猶記得2013年第一次全家人病了是一月尾新印印剛上班時，可能一仔爸媽終於捱過上、下班送一仔去湊BB姨家的日子，可以鬆一口氣時，藉機抖一抖。
上星期第二次全家人又病，今次連新印印都有份添!
開始係一仔爸及新印印咳。
一仔爸唔肯去睇醫生，他公司有醫療卡睇醫生都係45大元而已!
一仔爸話除非有得取病假先去睇，但取一天病假扣人工啊!
最後一仔爸無睇到醫生，只係去藥房買了d現成咳藥水…到今天久不久仍咳一兩聲，因他唔係按時飲，怕飲了返工會眼瞓!
新印印要湊BB，當然要捉她去睇醫生及戴mask，見屋企附近商埸近又係女醫生，去睇一睇無妨。
女醫生開了三天藥二百三十元，但見新印印第一天食完藥后，夜晚已無咁咳!
不過，就輪到一仔咳，連夜晚瞓覺都咳!
一仔媽見女醫生好似ok又近，都唔帶一仔去睇用一仔爸醫療卡的醫生網，改帶一仔睇女醫生試下。
女醫生又係開了三天藥。第一天瞓午覺一仔無咁咳，但晚上一仔媽見一仔仍有咳，瞓覺亦有咳，好似還咳多了，而且滿頭大汗，已打算叫一仔爸第二天帶一仔去睇他醫療卡的醫生網，點知到晚上一仔已無嘜咳，亦無再食藥了。
后來一仔媽問番同事媽媽D，她話有d醫生開的藥第二天會咳多了及出汗，但跟住會好番!
一仔媽自小係藥煲，都未聽過，但現在見識了!
到星期四晚輪到一仔媽頭痛又喉嚨乾，第二天早上耳探37點幾度，一仔媽以為38度先算發燒，頂住上照返工，整天在公司發冷又眼瞓，跟住接到TKO健康院電話第二天要帶一仔打一歲針，一仔媽放工時連忙搵女醫生。
又係開三日藥，但第二天一早一仔媽已感覺正常番，亦只食了兩天藥便算。
之前一仔媽擔心搬了屋后，如病了好難找到一個夾既醫生，好彩咁容易就找到了，還要睇一次就好番，當然，希望唔需要成日幫襯女醫生啦!
陰公囉~希望你哋快啲好返!!
回覆刪除[一仔媽回覆02/26/2013 18:23:51]食完第二天藥已好番晒7,thx!
病毒真係好勢利，大家身體健康呀！
回覆刪除[一仔媽回覆02/27/2013 08:21:40]冬春又話多流感,夏天又另一样,總之个个都要保重,!
嘩...全家一齊病咁大鑊!!
回覆刪除睇黎要祝你一家身體健康先得啦...
[一仔媽回覆02/28/2013 14:04:07]要呀要呀, Thx!
為左阿仔，真係有唔舒服就早啲醫好好啲呢，保重呀
回覆刪除[一仔媽回覆02/28/2013 14:03:27]係lu!
take care ah! 我呢兩日都有小小喉嚨痛, 希望狂飲水可以自己好得番啦! 你知啦, 我地唔病得架嘛!
回覆刪除[一仔媽回覆02/28/2013 17:22:49]咁叫燥底呀?以前細個有哮喘，我會盡量唔食熱氣野惹咳惹痰law，但現已無哮喘了，反而變了鼻敏感及近依兩年容易喉嚨發炎。
[田鼠b回覆02/28/2013 17:11:32]花生醬搽麵包都出事? 咁燥底?
我呢兩日都禁住自己唔敢食朱古力呀...
[一仔媽回覆02/28/2013 13:55:55]我依排成日有d喉嚨痛，之前我知我用花生醬搽麵包會出事，依排唔通日日是食朱古力都會喉嚨痛?
大家咁話，保重呀!
take care~ 呢排d 菌太勁了~
回覆刪除[一仔媽回覆03/06/2013 12:06:53]Thx!
天氣時冷時熱真係好易病，take care
回覆刪除[一仔媽回覆03/06/2013 12:06:43]Thx!
take care,全家病左好慘..
回覆刪除[一仔媽回覆03/06/2013 12:06:33]Thx!
好返未呀??
回覆刪除希望你地全部都快D好返...病左返工真係好攰好辛苦架~
你 0地 好 番 未 啊 ? 我 覺 得 咳 係 最 辛 苦 架 ...飲 多 0的 水 ~~
回覆刪除好 彩 有 個 好 醫 生 0係附 近 ~