2歲說話檢查@健康院

<2yr>

一歲半返健康院打針時，约了兩歲要再返健康院检查，雖然護士無明講，但一仔媽都估到係检查說話能力！

约了九点半，到達時不多人。

另外見到有兩個男孩返來检查，都係二月出世，相信都係检查説話能力！

等了一陣就叫名入房見護士。

護士首先問一仔飲食情況，一日食多少歺奶、固體、肉菜的份量、有無食零食、屋企誰人照顧等。

再問一仔識講什么？

一仔媽答： 媽媽、爸爸、嫲嫲、阿Mi、曳曳、車車、ABCDE。。。

其他的只講过幾次或更少的，例如唔該，奶奶、知知（代表奶咀或手提电話）、apple、或其他單一的英文字母，一仔媽都唔記得要講比護士知！

護士問一仔識講dog或扮汪汪叫嗎？

一仔媽答唔識講，但之后諗番，其实都有聽过一仔講dog， 但都係一兩次。

一仔媽甚至帶麻依排一仔係屋企会拎出來睇下的書仔： 英文字母及數字書。

每次拎英文字母書出來，一仔又会掀書，又会指住讀ABCD....

而數字書雖未識讀，但一仔会手指指！

而其他書仔，一仔無興趣望！

但在護士面前，一仔一個字都無講！

之后護士对一仔媽講緊野時，一仔才講ABCDE，但太快了，都來不及要護士留意聽，算吧！

结果，一仔雖識講ABCDE。。。。，但姑娘話一仔只係顺住講，單一個字母問，一仔唔識答，唔算數！

一仔只識指鼻鼻，其他眼耳口唔識指，亦唔算數！

護士提議改善方法如下，因可以幫助一仔鍛鍊口部肌肉，講説話亦会發音準d： 

一仔仍食蘋果片，護士話要成個蘋果食。

但其实我地有試过，但唔食零食的一仔，好似唔食零食咁，亦唔肯咬成個蘋果。

一仔無食過菜幹，護士話要比一仔咬下。

唔好用奶樽飲奶，要用杯，但一仔唔肯用杯。

最后，要约排期見医生，约了4月。

原本頗擔心，但一仔媽記起媽媽级的同學A的5歲仔仔都曾经有説話遲的問题。

同學A話好彩有見医生，因当中医生發現有其他問題，再要排期做評估，評估了兩小時，很全面的評估，發現同学A的仔仔除了說話遲外，原來活動能力亦比正常的同齡小朋友遲了半年以上，因她仔仔平時不敢上落樓梯！

同学A話如果出去做私人評估，45分鐘都要六百元呀！

所以，在見医生前，一仔媽都会試下幫一仔改善護士提議的，但放下擔心，見医生都不是那么可怕！

题外話 ： 

想幫人拎多一套由初生至一歲，包括教煮食的健康院書仔。

点知護士話有quota，每人只限取一份，但護士介绍了以下的網址，可睇番健康院書仔的内容！

健康院書仔網上睇

入右手面”健康資訉”的”兒童”。

連初生婴兒皮膚的問题果幾页都有，係彩图添，不过要download 個pdf 檔案先有！

但，当然自己手上有一本本彩色的会好睇好多啊。