讀生字

<1yr5mo>

一仔爸見到一仔靜英英搬张凳仔去大人房，自己坐定定对住認字板讀生字呀！

一仔媽最初睇到個video，有d感觉老怀安慰，因一仔媽都擔心一仔只喜欢玩手机apps，而唔喜欢睇認字板！

一仔太多野玩，依排都好少同佢走去認字板到認字了。

但下一刻，一仔媽有d內疚感，因一仔之前整爛晒d書，怕再買了，一仔又咬又撕，一仔媽遲遲都未再入货，又係時候要揾下資料la。

一仔在片中講了兩個英文字母、一個英文生字及一個中文单字，聽到吗？


之前話過一仔識講 Mama， Papa， 嫲嫲，依到依到，奶奶，啊，曳曳，bye 及一連串BB話 + 手指指。

其實再之前，一仔都講過以下，但因為只聽到過一、兩次，一仔媽當唔算!
”瞓覺、苦苦地、飽、唔食、姐姐、飲奶奶、唔入、我要入去、我無曳曳、俾你、好yeah"

可能一仔都講過其他，但我地唔為意吧?

砌積木之進展

<1yr5mo>

副積木起初只識拆，大概玩了3 - 4個星期，已識砌了。

進步@坑口兒童室內遊戲室

 <1yr5mo>

今天一仔很忙呀，上午做孫悟空，晚上做李小龍！

先去坑口兒童遊戲室睇孫悟空！

 

小表姐居然提議比一仔騎膊馬又騎牛牛，一仔唔肯騎牛牛，所以只影到騎膊馬！

依個樓梯，起初一仔只肯爬上一、兩級，一見有人擋路，更加轉頭走人。

好彩，臨走前，影到佢落樓梯，但影唔到佢都成功爬到側邊高身的樓梯，都唔知係讚佢好?定又話佢係馬騮仔?

原來依個體育館有育嬰室換片架，不過係拉下來那款換片板，一仔媽有時會擔心塊板唔夠力，原來可以承受15kg，一仔現在只有12kg左右。另外，育嬰室亦有提供暖奶器，幾好wow!

跟住去了體育館出面的公園吹泡泡，一仔今次玩得好開心，又識追泡泡了。

一仔爸話電槍同一支支既泡泡棒比較，棒的泡泡大粒d，兩款都係係深水步玩具街買。

晚上約了朋友在東港城 Pizza Hut食，一仔搖身一變為李小龍!人地正宗李小龍手拎雙鐵棍，我地Q板李小龍手拎沙灘泥把，型唔型先?

Pizza Hut 訂位時有預留BB椅及兒童餐具

很難先影到一仔依張望鏡頭的相，還要和一仔爸呢!
你地話一仔似邊一個多d?

都話好難影到一仔望鏡頭呢!
同一仔媽的契家姐影相 (去歐洲旅行前做了脫疣，真係清靚白淨了好多，一仔媽等十月天氣涼d先去脫!)

依頓晚餐係為了另一個契家姐和她大仔上年移民去了美國，今次大仔放暑期返香港玩。

P.S. 孫悟空及李小龍衫在淘寶買，95碼，明年都穿到!

 

 

 

 

 

 

 

 

 

 

 

 

 

 

 

