記得朋友上年話在書展報名去童夢城影相有優惠，但一仔媽無報，估不到一仔學校安排K2全級去童夢城，學校的package係$1xx包小朋友影二款職業造型相，學校包小朋友的車費及茶點，家長每人來回車費$60。
曬相package : $4xx包兩張大相及一隻有8GB的手指入晒二款職業造型相的相底（全级大合照要由學校另外提供）。
8GB的手指
攝影師好專業又識氹小朋友，見到相機的閃光燈不停閃，以為平時唔like望鏡頭影相的一仔，影時一定會不合作，但估不到兩款造型相出來的效果出乎意料之外的很靚外，一仔笑容很燦爛，還會擺pose添!
一仔揀做太空人
揀做太空人，老師話係一仔自己揀，一仔媽我完全估唔到，但一仔爸一估就估中！
聽返同學仔講，原來老師介绍不同職業造型時，老師話太空人可以睇星球！
一組8個太空人，有男仔有女仔，好可愛
全級大合照（張相影得不清晣，就算放大，同學仔的樣子都看不清吧？）
同學媽媽們分享了同學仔扮演不同職業的video，幾個機場特警手持長槍去垃圾桶搵炸彈、消防員用水槍對住'火光熊熊'的建築物不斷射真水救火、救護員合力抬住擔架運送傷者，真係好逼真，班救護員行到好似抬緊一個好'重'的傷者，
另有整杯麵環節，家長每人$10，整完，杯麵可以拎回家食，有效期一個月
漏了講，學校很貼心，在旅遊車上老師和家長、同學仔玩問答遊戲，估中獎小食，遊戲玩完，老師問有無同學仔無參加遊戲、無小食？老師會額外畀，仲之個個同學仔都有份！
