一仔還未正式玩過波波池，星期日經过屋企附近商埸，流動攤檔個後生仔話最後一天擺檔，一仔媽見個波波池特別，卡通款，高身有投籃，有隧道穿山窿，但稍大，都要致電問一問一仔爸，估唔到他都赞成買！
$258一袋，包50個波，另外買多了兩款玩具，原價各$58，買了咁贵的波波池，当然要講價，最后一百元兩件！
（其实波波池平了定貴了？一仔媽唔知，但另一款玩具推珠仔，一仔媽曾見过類似的都要70、80元）
後生仔建議$48買多一袋50個波波，因原本的50個只佔波波池3份2空間，但一仔媽唔敢再買，回家拆开了波波池玩先再算。
屋企细，原本諗住波波池只可間中拎出来玩，所以要留番比一仔爸拆個包裝，好讓他一路拆时一路留意個包裝既還原摺法（早知一仔媽果時用手机拍低後生仔点示範摺番麻啦，可惜無拍低），好彩原来有張纸图文並茂講解，一仔爸亦話还原容易！
原来個波波池都夠位放在电腦枱旁呀！
袋波波池，一仔媽買到回家時，一仔己經手掂掂個袋，但一仔爸果兩天很忙，袋波波池暫时放在电脑枱上，一仔爸話係web cam中都见到一仔既視綫成日望住袋波波池，又手指指個袋，回到家，新印印都係咁講！
登！登！登！终於等到一仔爸解封啦，一仔即刻衡入去玩！
左右都係波，玩邊一個先好呢?
有山窿穿，正呀!
這件Carter 迷彩衫係一仔媽的美國朋有 Yvonne 送，一套兩件，另一件個款式斯文d，又啱size呀，一仔媽好like!
後生仔又話波波池d出口有門可遮住，唔怕d波波走出来！
但他唔知道百厭的一仔，係將d波向上拋出去，又或從三個窗仔將d波拋出去。
虚掩的門，更加攔唔到一仔！
一仔媽叫一仔爸教一仔投籃，一仔爸話一仔已識啦 → 一仔將成個籃扯低，直接將個波放入去
夜晚，一仔已經玩到將個波波池成個瞓低了！
一仔，你咁玩法，玩到個波波池東歪西倒，個波波池唔知可以玩幾耐呢?
一仔，你17個月大啦，買了這個新玩具，要乖d啦！
不然，下以次媽媽唔買架（当然無可能
）P.S.
一仔姨媽話係葵涌廣場見过成個波波池係汽車款，二百幾蚊，因係最后一個，很殘，所以無買！但淘宝可能有得買！？
一仔爸話50個波波唔夠，下次可以買多一袋。
Oh, No, 一仔媽又買貴野了，原來淘寶上都有一模一樣的，RBM 89架
一仔玩波波池當然有拍video啦
其實我也有買波放入網床的想法, 後來我D 朋友話: 你要清d 波wor!
回覆刪除懶惰o既我就打左退堂鼓lu ~ (加上我張網床很大, 要買好多好多波~)
[Mrs. Chu回覆07/11/2013 13:43:40]公公可以侍候埋柑媽喎
[柑柑回覆07/11/2013 10:28:17]我無印印, 得公公... (老公)
[一仔媽回覆07/11/2013 06:17:04]係wow， 無諗过用網床都得！
一仔今早扔剩5個波波在池里，所以我地决定唔再買多50個了，執波同抹波（好彩新印印好乖肯每晚抹）都辛苦！
依张網床個地下居然会甩毛毛呀，希望一仔唔好放入口！-_-!
[柑柑回覆07/10/2013 17:17:02]我張網床超大!