如廁訓練之進展~7月尾

<1yr5mo>

端午節过后果個星期日，开始同一仔用potty，每次換片前坐5-10分鐘，幾日先等到一次有殊殊，未試过唔唔！

手拎住媽媽部手机玩，一仔十分願意坐定定，又難得媽媽肯陪他坐！

上限係十分鐘，因会坐到一仔大脾都红晒！

坐完要換片時，有時一仔扭要继续坐添！

進度雖比龜兔赛跑还缓慢，但一仔媽今次反而唔心急，因最好訓練時机係兩歲及BB識示意去廁所啊！

用potty如廁未有進展，反而多了以下既收穫！



知道要換片，識走入廁所拎個便便桶去BB房，再幫手拎开個蓋。

用完后，又識拎番入廁所放好，真乖仔！

飛象過河

<1yr5mo>

知食晚飯時間到，一仔識將歺椅推入大人房，然后擒上歺椅，歺椅與大人床有一小段距離，一仔好似当無野，照擒上大人床，正一馬騮仔！



係最后，一仔講了兩個字，聽到嗎？

兩父子病了+ 歷史性一天

<1yr5mo>

星期日去完沙田文化館，星期一一仔有咳又打噴池、流鼻水（有少少黄色），可能星期日焗病了，室外熱，室內凍（係指7人車凍，文化館一d都唔凍，有d熱添），又唔夠瞓。

一仔爸放假，一仔媽囑他如果一仔情况持續或嚴重了，要帶一仔去附近個超级女医生睇！

一仔媽放工回家，一仔爸話一仔只有少少咳及流鼻水，但晚上瞓到十一点，一仔咳醒又喊，無發燒，算一仔爸醒目，提出餵上次睇医生飲剩的咳药水，兩人夾手夾腳用針筒餵一仔飲完后，好彩都可继續瞓！

第二早將止咳及傷風药放入奶里餵一仔，同時請新印印留意一仔既情況，如果嚴重了就call一仔媽即時回家帶一仔睇医生！

兩歺固体時間新印印都call一仔媽，因一仔只肯食少少，一仔媽吩咐改補奶，一仔都係飲得一半。

一仔媽既同事媽媽及凑B姨姨話可能一仔喉咙痛唔肯食野，湊B姨姨更話喉咙發炎要飲医生的消炎药水先会好！

好彩一仔爸返早更，等一仔媽放工，車麻一起趕返屋企带一仔睇超级医生！

一仔唔合作，胡医生睇唔到一仔喉咙有無红，但她摸頸，話無事，应該無喉咙發炎，开番和上次一样的咳药及傷風药 (三天葯，一百八十元)，退燒药屋企有剩，胡医生話那飲番果支便可，但一仔媽話支葯無放落雪柜里，亦不知会否过期？

胡医生話不需雪，疹所的药都無雪，但一仔媽若擔心，都可以雪。

胡医生更加話支退燒药，早晚各给一仔飲一次，亦可当收鼻水药！

返家后，致电同一仔嫲嫲講，以免她擔心。

一仔嫲嫲話一仔唔肯食野，係未又吽牙呀？

一仔媽才醒起，係喎，這兩天一仔又唔肯比一仔媽幫他早晚清潔口腔呢！

飲了兩天药，一仔好得八八九九了。

其間有兩件小插曲。

第一件係星期二晚上睇完医生，晚上將药放入120ml奶里，一仔只飲得30ml，可能一仔分辨到d奶加了料，亦可能吽牙唔想飲。

果刻一仔媽有諗过d药需否另外再用針筒餵一仔飲?

但怕会令到d 药overdose，最后都無咁做，好彩上半晚一仔都瞓得好淋，係臨天光先多了咳！

第二件插曲係確实一仔因吽牙而唔肯食固体后，星期三、四晚加了肥仔水比一仔飲！

上次第一次飲，一仔乖乖飲，田鼠媽話因为肥仔水係甜既，今次一仔媽就試下，真係甜架，但甜得来有少少怪怪地！

今次第二次飲，亦用匙根，但一仔唔肯飲，要改用針筒餵！

星期五，一仔终於有番胃口食固体，早晚亦肯比一仔媽清潔口腔了，不过，下星期开始，要学用牙刷了！

*****************************************************

至於一仔爸，可能工作時淋了雨，星期三晚公司同事晚飯娛樂，一仔爸都半途退出了回家，星期四、五都請了病假！

*******************************************************

星期五亦係一仔爸生日，兩公婆一起半夜醒了，傾下心事。

一仔爸： 阿仔今日攬了我好多次，又錫我，總錫咀咀添，不过我避开了！

一仔媽 : 唔係卦? 阿仔肯錫人了？你卻居然避开？

一仔爸 : 我病啊!

