瞓覺之二選一

<2yr9mo>

這幾天夜晚瞓覺時，一仔要拎一兩部車仔上床玩，見一仔平時行為良好，上床後好快瞓着，便由得他，點知。。。

第一晚，玩車仔一陣後，一仔媽要一仔同車仔講”早抖，bye bye”, 起初一仔唔肯，要講兩三次后，一仔才順攤將車仔放在床頭柜桶里。

第二朝早瞓醒，一仔媽提一仔要記得拎車仔，一仔二話不説迅速從床頭柜桶里拎出車仔！

第二晚，一仔媽瞓瞓下比架車仔扔中而醒了，車仔即時被没收，車主被勒令要即刻去瞓覺！

第三晚，一仔媽同一仔講，有車仔，無奶咀；有奶咀，無車仔！

一仔選了車仔，玩了一陣，周公急call，一仔叫”奶咀，奶咀”，伸出車仔自動交比一仔媽！

第四晚，一仔可能已眼瞓，選了要奶咀，同時喊住拎架車仔交比在廳抹緊玩具的工人姐姐！

第五晚，一仔爸在場，一仔選了車仔，一仔媽叫一仔爸快d瞓，等陣聽到什麽聲音都不要理會。

一仔爸媽瞓瞓下，果然聽到一仔開始叫”奶咀，奶咀”，更壓住一仔爸要接近一仔媽，希望一仔媽聽到他的叫喚！

但一仔媽叫極都無反應，其實在忍緊不笑出聲！

最後一仔爸被一仔踏住了頭髮而叫了一声，一仔知爸爸醒了，乘機攝位將兩架車仔塞在”瞓緊覺”的一仔媽手里！

一仔媽终於忍唔住笑出声，乖乖去拎奶咀比一仔！

一仔的車仔