飲奶專區

<1yr4mo>

早兩個月前已想写這篇post，但遲遲未影到靓相，到今天，都未影到，因为...

一仔早晚飲奶，都係坐在playmat上，挨住一仔媽心口飲奶！

兩個月前，有一晚餵完一仔食飯，过一陣要補奶，一仔見一仔媽在廚房沖奶，就瓜瓜叫，一仔爸叫一仔走去playmat上等媽媽，一仔真的聽話走去playmat上，点知等了幾秒唔見一仔媽出来，一仔又走番去廚房，但走到一半，见到一仔媽拎住支奶走出来，一仔即轉頭走番去playmat....果次真係笑c一仔爸媽！

昨晚，同一仔爸又做了一個小实验。

一仔爸早己坐在playmat上，一仔在旁挨住sofa玩緊，一仔媽拎了支奶比一仔自己揸住，但一仔媽無坐低，看看一仔会否走去挨住一仔爸飲奶？

点知...一仔一边飲奶，一边望住一仔媽，好似疑惑点解一仔媽还未坐低既？

但一仔又無走去挨住一仔爸喎！

过了一陣，一仔媽终於坐低，一仔亦有所行動，一路飲奶，一路跨过一仔爸，跌低了，起身，最后都要挨住一仔媽飲奶！

早上有時一仔飲得耐，一仔媽要去刷牙食早歺，新印印会接替一仔媽坐在playmat上比一仔挨住，接替時，一仔会瓜瓜叫！

一仔媽有諗过要比一仔自己坐住飲奶，要他独立d...再过多幾個月吧！