一仔媽 : 咁你有無同阿仔講因為你病，所以唔好鍚錫?

一仔爸 : 有呀!
 
一仔媽 : 咁你有無叫阿仔留番等媽媽回家錫媽媽?

一仔爸 : 無wow!

一仔媽仍有些不相信 : 係未阿仔錫了你一次，你誇大話鍚多次呀?

一仔爸 : 當然唔係，我同阿仔玩得好開心，所以阿仔對我又攬又錫!

心底話 : 一仔媽仍唔相信，要搵日、盡快印證下一仔是否肯錫人先?

沙田文化館半天遊

<1yr5mo>

預左星期日落雨，實無得去游水（好想去呀），見湊B姨姨同d blogger 都帶小朋友去沙田文化館，又幾多野玩，我地都去玩下先！

早上八点在屋企附近飲茶，飲到九点，由TKO揸車去，30分鐘就到，早去文化館有車位泊，走時十一点半泊車要排隊了！

文化館十点先开，在門外排隊好熱，好彩有蓋，唔怕淋雨！

可能亦有李小龍展，排隊買票有d乱，只得工作人员口頭指示，一条隊只買普通入場券十元，另一條買普通入場券+李小龍都係十元，我地分开兩條隊一起排，当然買錯了double!

好彩比即場退票，因一仔媽吟佢地賣票混乱，一条隊都可以啦，何必分开兩條隊呢！

先去李少龍展覽廳，之后藝想天開，再去劉培基展覽廳，不只一仔姑媽有興趣，一仔都有興趣，埸內有部大电视，播d 模特兒行天橋，一仔睇到有d唔願走！

第一張相 ： 如果係屋企，一定唔会買飛行棋，因怕一仔放入口誤吞！
第二、三張相 ： 這個水晶山洞，一仔唔肯入去，一仔媽唯有先入去，然后一仔爸再推一仔入去影相！
第四張相 ：這張葉形会轉的吊椅，一仔唔肯坐，我地快手快脚先影到相。
第五、九張相 ： 推車仔，對一仔来講，完全無難度了。
第六張相 ： 件礼服对一仔来講太大件了。
第七張相 ： 一仔知可將圆片塞入個窿里，但有時塊片打横了，唔識轉直番先塞入去，相信比多少少時間给一仔玩，他会学識的，可惜我地趕時間要走人。
第八张相 ： 有咁大塊鏡，照下夠唔夠靚仔先！

一仔可能扭眼瞓，要含住奶咀先乖乖影到依張相

這些塗鴉，是一仔爸的傑作

小表姐既招牌V手勢+甜美的笑容

難得一仔姑媽亦放假，当然要陪嫲嫲一起上下鏡啦！

顺便预早慶祝一仔爸生日，Mixed fruits cream cake! 相中的蛋糕都有兩磅架!

后話 ：
一）由於落雨，文化館有個露天给小朋友玩的地方没有开放！
二）一仔大部份時間扭一仔媽抱，可能扭眼瞓

Jolly Kingdom 第二堂試堂 + 手機 BB apps

<1yr5mo>

终於去JK 返麻第二堂，亦係最后一堂既試堂！

同第一堂一样，亦係Mr Gavin，他係一個幾有耐性即阿Sir，因一仔都係全堂走来走去，搅搅震，無幫襯！

因選了另一個上堂時間，d 同学唔同晒，另有6個小朋友，有d有時都扭計、走来走去，但一仔係最“活躍“那個！

上堂都係同上次一样 → 唱歌，学英文生字，bubble time 后say good bye！

今次唱歌時一仔好少少，可能上個星期一仔媽揾了一個得意的手机apps，雖然畫面係靜態播廣東話兒歌，而無音樂细胞又無音樂節拍感的一仔媽，为了可以借机教一仔，见播刷牙歌、有隻雀仔跌落水、大笨象会跳舞時，都会做麻動作，令到一仔好开心，一仔媽唔做時，一仔都会捉住一仔媽隻手要一仔媽做，好搅笑！

