好開心又再與一班 Blog 友囝囝囡囡(龍BB，南瓜仔&南瓜妹，燒腩仔，肚B)出來玩，今次去 九龍城寨公園!
上午一仔爸媽先帶一仔去了深水埗玩具街行，當然少不了要買玩具。
天氣咁熱，再去商場嘆冷氣，先後去了樂富廣場 (依個商場d冷氣唔夠)及 九龍城廣場。
現在美國冒險樂園緊有一間係左近，一仔一見到冒險樂園個標誌，就不停叫"波波池、波波池"，最後去了其中一間，時間唔夠，當然唔玩波波池，改玩了用水槍滅火的遊戲機、彩虹"撤"錢等。
之後知道肚B到了集合地點，我地改去九龍城寨公園，九龍城廣場一樓有條樓梯連接公園，公園聽聞好大，我地目的地係樓梯出去后左邊最盡角落的大滑梯。
一仔掛住係大滑梯走來走去，對一仔爸帶去的泡泡槍興趣不大，只玩了一陣，好彩比龍BB媽捕捉到兩張靚相。
對一仔爸剛在深水埗買的大氣球，一仔亦只玩了一陣，反而Blog 友囝囝囡囡好有興趣玩，亦吸引到其他小朋友來玩。
一仔同其他Blog 友囝囝囡囡的交流雖好少，估唔到佢肯一齊拖手仔影相。
晚上去Pizza Hut食，一仔只食了幾啖咋，跟住玩車車，在深水埗新買了架黃色巴士，一仔成日霸住玩，唔肯同Blog 友囝囝分享，一仔媽真係覺得好唔好意思呀!
食完，無瞓晏覺的一仔，一上巴士，就瞓著了，回到家，沖完涼才補奶食麥皮。
期待下次的約會，一仔能和一班 Blog 友囝囝囡囡有更多的互動!
原來架TSUM TSUM黃巴士係一仔架，好得意呀，要幾錢呀？
回覆刪除肚B都唔識同Blog友小朋友交流架，淨係識跟住南瓜仔跑，我期待佢多啲同小朋友玩可以有多啲互動啦...
肚B都係，成日霸住啲玩具，叫又唔聽 >_<
一仔爸話架巴士好似$89。
刪除一仔都係跟住其他小朋友跑咋，現在識講”一齊玩“，但同小朋友講野，都係BB話多。
我幾個月前去過，可能係另一邊，好似無咁多野玩。
回覆刪除我地第一次來咋，另一邊無去過，但依邊有大滑梯及千秋，好正!
刪除一班年紀相約的朋友一起玩，做玩伴真好呢 ~
回覆刪除係呀，希望一仔下次同其blog 友仔有更多的互動！
刪除現階段月齡尚小，同其他小朋友交流真的不算多，正路丫。
刪除我帶瞕瞕出去玩，每個小朋友都好似係各玩各架咋。
但我知一仔好想有人陪佢一起玩，因係屋企，一仔成日叫我”一齊玩”。
刪除