<2yr5mo>
活動能力
1) 一仔媽要幫一仔準備用品清潔口腔及換片，一仔會幫手拎棉花棒點凡士林、逐片將棉巾放入暖水里。
2）媽媽話沖涼，一仔會自動去廁所柜里，拎出個浴盤，放上企缸上。
3) 曾試過上了床才幫一仔剪腳甲，點知果排晚晚一仔都要剪，好彩最后分散了一仔的注意力，無再晚晚要剪了。
4) 6月頭第3次戒奶咀失敗后，頭兩三晚一仔要玩到十一、二點才肯瞓，好彩之后正常番，玩一陣就瞓。
但另有一個新問題出現，一仔唔比關燈瞓覺，好彩到了7月頭，有一晚一仔媽突然靈機一動，同一仔講"食奶咀，就要關燈瞓覺"，一仔通常會扭一陣，最后會乖乖聽話瞓覺。
5) 繼上個月一仔爸教識了一仔曳完要講"對唔住"+飛吻，今個月佢又教識了一仔"錫錫"，每次我地一啫咀及話錫錫，一仔就會錫。
有時見到一仔爸要一仔錫，覺得好sweet之余，一仔媽心諗"兒子都係爸爸的前世情人"呀!
10/7 一仔爸話一定要記錄低依一日，因除了爸媽外，怕醜既一仔亦肯錫嫲嫲及姑媽，開心到嫲嫲呢....
嫲嫲前排唔得閒，無同一仔去公園玩，到得閒時再帶一仔去時，換麻衫，一仔都唔肯跟嫲嫲出去呀。
食野飲野
1) 有兩三次一仔爸食緊辣野，一仔要痴食，比了幾啖一仔食都食到，完全無事咁!
但有一次去茶樓食排骨飯，唔小心比了辣椒一仔食，一仔即刻扁晒咀，連忙比水佢飲。
之后塊面有少許一點點紅，好似敏感咁，好彩過了大約半小時至一小時后，紅點無晒。
2) 開始在一仔每日食的豬肉加"丁點"鹽及油"，工人姐姐試過加多少少"鹽及油"，一仔反而唔like。
3) 為了配合一仔8月中返N班，但又怕佢唔食學校既茶點，擔心佢等到12點半放學回到家后才食，會太肚餓，所以食野時間更改如下:
7:15am(之前係7am) 食麥皮 + 180ml 奶
8:15 - 8:30am 生果
12pm(之前係11:30am) 午飯
5pm(之前係4:30pm) 半碗麵或通心粉
8pm 晚飯
4) 之前好擔心一仔飲水唔夠，自從6月中姨媽送了依個水樽比一仔后，一仔好明顯飲水多了。
5) 上個月轉用了用鴨咀杯飲奶成功，但7月頭一仔晚上無端端又要用番奶樽飲奶，好彩早上依然肯用鴨咀杯飲奶。
6) 一仔每天早午晚食既餸都係相同 - 菜及豬肉，唔知點解去到7月头，12点果歺会乖乖食晒，但之后兩歺，一有菜就lur番出來？
如果果日食莧菜，就無lur。
手提电話
1) 一仔喜欢睇youtube 時將音量推到最大声，一仔爸媽有時要推番细声時，之前一仔会发脾氣。
但6月中開始，十次有七次當我地話個電話好大声時，一仔會主動整番細声，但有時佢又整得太細声，轉頭自己又會整番大声d。
2) 如果一仔玩緊媽媽部手機時，突然有電話入，每次一仔都會嚇到大喊。
3）喜双玩手机apps 的迷宮、配对、candy crush、釣魚、卜老鼠、射顏色、painting
講野
依個月又講多了:
yellow, blue, red, green, cat, dog, man, oh no, oh shxx, cow, duck, Mickey, in, out
之前已識講:
mama、papa，Mi(工人姐姐)、果個、果果(蘋果)、奶支(奶咀)、曳曳、部機(手機或毛巾)、波、巴士、奶奶、好驚、orange、嘩、扮"乞池"，"屋澳"，one、 2 、three、four、five、eight、nine、ten、A, apple, B, ball, CDE'符'fish, GIOPVXvv(即W)YZ，no，ok、鴨鴨, 汪汪（狗叫声），媽(即係姨媽)，我知，再見(明明應要講早抖，唔知點解會講"再見"?)、貓、對唔住
失踪無再講:
嫲嫲，我要入去， 唔入， 飲奶奶， 去边到, 依到
幾個月前在永安見到這款粉紅色有半個"8"字貼紙做緊慈善特價，幫朋友買了一個。
今天經過永安，見到這張紙，當然要同大家分享。
close-up
<2yr4mo>
一看到標題，都想像到有什麼問題吧?