好彩今次上完堂返到屋企后先落大雨咋！

一仔回到家，居然唔駛瞓晏觉，但到晚上七点幾卻太攰瞓着了，等我地食完飯8点多先醒，因我地連一仔碗飯都食麻，唯有只補奶！

见到一仔因为下午上堂而令到作息有d乱，一仔媽有d唔忍心！

需知道一報名，就要連續返兩、三個月！

算吧，一仔媽都係慢慢揾，最快年尾，最遲明年年頭先報，JK都ok，但想揾d有得一路玩玩具一路学英文生字，又有勞作（但係一仔媽最差的一科），最好近屋企，行路都得。

或素性等明年9月讀N班（如果有学校收）！

以下係一仔喜欢玩的手机apps！

健康兒童 飲食秘笈

<1yr5mo>http://dev.eastweek.com.hk/index.php?aid=4146

網上搵BB飲食資料時，無意中搵到依篇!

覺得一仔好似高度比較矮，上個月已開始比一仔食芝士，起初日日食，出了第7、8隻牙后，改隔天食（因唔知日日食，可以嗎？），希望有幫助!

至於三文魚，原來一星期最好有一餐，近依兩個月少食了，因一仔媽喜食鯇魚腩多d，為了一仔，係時候又要食番三文魚了!

花臉貓之進展(1) ~ 壽桃牌兒童麵

<1yr5mo>

新印印隔個星期日先放假，晚餐一仔媽通常叫外賣，所以唯有煮麵或通粉比一仔食，又可以比佢自己試畢來食！

今次起初一仔玩下玩下，總將個匙根上下咁fing，d麵周圍飛，一仔媽拎走個碗，一仔瓜瓜叫，一仔媽同佢講數，要乖乖食！唔准再玩！

点知一仔真係乖乖食呀！

食到花臉貓咁，一仔媽都懒得抹，等食完先！



一仔依然畢麵果下唔得，但今次換了依隻長匙根，可以下下送入咀里食到，有時一仔媽都会出手幫下！

但拎匙根個手勢唔正確，嘗試抖正一仔，佢唔肯，唯有慢慢教。

今次食完后，好似戰場咁乱，餐枱、地下周圍都係，要抹幾次，下次都係
餐枱、地下各舖番张即棄枱布先。

依款壽桃牌兒童麵係睇到一個blogger介绍！百佳有得買。

煑法好簡单，落兩紮麵后，煮四分鐘便可。

因初次煮，一仔媽落一紮。

滾水落绞碎豬肉，等再滾水先落麵及菜蓉，4分鐘后，隔走d湯，剪碎d麵。

有不同口味，內有湯包，一仔媽無用，因一仔仍食緊無調味的餐！

食完麵后，估唔到一仔仍要補300ml奶！

 