我見我朋友普通網床用100個都唔夠啊~
我張床起馬要200個~
[Mrs. Chu回覆07/10/2013 17:13:08]Haha me 2! 我都好想咁做，不過50個波波喎，唸起洗完又要逐個抹我就縮沙了
兒童樂園咁款啵....正~
回覆刪除[一仔媽回覆07/11/2013 18:44:42]bb既至愛
而家真係好多野都係淘寶貨, 下次我地買野前真係要格下價先, 咁就可以將慳到既$$買多D玩具俾仔仔玩hoho
回覆刪除[一仔媽回覆07/11/2013 18:45:58]对呀，慳麻d$係用来再買玩具的！
一仔真係幸福, 咁多新奇特別玩具, 我實在太懶清埋關係, 好少買玩具俾matthew架
回覆刪除[一仔媽回覆07/17/2013 06:21:27]啊，總要等麻放完產假先，那你份工一定好多野做，希望你老板快d請到人接替你啦！
[Yan回覆07/13/2013 22:41:21]都已經同左老細講, 應該都會轉架啦, 不過要睇幾時離職, 應該唔會一放完產假馬上走咁冇義氣~~
[一仔媽回覆07/13/2013 08:20:10]可以轉做FTM了？ Yeah！
[Yan回覆07/13/2013 00:21:54]都係一個方法, 不過可能要等我轉左FTM冇咁忙先有時間monitor, 依家又要返工又要兼顧個blog真係分身無暇呀
[一仔媽回覆07/12/2013 08:32:39]好似学校咁等小朋友放学后，d玩具先抹，每晚九点半我同一仔去瞓觉，工人姐姐先去抹一仔d玩具、網床、playmat等，最初我睇了一兩天，隔一排再睇当test，之后無再睇了。我知她有抹的，就算唔係100%抹，都有七、八乘抹左！
[Yan回覆07/11/2013 22:39:59]我日頭唔o係屋企唔係睇住佢逐個抹 始終放心唔哂, 所以都係奉行貴精不貴多啦
[一仔媽回覆07/11/2013 18:47:45]你有工人姐姐幫手清潔啊！
嘩~~~ 好好玩呀~~~ 見到都想玩，大人見到都好鐘意，一仔一定更鐘意啦
回覆刪除[一仔媽回覆07/11/2013 18:48:44]第二日一仔同小表姐玩到晏觉都唔瞓呀！
50個波波睇落真係唔夠. 要買多100個! 咁下次不如直接淘啦!
回覆刪除[一仔媽回覆07/12/2013 12:55:06]當然得，更乾淨，但都要逐個抹番乾啊!
[田鼠b回覆07/12/2013 09:48:50]波波一次過用水沖得唔得?
[一仔媽回覆07/11/2013 18:52:49]忍住唔買得，因一仔成日扔d波出来，我地就執、孰、執，另每晚工人姐姐抹一仔d玩具、網床等都要15-30分鐘，现在加埋波波池同50個波要抹，我都唔好意思呢！
好似好好玩喎~
回覆刪除[一仔媽回覆07/11/2013 18:53:39]絶对係！
波波池波波池波波池...一仔媽你又係度毒我!
回覆刪除[一仔媽回覆07/12/2013 19:19:24]一仔都係咁！所以，我買果刻原来係無諗过后果，好彩唔駛我抹，辛苦新印印了！
[sandychan0902回覆07/12/2013 14:00:12]網床試過啦~執餐死, 個衰仔係咁掉晒d波波出黎><
[一仔媽回覆07/11/2013 18:56:44]hohoho，或者可以学柑B媽用浴盆当波波池，如果唔怕要抹抹抹，網床当波波池都得
一仔真係好多新玩意喎.........搞到我都想買個，哈哈
回覆刪除[一仔媽回覆07/13/2013 08:18:11]US Toyrus呢？或上淘宝網睇，如果你需要，我可以幫你買及寄！
[Mrs. Wu回覆07/12/2013 22:31:13]都吾知邊度有得買
[一仔媽回覆07/12/2013 08:17:51]你屋企夠大，買啦買啦！
淘寶野好平,不過我唔識用!
回覆刪除[一仔媽回覆07/12/2013 12:13:11]我已经係第三、四次香港買了，才發現淘宝+滙率+運费后仍然平过香港買的！
如果需要知点用淘宝，可以电郵或whatsapp問我！
[小高回覆07/12/2013 11:03:53]HAHA 我都係咁話！不過RMB唔平，仲要計咪運費，所以都未必真係好平，要睇D！
好羨慕一仔咁細個就有私家波波池，以前要等好耐好耐媽才帶我們去一次波波池度玩！
回覆刪除[一仔媽回覆07/12/2013 12:13:48]我以前细个無玩过呢！
玩到反池
回覆刪除[一仔媽回覆07/12/2013 18:37:52]好彩反池只係d波轆出来，唔会太危险！
波波池係小朋友既至愛
回覆刪除[一仔媽回覆07/15/2013 06:22:59]係呀，现在d小朋友好多玩具玩添！
小朋友真係好鐘意玩波波，我嗰個拿住兩個波波在手就肯上泳班喇！
回覆刪除[一仔媽回覆07/17/2013 08:40:28]好彩d波波可以吸引到阿肶！
一仔好幸福呀，有私家波波池，仲有得穿山窿
回覆刪除[一仔媽回覆07/17/2013 08:42:22]係呀，雖然有d衝動買的，但一仔玩得开心，好彩新印印抹又無怨言！
私 家 波 波 池 好 正 呀 ! 一 仔 真 係 好 成 日 有 新 玩 具 ~~~
回覆刪除淘 寶 平 可 以 買 多 個 extend 佢 整 個 再 大 0的 0既 波 波 池 啦 ~~
[一仔媽回覆07/22/2013 16:48:55]屋企無地方再買大d啦！