因一仔頭大(遺傳自都是頭大的一仔爸媽)，有穿衣的問題!
上年的夏天衫好多都是買大了的，所以今年本應是適合穿的。
誰不知每次替一仔換衫，一仔實會瓜瓜嘈又掙扎。
最后粗心大意的一仔媽才發現原因是衫領太窄，每次要穿過衫領時，都會整到一仔個頭。
冬天時，一仔的長袖衫大多數是有肩扣的，而買的呎寸是給24個月大的小童(不再是BB了)。
踏入夏天了，前排見一仔有這個穿衣的問題出現，打算全部買一批新的，但24-36個月大的小童衫，已經好少有肩扣的了。
買衫時，曾有售貨員提議每當穿衫時，兩隻手要扯開個衫領，但好似唔多work之余，還有機會扯闊晒個衫領。
最后買到這些款 :
香港店鋪現成買的，肩扣
深水埗買的，有肩扣，65碼，有衫有褲，20元，超抵!
但只買了一套，搵日再去買過先!
淘寶買的，要認真量度了一仔的胸圍及衫長先可買。
明明看衫的相片時是純白色底的(16元人仔)，但收貨后，卻不是純白色，有d似染了色的白色衫。而且，招紙亦是外露的。
另有這三款前面有扣鈕的
另有這款衫領可以拉闊的
V字領都可以買，但無看到合眼緣的。
自從換了這批新衫后，一仔換衫時無再掙扎了。
<2yr4mo>
活動能力
1）一仔有時好乖，企係門口，掹住個鐵閘边，望住媽媽行去搭电梯。但有時，媽媽換衫，一仔拎番媽媽d返工衫入柜桶里。。。又拖媽媽去拎蘋果餵佢食，試图阻撓一仔媽返工。
2）間中一仔拎神奇畫布出來，然后要一仔媽写出英文字或數字。
3) 工人姐姐將摺好的衫褲放在sofa上，早幾天一仔還會當玩的，將d衫褲掃晒落地下，今早(5月10日)卻主動用雙手拎d衫褲比一仔媽。
4) 真係唔讚得小朋友，母親節果幾日成日掛黃雨，第一日一仔爸話好彩一仔唔怕行雷閃電，但第二晚，個天行雷閃電好幾次，又大聲，一仔扁晒咀搵媽媽呢。
5) 第一次收到母親節礼物： 夜晚瞓觉（差不多瞓着時），一仔突然拎走了奶咀，連錫了媽媽幾啖后，自己再食番奶咀！
8) 已經連續兩次同一仔去街，一仔唔駛要人抱，但回程時，會要抱。
但一返到屋企樓下，一仔就會開始扭計，因佢想繼續去街。
7) 一仔見到保安姨姨叔叔都會揮手 hi，叫佢飛吻都會做。
8) 如果親戚朋友少見的，一仔一定唔肯比人抱，亦會走開，好似怕醜仔咁，但比一仔爸發現如果d親戚朋友玩手機game，一仔就會肯同人"接近"d，真係要小心將來d拐子佬改用手機game拐帶小朋友呀!
