開玩笑@地鐵站 + 再買返學鞋

<3yr1mo>

依排一仔的興趣或玩具係"地鐵"，睇YouTube都多數睇地鐵。

上年七月買的返學黑皮鞋，果時已買大了，諗住可以穿一年，估唔到一仔最近高了3cm後，對鞋咁快就唔啱著，好彩新工人發現及提出，剛巧去完單車館見一仔用手去整隻腳指，原來幾隻腳指頭甩皮，即連一仔姨媽上兩個月送的日本波鞋亦頂腳指了。

趁放假，連忙帶一仔去千色店買，要搭地鐵，之前都同一仔搭過幾次，避免有閃失，通常叫工人或一仔爸入閘先，跟住一仔自己拍卡入閘，最後到一仔媽入。

今次見工人及一仔入了閘，一仔媽突然同一仔講媽媽入唔到閘呀，叫佢同工人去搭地鐵，估唔到一仔的反應係：

跟工人去搭地鐵？
大喊？
大叫媽咪？
衝出閘？

以上都唔係，只見一仔呆一呆後，即刻拍卡，再想過閘，工人即刻拉住一仔，一仔媽即刻入閘，再去詢問處查看一仔是否真拍了出閘？好彩無。

經過今次，下次一仔媽唔敢再開此類玩笑了！

左：舊皮鞋(8號)，中：白波鞋，右：新皮鞋(11號)

好彩一仔另外有對出街波鞋(Dr. Kong, 27號)，比一仔姨媽對日本波鞋大d,但怕下次對腳板"突然變大"，順便去Dr. Kong 買定多一對更大size的，售貨員量到一仔穿26號鞋，建議買27號，一仔媽最后買了29號。