必中的投籃方法

<1yr5mo>

第一日玩波波池，一仔爸話一仔已識投籃，總下下必中籃，而依個方法，係一仔爸教的

17個月大的成長報告

<1yr5mo>

又好耐無寫一仔的成長報告了...希望可以keep番每個月寫。

15個月大"前"已識的動作-識揾奶咀及對準塞番入自己口
-Nuk奶樽的奶咀只有一邊可以飲奶，一仔識轉來轉去后，轉番啱果邊飲奶

15個月至16個月已識的動作
-識主動塞番個防夾手胶入門缝到，但多數仍未对得準，有時又会成個胶拎走拿去咬，要一仔媽no no 叫番轉头先放入門縫到
-識主動關廁所門
-夠大力推開網床攝入廚房、按洗衣機掣（通常即時比一仔媽阻止）、推開洗手盤下的柜門、掂里面的東西、掂垃圾桶
-换片時要一仔媽部手機睇video先可乖乖一陣
-瞓觉覺時聽指示按着CD機的开关掣播歌
-瞓覺時抱住含住奶咀的一仔，對一仔爸及新印印講Good night 、早抖時，會將頭仔更挨麻一仔媽心口
-將滿是口水的玩具塞入一仔爸媽口中
-自己上落sofa
-識同時講Bye 及揮手
-識兩隻手拍掌（之前好似招財貓咁兩隻手上下fing而已）
-一仔媽返工，一仔會去打開鞋柜，想幫手拎鞋出來(一仔媽通常會stop佢，但同佢講唔該晒，唔駛la，對鞋污漕，媽媽自己來)

16個月至17個月已識的動作-玩車、玩飛机時配麻音
-按掣开关房燈
-推動網床一米遠
-自己撰玩具要買
-刨西瓜
-成日偷雞要走入廚房
-自製吹口哨
-sir滑梯 >>> 由爬可以變成坐去sir
-片變形車 (謝謝 Dan Dan 媽咁貼切的形容)
-從頸除番八達通套的頸繩出來
-砌高積木
-身挨住一仔爸，手又搭上一仔爸膊頭，睇一仔爸打機，最喜歡睇槍game，win了時會拍手又同一仔爸give me five!
-上落樓梯仍在努力中
-自己上落餐椅
-努力用potty 中
-玩一仔媽部手機，識得按掣跳出去主畫面，手指左郁右郁，選自己喜歡的flash card apps ，按入去再玩
-六月初天氣熱，飲水少了，轉用学習林杯的飲管，因一仔贪玩，今次用飲管好好多，有時都会濁親，因一仔飲得快及不停飲
-專登將变形車瞓低，玩轆，然后双手又將架車拉番起身
-將玩具箱d玩具逐件扔出箱外后，自己擒入去坐，試過還將個箱反轉，坐上箱頂添

說話
識講 Mama， Papa， 嫲嫲，依到依到，奶奶，啊，曳曳，及一連串BB話 + 手指指

便便
多數每天一次，間中隔天，很少一日兩次

飲食 + 睡眠
6:30am  240ml，曾試過幾次330ml
8am   生果蓉
9-11:30am    小睡
11:30am 全軟飯
1pm 沖涼
2-4:30pm    小睡
4:30am 結粥
8pm 大人飯
8:30pm  補奶
9:30pm Good night!

私家波波池的缺陷(上) - 起毛粒

一仔玩了波波池的第二天，一仔爸發现個波波池的地下（包括隧道）会甩毛呀！

好似貓貓狗狗甩毛咁，唔係少少，如果用手去扯，都可扯到手有一大团毛！

 
可能一仔係到爬爬爬，同個地面有磨擦！

但，都無理由甩咁多毛！

一仔媽唯有手拿一束毛，对住一仔講，千叮萬囑他不能放入口，唔好味（学田鼠B见到的waitress 姐姐）！

私家波波池

<1yr5mo>

一仔還未正式玩過波波池，星期日經过屋企附近商埸，流動攤檔個後生仔話最後一天擺檔，一仔媽見個波波池特別，卡通款，高身有投籃，有隧道穿山窿，但稍大，都要致電問一問一仔爸，估唔到他都赞成買！
$258一袋，包50個波，另外買多了兩款玩具，原價各$58，買了咁贵的波波池，当然要講價，最后一百元兩件！（其实波波池平了定貴了？一仔媽唔知，但另一款玩具推珠仔，一仔媽曾見过類似的都要70、80元）

後生仔建議$48買多一袋50個波波，因原本的50個只佔波波池3份2空間，但一仔媽唔敢再買，回家拆开了波波池玩先再算。

屋企细，原本諗住波波池只可間中拎出来玩，所以要留番比一仔爸拆個包裝，好讓他一路拆时一路留意個包裝既還原摺法（早知一仔媽果時用手机拍低後生仔点示範摺番麻啦，可惜無拍低），好彩原来有張纸图文並茂講解，一仔爸亦話还原容易！

