一歲大的一仔 ~ 打一歲針

23/2(六)早上帶一仔去TKO健康院打一歲針，雖然人多，但兩個鐘就睇完了，真好!

先去登記，等叫名去磅重，一歲BB可以著麻條片，唔駛好似BB時咁剝光豬去磅重又驚隨時開細!

一仔有10kg重(同屋企磅有少少出入，因屋企著晒衫)。

我見其他細BB都有量高度(北葵涌沒有嫁)，便問護士，護士話一歲無量高，下次要等四歲才量。

*****************************************************************

跟住又等叫名見護士(不需見醫生)查問一仔生活、生長詳情。

護士將幾個積木放入碗內，看一仔會否取出來 ， 一仔會  >> pass!

護士將星星餅交給一仔， 一仔識用手指拿住 >> pass!

護士問一仔識行未、要人扶嗎? 一仔媽答識行、唔駛人扶 >> pass!

護士問一仔識講野了嗎? 一仔媽答識講 mama、papa、曳曳及其他 BB話 >> pass!

護士問一仔識做 bye bye 動作嗎? 一仔媽答識 >> pass!

護士問幫一仔穿衣服時,講伸直隻手,一仔会照做嗎? 一仔媽答唔駛出声,一仔已自動將隻手伸直 >> pass!

護士問一仔會用手提電話，然後喂喂嗎? 一仔媽答無比電話一仔玩啊，怕他扔電話 >> fail!

護士問一仔會學大人用搖控制對住部電視機按制嗎? 一仔媽答無比，怕他亂按按壞部8千幾電視啊，但一仔有拿住其他已無用既搖控制fing來fing去! >> fail!

護士問一仔會學大人用梳梳頭嗎? 一仔媽答無比啊，怕一仔將把梳放入口里 >> fail!

護士問一仔會識推車仔嗎? 一仔媽答識推大變形車，細車，好似無? (一仔媽忘記了年初四去舊鄰居家拜年時，一仔都有玩過及識推) >> fail!

最後護士總結，指住健康院小冊子好似一歲BB會識做的動作那一頁，對一仔媽講要抽多d時間同一仔玩!

一仔媽即刻問護士那一歲半是否要識做小冊子一歲半BB會識做的動作，護士答對 >> 那一仔媽當然會重點幫一仔練習啦，免得下次又咁多 fail!

***********************************************************

護士問一仔媽有無其他問題，一仔媽問男BB係未要反JJ咋?

護士問BB仔小便有問題嗎?一仔媽話無呀!

護士答那便不需要專登去反JJ了。

******************************************************

跟住又等叫名見護士打針，原本一坐低，護士都話一仔媽抱一仔準備打針既姿勢正確，點知護士話要我地幫一仔除褲，一仔乘機郁來郁去唔肯住坐定，好似知道要打針似的!

最後一仔媽和新印印夾手夾腳按住一仔D手手腳腳，護士又好快手在一仔左右大脾各打了一支幼針，一仔即時大喊，果刻無乾淨的奶咀給一仔含住，好彩一仔媽突然醒起背袋里有一壺熱水，連忙走去洗手間將奶咀用熱水沖幾沖，一仔一含住奶咀，即刻無再喊!

****************************************************

一月帶一仔睇私家醫生時，開的退燒藥都係 2.5ml，估不到到二月，健康院開的已係5ml (但重量應無什麼變化啊)!

其中一支針約3天可能會發燒。

另一支5-12天。

已連續兩天一仔無發燒、針口亦無腫。

但一仔媽仍要新印印白天一直要留意一仔既情況。

*****************************************

噢，一仔媽忘了最重要一點 : 護士還話BB一歲大，要減少飲奶，要減至每天 360 – 480ml，最好係只飲360ml，及歲半前要戒用奶樽飲奶!

一仔媽覺得減飲奶既份量及戒奶樽都有難度啊，不過為了BB好，一仔媽會嘗試的。

好彩護士無提要戒食奶咀及要嘗試幫BB戒尿片，不然，一仔媽真係一個頭變兩個頭!

*****************************************2013年3月某天之補充 : 一仔媽居然忘了當天護士曾比了一本書仔，書中亦有DVD