肥仔水

<1yr4mo>

肥仔水= 英國吳德物次腸痛水

 一仔未出世前，一仔姑媽已介绍要買。

上次一仔腸胃炎，一仔爸同事亦介紹要買，一仔媽最后買了一支，但無比一仔飲，依然按照蔡医生指示食特別歺单兩星期，好彩一仔肯合作，兩星期后真係好番晒。

最近一仔食軟飯、杰粥有些扭計，晚上瞓觉又喊醒，有兩天又唔比抹口腔，唔知係未吽出牙呢？

一仔十六個月大，只得六隻牙仔，上排4隻，下排2隻。

一仔媽有d擔心，所以一、兩個星期前，十一点半歺軟飯加多一粒牛欄牌芝士。

有時一仔食野時扭计，係因为有其他人在埸，他会食得無咁專心，所以我地会走入睡房迴避！

端午節那天，一仔又食野扭計（但食西瓜就好乖喎），最后聽一仔姑媽話餵了兩茶匙肥仔水，一仔亦肯合作飲。

平時一仔好乖会飲晒240ml奶，但今早飲剩50ml， 如果情况持續，可能又要餵飲肥仔水了。