24個月大的成長報告 (兩歲啦!啦!啦!)

<2yr>

活動能力
1) 張學習椅反轉了，識得將張椅反番正來坐。

2) 玩 multi-color 五柱積木，如少積木插係柱里，一仔會逐塊拎出來，如果積木多，一仔會索性將塊木板倒轉，將d積木一次過倒晒出來! 可能平時"訓練"有素 > 佢總喜歡將玩具箱里d玩具一次過倒晒係地上。

3) 一仔媽同一仔講食完飯就去街街、公園玩，但現在媽媽先去買野，一仔唔明，只知媽媽"此刻"撇甩佢，一仔媽去到地鐵站睇番web cam，都已經15分鐘后，見到一仔仍是苦口苦臉，好悽涼咁!

4) 一出了家門，會自動伸隻手仔比一仔媽拖住，多數只喜歡比一仔媽一個拖住手仔。

5) 瞓午覺瞓瞓下喊醒了，會講"好驚" ; 一仔爸在家操刀幫一仔修剪兩邊耳仔及背面的髮腳，到沖涼時，一仔仍喊緊，又聽到一仔話"好驚"。

6) 當初買學習檯及椅，係想一仔學收番好張椅，因怕面試會考。到現在，一仔除了會將張椅反轉當滑梯sir外，係web cam都見到佢會坐係張椅上，乖乖將五柱板的積木在一旁叠高，又或插入柱里。

又會捉工人姐姐陪佢一起玩。

7) 食麵....第一啖，一仔想比媽媽食，最后比番自己食...第二啖，真係餵比媽媽食....第三啖，媽媽已提醒一仔亦係最后一啖，食麻就食晒成碗麵，一仔都照餵比媽媽食，食完，一仔望住吉既碗，又望下媽媽，媽媽話真係食晒la!

8) 工人姐姐抹完玩具，一仔要拎巴士玩，媽媽話抹乾淨了，放番回去，重复了幾次，一仔放番巴士回去，一齊拍手讚佢乖，佢自己都有拍手！

9) 一仔媽有一晚叫外賣，食完外賣袋放在垃圾桶旁，一仔拎去放在門边，等工人姐姐倒垃圾時一起倒麻！

10) 單手拎住d車車，一起自轉多次360度。

11) 喜歡玩倒后行。

12) 自己走去拎雞毛掃，然後指住一仔媽話媽媽/爸爸"曳曳" + 講BB話。

13) 多了爬上會旋轉既電腦椅玩，好危險。

14) 自己搬張椅去大門到，企上椅上想開門鎖。


15) 戒奶咀不成功，一仔反而有時比媽媽爸爸食奶咀。

16) 拎架玩具巴士放在大人床邊當腳踏，然后擒上大人床。

17) 食餐時間到，走去廚房睇我地係未準備緊d食物。

18) 一仔媽放假，白天小睡喜歡由一仔媽陪瞓。

19) 話夠鐘瞓覺，拖一仔媽去廚房拎奶咀，然后再拖去房間瞓覺。

20) 夠鐘換片，一仔媽叫換片入房，一仔原本坐係大班椅上玩緊手機，都會起身及拎麻部手機入房。

21) 上了床準備瞓覺，有時還會睇多一陣youtube，當一仔媽話夠鐘瞓覺，要打電話比一仔爸講早抖，一仔識按掣跳去打電話掣。

22) 多了用額頭撞爸爸及媽媽。

23) 近排多了扭計喊唔停、用手打人、發脾氣扔玩具。



玩手機
依樣應該唔鼓勵，但又真係見一仔有新野，都想記錄低。

1) 一仔自己發現手指長按個apps圖案，可以將它移上移落，試過將youtube apps 圖案移上，一仔媽望到，話咁樣唔好，將它放番原位，一仔將它移番落去。

2) 比一仔睇到一仔媽係手機側按掣調較大細聲，一仔媽專登調到無聲，佢識去調番有聲。

3) 知道一仔媽平時部手機係放在大人房柜桶里义電，有一次玩完電話改想在地上推車仔，主動拎部手機去大人房放入柜桶里。

4) 一仔媽要拎走電話去义电，一仔發脾氣，總走去拎雞毛掃，然后指住話妈妈曳曳•﹏•


5) 最近愛上了按入LINE，搵人free video call。

說話:

Mami, Baba, 阿Mi （工人姐姐個名）

覺覺、好驚、機機(即一仔媽部手機)、曳曳、姨姨、ABCDE"芙"H IP一齊講

尿片: 
26磅的一仔，白天用H牌大碼，晚上用特級牌加大碼
H牌 : 大碼 22-31磅，加大碼 29-35磅
特級牌 : 大碼 9-14kg，加大碼 >12kg

便便
多數每天一次，有時一天兩次。

飲食 + 睡眠
7:00am  依個星期由6:30am 改為 7:00am，一來因放新年長假，
              一仔媽唔駛返工無咁趕時間，二來為了遲d 九月讀N班               上午班作準備，因要12點半放學回家先可食午飯。
             依然先飲60ml奶，才食5湯匙麥皮溝60ml奶， 再要補奶
             60ml。
             依個月肯用番牙刷刷牙，但似玩玩下多。

8am        生果蓉/片 ，但間中會依然會濁一濁
9:30 -11:30am    小睡 (依個新年假要去街，有時唔瞓)
11:30am 全軟飯 (有時扭計唔食，改飲奶)
1pm        沖涼
1:00 - 7:00pm    小睡 1 - 1.5小時
4:30am  全軟飯 (有時扭計唔食，改飲奶)

8pm       大人飯 + 蒸餸（試过幾次，食晒成碗飯，唔驶補奶）
8:30pm  補奶 60ml，依個月依然唔肯用單耳普通杯飲奶
9:30pm Good night ，依個月可能白天睡覺時間亂了，有時一上 
             床已肯乖乖伏在一仔媽心口上瞓。

食物 ： 2014年1月時發現一仔唔喜欢食豆腐

飲食習慣  :  仍喜歡住家煮的無加調味料既飯餸，連牙仔餅都
                     唔食。
                     出街只食鳳爪排骨飯，但如果飯好油，都唔食，
                    所以出街仍要帶奶。
用水杯進度 :  2013年10月尾時開始試用普通杯飲水，但飲奶仍
                        未成功。
筆野食進度 : 可以下下對準放入口里，但要我地筆麻食物落匙
                       里。

2014年目標 :
1) 戒食奶咀 - 試了兩次都失敗了。
2) 戒午睡孭住瞓  - 已成功了，但一仔依然要伏在一仔媽或工人姐姐心口上先瞓到，遲d要幫佢改直接瞓在枕頭上。
3) 可以自已筆野食 - 未成功。
4) 可以自己用水杯飲水/奶 - 未成功。
5) 戒白天用尿片 - 待夏天才再試。