八点半左右飲奶,依一晚居然可以等到駿駿哥哥他们回家,一仔才九点半飲奶.

八月十五早返嫲嫲在將軍澳的家,一仔居然好乖可以自己坐在床上,比嫲嫲餵食完一餐粥,

仔呀仔,莫非你只蝦一仔媽一個?
飲奶食粥,由一仔媽餵時,食到一半你就会开始扭計

晚上一仔居然由八点瞓到十点,一仔媽起初有D擔心,心想依兩天可能太多活動,一仔太勀,如果一觉瞓到天光,那就会錯过食蓮蓉了.

幸好,一仔十点醒了,一仔媽先比一仔舐連蓉 ~ 一仔瓜瓜叫,因一仔媽只比他舐兩啖，跟住就飲奶!

一仔,欢迎你成为我地的家庭成員,帶给我地無盡的欢笑!