無原單，不淘寶！(上)

http://www.onlinebuy.hk/fax/?p=2572&fb_action_ids=10150927354883239&fb_action_types=og.recommends&fb_source=timeline_og&action_object_map=%7B%2210150927354883239%22%3A291266717646663%7D&action_type_map=%7B%2210150927354883239%22%3A%22og.recommends%22%7D&action_ref_map=[]

大家上淘寶買野，其中一個主要原因都係因為個“平”字！但平野多數無牌子，無牌子就無質量既保證，唔通淘寶買十件就總要犠牲兩三件？非也！大家又有無諗過其實淘寶真係可以搵到一D又平，又有牌字，仲要唔係假野既寶物！？無錯我講緊既，就係傳說之中既“原單貨”！但“原單”聽就聽得多，但您又知唔知點可以淘到原單？原單究竟又有咩特徵？原單貨究竟又係點黎？

其實大家都知中國係“世界工廠”，由於勞工多，低成本等因素，好多外國牌子都會將原料、配件、設計圖版等交到去中國，生產自己品牌既產品，然後運番去賣。考慮到生產過程中各方面既損耗，誤差。所以佢地係提供原料時通常都會預多少少，以防萬一。而中國廠家係完成訂單後，會利用剩餘既原料，偷偷製作同原設計一模一樣既產品，所以不論用料，設計都同原本既訂單產品係一模一樣。咁呢一類我地先會稱之為“原單貨”。而佢地同真貨既唯一分別，就只不過係數量較少，而且唔可以光明正大地打上BRAND LABEL。而仲有一種原單貨，叫“尾單”或者“餘單”，指既係因為種種問題，例如有瑕疵，貨辦SAMPLE，而無被品牌商收貨既產品。有時數量可以會多D，最常見既係色差問題而被拒收。但係呢D產品，即使同品牌要求不一致，但係品質仍然有保證。所以淘寶達人們都精於在淘原單！

今日我地就加開一個淘寶達人速成班，教大家去搵出原單既8大守則！

如果大家係淘寶輸入“原單”，然後再篩選出女裝或男裝。您會發現都會有幾十萬件！而且好多都好似又平又靚！但就係因為知道個個都對“原單”有追求，先會有咁多假原單出現。坦白講，當中有95%以上都唔係真正既原單。最簡單又最基本，如果見到“韓版”或者見係有靚靚MODEL既，大概都可以直接PASS。

守則一：
上面講解過咩係原單，咁大家都應該了解原單貨量一定唔會多。所以如果月銷量大過100件既，基本上又係可以選擇不理。原單貨如果可以能賣到百件，成千件，廠家供貨散賣都已經夠，仲駛乜原單…所以如果銷量多，多數都唔會係真原單。

守則二：
如果突然發現，您睇中既寶貝只係賣出過一兩件，應該值得開心啦~ 但要小心，請入店睇睇，該件商品既存貨有幾多，如果又係有一百幾十件，大家知咩事啦~，果斷去搵下一間。

守則三：
但單憑以上兩點，都仲係有成千上萬既所謂“原單店”，咁點算好？其實真原單店仲有一個好大既特點。要知道原本件產品既原料，設計都係屬於該品牌所有，而家拎出黎賣，比客仔知道分分鐘連以後既生產單都無埋。所以就算有得賣，都一定唔會光明正大，大鑼大鼓。所以好簡單，一般原單店主多數就自己一腳踢，因為貨量唔會好大，完全不需要客服。所以如果見到店入面有強大既客服團隊，有晒客服1，客服2 ，售後1，售後2等等既話，唔好猶豫，下一間！

今日就先講到呢到，聽日繼續下集！