9) 會關鐵閘。
10) 想用鎖匙去開門。
11） 怕熱的一仔，夜晚瞓觉時有時会自己去开風扇，关了冷氣后，第二朝早又唔会有汗，神奇！
12）仍在努力中希望一仔会睇下書，媽媽瞓觉前講故仔，有時佢会冚麻本書，关麻房燈，唔比媽媽继续講。有時佢同爸爸玩緊被窩大戰，媽媽話講完故仔要瞓觉，又幫媽媽拎番本書出來，那佢在旁可继续玩，唔駛瞓觉住。
13） 在bb房比個枕頭及條大毛巾一仔，佢会自己拎去大人房。
食野飲野
1) 會偷飲盒裝菊花茶，飲完會放番原位添。
2) 成功改用鴨咀杯飲奶達95%。
3) 會主動要食蘋果及飲奶。
手提电話
1) 一仔喜欢睇youtube 時將音量推到最大声，一仔爸媽有時要推番细声時，一仔会发脾氣。
有時佢会先扮無野，但轉头趁我地唔觉時，一仔又偷偷推番最大声！
有一次，比一仔爸係web cam 見到一仔原來會专登望下一仔媽無昅住佢時，就即刻推番大声，古惑仔！
2) 一仔居然要工人姐姐幫佢部c+手機安裝Candy Crush，當無晒心心時，識改玩一仔媽部手機去攝時間!
聽指令
尤德的護士話有時一仔只係依習慣跟住做，所以平時我地叫一仔瞓覺時關電視、入房后關門、上床后關燈，一仔媽都分唔清究竟係一仔明我地講，定係跟習慣做呢?
依半個月，我地改變了，多叫一仔做野，以下係相信一仔真係明既而又去做既指令:
1) 一仔爸手上拎住樽雪花膏，一仔媽叫一仔拎比媽媽，一仔真係跟住做。
2) 去坑口室內兒童幼戲室玩，一仔係"山頂"除了對襪，一仔媽係山腳叫一仔拎麻對襪比媽媽，一仔真係跟住做。
講野
1) 5月: 工人姐姐話一仔倒晒d玩具係地上，要一仔講"對唔住"，你地估一仔點答?
一仔答: "我知"! 但始終無講"對唔住"。
6月: 一仔識講"對住"，然后我地會叫佢做麻飛吻!
2）同一仔搭电梯，有個伯伯入了电梯后同一仔講野，一仔問：”边個?
3) 睇youtube d game，會跟住講 three, 2, one, da (即 start)，又英又中，相信一仔講野遲，部份原因係我地大人講野亦又英又中。
依個月又講多了:
係認到又講到既one、 2 two、three、four、five、eight、nine、ten、A, apple, B, ball, CDE'符'fish, GIOPVXWYZ，no no no，ok、鴨鴨, 汪汪（狗叫声），媽(即係姨媽)，我知，再見(明明應要講早抖，唔知點解會講"再見"?)、貓
之前已識講:
mama、papa，果個、果果(蘋果)、奶支(奶咀)、曳曳、部機(手機)、波、巴士、奶奶、好驚、orange、嘩、扮"乞池"，"屋澳"，
失踪無再講:
嫲嫲，我要入去， 唔入， 飲奶奶， 去边到, 依到
習慣
有d野似乎一仔若已習慣了，要佢去改，佢會唔想改。
1） 穿慣了一对波鞋去街，改穿第二对唔肯。
2） 一仔大了，不需要時時圍住口水巾，起初要拎走時，一仔唔肯，好彩后期都肯了！
3) 想用牙刷手指套幫一仔刷牙，但一仔完全唔肯用。
幫手
1) 拎奶樽/鴨咀杯比工人姐姐。
2) 工人姐姐涼衣時，幫手逐件衫拎比工人姐姐。
3) 一仔爸及工人姐姐洗風扇，一仔在旁幫手傳parts。
4) 食完飯收了飯桌后，幫手收麻枱布夾、拎走电腦椅比媽媽攝番張high chair、由睡房搬番张low chair 去廳。
5）一話洗手，識次序先開廁所門，自己再搬张凳入廁所。
出牙
上個月以為係下排左面出大牙，但原來睇錯了，無呀!
