預左星期日落雨，實無得去游水（好想去呀
），見湊B姨姨同d blogger 都帶小朋友去沙田文化館，又幾多野玩，我地都去玩下先！早上八点在屋企附近飲茶，飲到九点，由TKO揸車去，30分鐘就到，早去文化館有車位泊，走時十一点半泊車要排隊了！
文化館十点先开，在門外排隊好熱，好彩有蓋，唔怕淋雨！
可能亦有李小龍展，排隊買票有d乱，只得工作人员口頭指示，一条隊只買普通入場券十元，另一條買普通入場券+李小龍都係十元，我地分开兩條隊一起排，当然買錯了double!
好彩比即場退票，因一仔媽吟佢地賣票混乱，一条隊都可以啦，何必分开兩條隊呢！
先去李少龍展覽廳，之后藝想天開，再去劉培基展覽廳，不只一仔姑媽有興趣，一仔都有興趣，埸內有部大电视，播d 模特兒行天橋，一仔睇到有d唔願走！
第一張相 ： 如果係屋企，一定唔会買飛行棋，因怕一仔放入口誤吞！
第二、三張相 ： 這個水晶山洞，一仔唔肯入去，一仔媽唯有先入去，然后一仔爸再推一仔入去影相！
第四張相 ：這張葉形会轉的吊椅，一仔唔肯坐，我地快手快脚先影到相。
第五、九張相 ： 推車仔，對一仔来講，完全無難度了。
第六張相 ： 件礼服对一仔来講太大件了。
第七張相 ： 一仔知可將圆片塞入個窿里，但有時塊片打横了，唔識轉直番先塞入去，相信比多少少時間给一仔玩，他会学識的，可惜我地趕時間要走人。
第八张相 ： 有咁大塊鏡，照下夠唔夠靚仔先！
一仔可能扭眼瞓，要含住奶咀先乖乖影到依張相
這些塗鴉，是一仔爸的傑作
小表姐既招牌V手勢+甜美的笑容
難得一仔姑媽亦放假，当然要陪嫲嫲一起上下鏡啦！
顺便预早慶祝一仔爸生日，Mixed fruits cream cake! 相中的蛋糕都有兩磅架!
后話 ：
一）由於落雨，文化館有個露天给小朋友玩的地方没有开放！
二）一仔大部份時間扭一仔媽抱，可能扭眼瞓
我都要快d帶小b去玩下先得~
回覆刪除[一仔媽回覆07/26/2013 08:58:06]係呀，尤其依排落雨，只可去室內玩！
呢排一放假就落雨，好掃𪊴，一仔都玩左好多野wow!
回覆刪除[一仔媽回覆07/26/2013 08:59:10]但好似唔夠時間，每样只玩得幾分鐘！
禮服果張喺邊個館影架??我未見個..無得去露天,好可惜,下次在去..
回覆刪除[寧琦聯婚回覆07/26/2013 16:09:14]thx,下次去依度影相先..
[一仔媽回覆07/26/2013 09:01:15]都係藝想天开行人去，第一個室有不同既鼓给敲打，第二個室就係了（希望我無記錯）。
真係要趁天氣好就出多D街呀....你地咁早出門，咁一仔吾駛食野？
回覆刪除[一仔媽回覆07/26/2013 09:02:51]一仔六点半飲奶，八点食生果，果日無食到生果，一天半天唔緊要啦！
好好笑，一仔穿著禮服...但又...食著個奶嘴，比佢笑c小高姐姐啦！
回覆刪除[一仔媽回覆07/26/2013 14:46:50]唔好笑到肚痛呀!
一仔著起禮服個樣都正經0的~~~
回覆刪除呢度好似好多野玩0甘0窩! 下次再去露天啦~~~我諗都有好多景0者﹗
講開飛行棋就諗起鬥獸棋~~第時等bb妹大0的都要教0下佢玩先~~
[一仔媽回覆07/26/2013 14:47:42]應該唔會再去了，下次去科學館!
幾好玩咁喎! 原來李小龍都喺果度, 咁咪好多人? 我都係遲啲先去喇...
回覆刪除[一仔媽回覆07/26/2013 14:46:11]話早去無咁多人，但都多旅行團，不過不同地方排隊都唔怕既!
10點開門，20-30幾人排隊買票，都好快清走買票既人，總之快過麥記好多!
個日我都行唔到室外呀!
回覆刪除水晶山洞，,我亞囝唔肯入去呀,哈哈
[一仔媽回覆08/04/2013 00:42:00]一仔都唔肯入呀，所以我和一仔爸夾手夾脚捉佢入去！
我住喺沙田咁耐都未去過，搵日要帶阿肶去吓先得！
回覆刪除[一仔媽回覆08/04/2013 00:42:53]最好好天去，可以去麻室外果到玩！