星期日去完沙田文化館，星期一一仔有咳又打噴池、流鼻水（有少少黄色），可能星期日焗病了，室外熱，室內凍（係指7人車凍，文化館一d都唔凍，有d熱添），又唔夠瞓。
一仔爸放假，一仔媽囑他如果一仔情况持續或嚴重了，要帶一仔去附近個超级女医生睇！
一仔媽放工回家，一仔爸話一仔只有少少咳及流鼻水，但晚上瞓到十一点，一仔咳醒又喊，無發燒，算一仔爸醒目，提出餵上次睇医生飲剩的咳药水，兩人夾手夾腳用針筒餵一仔飲完后，好彩都可继續瞓！
第二早將止咳及傷風药放入奶里餵一仔，同時請新印印留意一仔既情況，如果嚴重了就call一仔媽即時回家帶一仔睇医生！
兩歺固体時間新印印都call一仔媽，因一仔只肯食少少，一仔媽吩咐改補奶，一仔都係飲得一半。
一仔媽既同事媽媽及凑B姨姨話可能一仔喉咙痛唔肯食野，湊B姨姨更話喉咙發炎要飲医生的消炎药水先会好！
好彩一仔爸返早更，等一仔媽放工，車麻一起趕返屋企带一仔睇超级医生！
一仔唔合作，胡医生睇唔到一仔喉咙有無红，但她摸頸，話無事，应該無喉咙發炎，开番和上次一样的咳药及傷風药 (三天葯，一百八十元)，退燒药屋企有剩，胡医生話那飲番果支便可，但一仔媽話支葯無放落雪柜里，亦不知会否过期？
胡医生話不需雪，疹所的药都無雪，但一仔媽若擔心，都可以雪。
胡医生更加話支退燒药，早晚各给一仔飲一次，亦可当收鼻水药！
返家后，致电同一仔嫲嫲講，以免她擔心。
一仔嫲嫲話一仔唔肯食野，係未又吽牙呀？
一仔媽才醒起，係喎，這兩天一仔又唔肯比一仔媽幫他早晚清潔口腔呢！
飲了兩天药，一仔好得八八九九了。
其間有兩件小插曲。
第一件係星期二晚上睇完医生，晚上將药放入120ml奶里，一仔只飲得30ml，可能一仔分辨到d奶加了料，亦可能吽牙唔想飲。
果刻一仔媽有諗过d药需否另外再用針筒餵一仔飲?
但怕会令到d 药overdose，最后都無咁做，好彩上半晚一仔都瞓得好淋，係臨天光先多了咳！
第二件插曲係確实一仔因吽牙而唔肯食固体后，星期三、四晚加了肥仔水比一仔飲！
上次第一次飲，一仔乖乖飲，田鼠媽話因为肥仔水係甜既，今次一仔媽就試下，真係甜架，但甜得来有少少怪怪地！
今次第二次飲，亦用匙根，但一仔唔肯飲，要改用針筒餵！
星期五，一仔终於有番胃口食固体，早晚亦肯比一仔媽清潔口腔了，不过，下星期开始，要学用牙刷了！
*****************************************************
至於一仔爸，可能工作時淋了雨，星期三晚公司同事晚飯娛樂，一仔爸都半途退出了回家，星期四、五都請了病假！
*******************************************************
星期五亦係一仔爸生日，兩公婆一起半夜醒了，傾下心事。
一仔爸： 阿仔今日攬了我好多次，又錫我，總錫咀咀添，不过我避开了！
一仔媽 : 唔係卦? 阿仔肯錫人了？你卻居然避开？
一仔爸 : 我病啊!
一仔媽 : 咁你有無同阿仔講因為你病，所以唔好鍚錫?
一仔爸 : 有呀!
一仔媽 : 咁你有無叫阿仔留番等媽媽回家錫媽媽?
一仔爸 : 無wow!
一仔媽仍有些不相信 : 係未阿仔錫了你一次，你誇大話鍚多次呀?