反而係下排右面出大牙，露晒出來了。
所以，現在一仔共有17隻牙，尚欠3隻大牙未出>>其實上排果兩隻大牙係未出左，都唔知?因好難叫一仔開口定定咁比媽媽睇清楚?
<2yr4mo>
方法： 用戒食手指水
時間： 9：30pm - 2：30am
情況： 從以上時間已知，係慘烈！
结果： 失敗
原因： 一仔爸的介入
结論：一仔媽想一脚將一仔爸踢去大西洋，不，太近了，改踢去另一個太陽系>亦都嫌近！
一仔在飲了8安暖水+终於含番”無添加”的奶咀后，3分鐘內極速瞓着！
報告完畢！
<2yr3mo>
Yeah!用鴨咀杯飲奶剛好三個星期了。
原本想收番麻隻鴨咀杯，點知比一仔见到。
一仔要隻杯玩，乘機比佢用隻杯飲奶，佢又肯飲喎！
但，其實之前都比個鴨仔杯及其他杯一仔飲，果時佢都唔肯飲，估唔到要一年多的時間，才成功轉用到鴨咀杯!
不過，似乎用奶樽飲奶的速度會快d!？
隻杯在玩具反斗城買，一set有幾隻不同色
每隻杯都有一個手柄，可以用，亦可以唔用。
飲完后，要加洗潔精洗，才可洗走d奶味。
頭兩天，一仔媽及工人姐姐試過唔記得用杯，用了奶樽餵。
又試過兩次，一仔去廚房門口見到一仔媽用奶樽開奶，開完奶，出到客廳，一仔唔肯用杯，差d前功盡廢!
通常飲到最后一啖，一仔飲唔到，開會蓋比一仔飲麻。
遲d，到一仔唔駛用鴨咀飲奶時，就可以唔駛再烚奶樽，但留番一兩個奶樽用來開奶，但d奶樽連奶咀前排才換了一批新的呢!
<2yr3mo>
多謝肚B媽生動又吸引又詳盡的分享，才知有咁可愛又益智的巧虎教材可訂購。
3月尾時一次過收到幾個月的巧虎教材，但自己很忙，又怕一仔會覺得悶，所以每日會播放不同月份的DVD給一仔睇。
后來參考了小豆子媽的做法，才改為兩三日轉另一隻DVD。
第一次先拆開9月份的，一仔爸拎出個巧虎手偶同一仔玩。
一仔可能覺得好有趣，有時都會叫一仔爸再同佢玩手偶。
而小花妹妹呢，估唔到一仔媽只示範了一次用纸手帕替小花抹臉、用纸奶樽餵小花，一仔都識跟住做。
當初決定唔買宝宝版，而買幼幼版，正因幼幼版有講小花出世，十分適合我地計劃生第二個BB的父母買。。。希望一仔睇了依輯幼幼版后，將來都會容易接受弟弟或妹妹!
但幫小花換片、穿衫、除衫，一仔仍未識。
不过，只要執到小花既尿布，一仔媽問小花係边到？話媽媽要幫小花包番塊片，一仔都識去揾番小花出來，然后交比媽媽。
而睇巧虎的video，睇到巧虎佢地跳舞，一仔更加會跟住郁手郁腳。
更估唔到video有唱唐詩依part!
仍講緊bb話多的一仔，媽媽好期待有一天見到佢好似小豆子哥哥咁識唱唐詩!
以前一仔好少玩布公仔，現在成日會拎住巧虎、小花及其他布公仔玩及講一大論bb話，健康院書仔話"扮演"是小朋友學習之一。
幼幼版中還會陸續教"浴室的安全"、"開心洗澡洗頭"、"不怕去看醫生打針"、"男仔女仔分別去廁所"等。
以前一仔成日睇Disney channel 及youtube 學英文，依個月雖講單字多了，卻係英文多，所以我地希望一仔睇了以廣東話為主的香港版巧虎后，學下講番多d講廣東話!