原来個波波池都夠位放在电腦枱旁呀！

袋波波池，一仔媽買到回家時，一仔己經手掂掂個袋，但一仔爸果兩天很忙，袋波波池暫时放在电脑枱上，一仔爸話係web cam中都见到一仔既視綫成日望住袋波波池，又手指指個袋，回到家，新印印都係咁講！
登！登！登！终於等到一仔爸解封啦，一仔即刻衡入去玩！

左右都係波，玩邊一個先好呢?

有山窿穿，正呀!

這件Carter 迷彩衫係一仔媽的美國朋有 Yvonne 送，一套兩件，另一件個款式斯文d，又啱size呀，一仔媽好like!

後生仔又話波波池d出口有門可遮住，唔怕d波波走出来！

但他唔知道百厭的一仔，係將d波向上拋出去，又或從三個窗仔將d波拋出去。

虚掩的門，更加攔唔到一仔！

一仔媽叫一仔爸教一仔投籃，一仔爸話一仔已識啦 → 一仔將成個籃扯低，直接將個波放入去

夜晚，一仔已經玩到將個波波池成個瞓低了！

一仔，你咁玩法，玩到個波波池東歪西倒，個波波池唔知可以玩幾耐呢?

一仔，你17個月大啦，買了這個新玩具，要乖d啦！

不然，下以次媽媽唔買架（当然無可能）

P.S.
一仔姨媽話係葵涌廣場見过成個波波池係汽車款，二百幾蚊，因係最后一個，很殘，所以無買！但淘宝可能有得買！？

一仔爸話50個波波唔夠，下次可以買多一袋。

Oh, No, 一仔媽又買貴野了，原來淘寶上都有一模一樣的，RBM 89架

一仔玩波波池當然有拍video啦

$55「中英語言 9 吋平板學習機」 - Yahoo 團購優惠

http://hk.deals.yahoo.com/hong-kong/offer/history/91885

但要留意領取時間只限星期一至五，1pm -  8pm

自己上落餐椅

<1yr4mo>

星期五臨出門口上班前，和新印印在客廳，一起望到一仔好快手擒上餐椅塊餐板上，正諗緊他點擒落去坐低，他轉一轉脚，已成功坐低了！

跟住又專登望住他點擒番出來，比較難，因張餐椅會郁，算他醒目都知，最后識舉高雙手，示意要一仔媽抱他出來。

第二日，又比一仔爸拍到他擒上餐椅。


第一、二日，一仔仍在研究點樣先可以安全離開張餐椅呢?


第三日，一仔已識兩個方法落餐椅了，第一個方法媽一仔媽教了他四次先識。

第二個方法，居然比一仔自己發現到


不過，張餐椅識郁，附近又係硬地磚，一仔自己上落始終有危險，唯有昅實一仔多d！

最新消息 ： 一仔爸剛下令嚴禁一仔擒上餐椅，但快手快脚的一仔，阻止得了嗎？

出第8隻牙仔

<1yr4mo>

係發现出了第7隻牙仔后兩、三天，嫲嫲睇到一仔原来上排右面第一隻臼齒已露麻出来添！

但眼弱的一仔媽，好似睇到第一次，但第二、三次再睇，又睇唔到，幫一仔抹口腔時，好似又摸唔到？

不过，既然嫲嫲同一仔爸話见到，那就当有啦！

六月初時，一仔媽见一仔仍未出第7隻牙，於是吩咐新印印每天放一粒笑牛牌芝士在軟飯或粥里，可能有d幫助卦？六月尾就出牙了

360度N次

<1yr4mo>

阿仔，轉咁多個圈，你唔暈，媽媽都暈啦