一仔爸 : 當然唔係，我同阿仔玩得好開心，所以阿仔對我又攬又錫!
心底話 : 一仔媽仍唔相信，要搵日、盡快印證下一仔是否肯錫人先?
一仔唔肯錫人?????
回覆刪除南瓜仔好鐘意錫人，除左錫我地之外，仲四圍錫女仔，已經錫過三個女仔，到處留情
[一仔媽回覆07/31/2013 08:41:07]我都笑c^o^
[Mrs. Wu回覆07/30/2013 01:11:12]哈哈哈，原來南瓜仔咁中意錫人，可能錫飽哂吾肯食野呀
[Mrs. Chu回覆07/29/2013 14:59:37]肚b個初吻都畀左南瓜仔啦...
[小高回覆07/29/2013 10:28:09]笑C我，原來南瓜仔鐘意到處留情
[一仔媽回覆07/28/2013 03:46:42]係呀，一仔唔会錫人，只会攬人，正一cool boy！
南仔仔想做小小楚留香！？
[寧琦聯婚回覆07/27/2013 23:58:40]哈哈,南瓜仔咁細個就識鍚女仔...
咁一仔好番未呀,帶定外套出街,我通常自己feel到微凍,就幫仔著外套.熱時即幫佢換背心,一凍一熱真係好易病...肥仔水有用嗎,我成日都聽人講,但未試過..
回覆刪除[一仔媽回覆07/28/2013 03:53:45]多謝朗朗媽！一仔只剩間中留鼻水！
一仔好怕熱架，晚上开冷氣瞓，幫佢蓋被，点都要伸番对手对脚出来，我地唯有用大毛巾一定蓋住佢肚仔！
哎呀...點呀！一仔同一仔爸好返d嗎？補祝一仔爸生日快樂！身體健康 ~
回覆刪除呢d天氣時常出入冷氣地方，稍不小心好易中焦，你自己都要多保重！
哈哈 ~ 嘩 ~當真的話爸爸一定甜入心，平時唔主動鍚，家下仲要鍚幾轉．．（查實係咪因爸爸唔比一份鍚，鍚唔到所以要試多幾次？XXD)
[一仔媽回覆07/31/2013 08:42:35]哈哈，”錫唔到，所以要試多幾次”，又可能係喎^o^
一仔同一仔爸好返未呀?!
回覆刪除係咁攬住爸爸,一仔爸真係冧到暈
[一仔媽回覆07/31/2013 08:44:13]兩個好番晒了，今次真快！多謝妹豬媽！
一仔爸真係冧c架^o^
哈哈~~~ 又攬又錫，咁一仔爸開心C 啦.....一仔媽，印證時記住要拍照喔，哈哈
回覆刪除[一仔媽回覆07/31/2013 08:45:04]係呀，到時一定要映相！
好sweet sweet呀，不過一仔追住錫爸爸，咁一仔媽證實左未呢？
回覆刪除希望一仔爸同一仔快啲好番晒，一家人kiss kiss溫馨下
[一仔媽回覆07/31/2013 08:46:58]昨晚問一仔爸，他話一仔無再錫了，可能只得生日先可收到一仔既birthday kiss！
肯又攬又錫亞爸b,一定好sweet la
回覆刪除[一仔媽回覆07/31/2013 08:47:25]冧c了^o^
一齊病咁慘! 辛苦你喇!
回覆刪除[一仔媽回覆07/31/2013 08:49:09]好彩有新印印幫手，今次唔辛苦，擔心多d！
要快啲好番，就可以互相錫錫了，我要好快見到一仔咀一仔媽既post
回覆刪除[一仔媽回覆07/31/2013 08:51:10]無再錫了，如果再錫，一定要打鑼打鼓公告天下^_^
唉！我都最驚阿肶病，真係全家上下都無晒心機....希阿一仔身體健康啦！
回覆刪除[一仔媽回覆07/31/2013 08:52:39]多謝阿肶媽，兩父子好番晒了！