十個月大的一仔 ~ 提早慶祝聖誕節

因為 24-25/12一仔爸都要返夜班，所以提早在21/12冬至那天慶祝聖誕節。

幸好公司今年提早通知冬至那天4點下班，一仔媽一放工就去湊B姨姨家接回一仔，回家幫一仔先沖涼、換靚靚衫，然後一家三口搭的士去Elements等姨丈、姨媽睇完戲 七點半一起食晚飯，再搭的士去尖東睇燈飾。

食晚飯時一仔和姨丈、姨媽玩到好開心，只可惜食店雖有BB椅，卻沒有安全帶，一仔要全程坐番自己的BB車上。

食完飯去尖東，都差不多九點多，只和一仔影了幾張相后，他已瞓著了，錯過了睇其他的燈飾，我地亦提早回家。

而且，在尖沙咀截的士，原來是十分困難的，好多的士一係蓋了旗，一係好似在選旅客似的...好彩最後都截到一架。

P.S. 幸好今年的冬至唔凍，有人話冬至唔凍，農曆新年會凍，唔知係唔係呢?到時留意下先!