閃腰 －一星期好番 (嶺南萬應止痛膏 + 泰拳油膏)

DAY 1 痛
上午返舊公司取舊文件，好重，好彩有帶手推車又有專車接送，但彎腰果下閃了腰，現在終於明白點解叫"閃腰"，真係只果"一秒"覺得條腰"扭到"，隨后想再彎腰拎重文件時，已覺得好痛，唔敢用力!

午飯前返到新公司，好似大肚婆咁，自動覺得要用雙手撐住左右兩邊腰卸下力行路，才避到再痛。

但坐低或由坐轉企時，原來會用到腰力，好痛，要超慢動作才避到痛。

午飯時同事催促要盡快搽藥膏或睇跌打，記起以前姿勢不正確弄致腰背痛，搽了一排"嶺南萬應止痛膏"才好番，於是連忙去藥房買了一細樽。

搽了藥膏后，感覺條腰"好涼"，回家沖完涼及臨瞓前再搽。


DAY 2 尾龍骨硬
昨天搽了3次藥膏，今早一起床時感覺好好多了，坐低或由坐轉企時，無感覺到痛，抱一仔行幾步路都可以。

去刷牙時、公司午飯后、一回家沖完涼及臨瞓前再搽。

一天內，時間愈晏，感覺尾龍骨位置愈硬。


DAY 3 腰硬
昨天搽了4次藥膏，今天又搽，之后一天內，時間愈晏，感覺條腰愈硬。

依三天行路時，都要硬晒呔咁慢慢行，姿勢很怪。

上落小巴時亦要就住就住。


DAY 4 腰緊
現在每天搽4次藥膏，今天感覺條腰緊。

今天同事借了支在泰國買的泰拳油膏比我搽，同事話依支膏好有效。

每張相的上面果支香港買，下面果支泰國買

香港藥房有得買，但係係中文字(唔係泰文)，比泰國果支亦少了一個成份Eugenol，上網查過此成份有麻醉功效。


DAY 5 及之后
每天搽泰拳膏4次，去到DAY 7，感覺已好番八八九九了。

之后改每天早晚各搽一次，因有時覺得腰酸痛。


行路正常番。


后話
剛巧有個親戚婆婆肩周炎復發，痛到成個月都瞓得唔好，亦有睇其他醫生/方法止痛，都仍然好痛，比了依支香港版泰拳膏佢搽，搽了一星期后，只有背痛，手無再痛，又瞓到覺。

同事話佢搽了泰國版，患處會涼好耐，但我只感覺涼10-15分鐘，反而少了一個成份的香港版，卻感覺涼耐d。


溫馨提示
每次我都係自己反手搽腰，感覺企係到比坐低搽，會更用到力度去搽。

(泰拳膏)每次吱少少在手掌心，用手碗或大姆指的雞脾肉去搽，搽到藥膏差不多無晒，重覆再搽幾次。

(嶺南)每次用手指拎少少藥膏，搽在腰上，搽法和上面一樣。

搽的時候，若感覺到某個部位痛，果個部位當然要搽多幾次。

附近不痛的地方，都要搽些。

最初好痛時，最好每天早午晚搽一次。