N班開學準備 ~ 買鞋

<2yr5mo>

雖然早知一仔8月中開學，而過去幾個月脚板仔keep住15.5cm長，但因有"小朋友大得快"的心理，所以拖到今個月才帶一仔去買鞋。

一仔的學校一三五穿運動服+白波鞋，二四穿校服+黑皮鞋。

因估計脚板”大得快”，可能一年要換一对，所以Dr. Kong  起碼要三四百元一对鞋就不会考慮，經濟d去了Aeon 及千色店睇。

除了考慮价格外，因之前試過係淘宝買波鞋，同香港波鞋舖的波鞋比較，淘宝的鞋底明顯”硬”好多，”屈”唔到，而香港的柔軟d，可以輕微屈到，所以，心里觉得正版的分別就在鞋底的軟硬度上。

但好奇怪，Dr. Kong 的鞋底都好硬，而Aeon 及千色店的，硬及軟底兩種都有。

后來，上網查了，穿軟定硬是視乎個人的需要、用途及喜好。

最后，在千色店買，今次係第一次帶一仔親身買鞋呢，之前咁多对鞋，一係係礼物，一係係一仔爸媽自己買完才拎返屋企。

第一次買鞋、試鞋，開頭一仔都好乖伸隻腳仔出來，但size 唔啱，改試第二隻時，一仔开始唔合作。。。好彩任務最后都完成了，走時一仔都肯同sales姨姨bye 和飛吻添。

真無諗过黑皮鞋都有”超人”款，$219，size #8

鞋底可以輕微屈到

白波鞋$149，Size #17，回家后才发現Made in Taiwan， Good! 

                                        鞋底可以輕微屈到

比$時，用滙丰張信用卡，因有$200積分，扣完積分，只比百多元咋。

回到家，一仔好有興趣玩兩对鞋，但一要他再試穿，就好抗拒，相信到時返学穿鞋時又要打場仗先！

今天係一仔爸新曆生日，佢問點解變成好似一仔生日咁? 哈哈。。。阿仔開心(因有得去街)，就係你既生日禮物呀!