腸胃炎

<1yr2mo>

星期六一早八点十五分在疹所（开9am-1pm）門外排隊，都要排到第六個，未夠十点睇医生，又要再等十五分鐘取药。

蔡医生用耳筒聽完一仔前面、背面、肚仔、看一看喉咙，再剝麻前面尿片睇一睇，话一仔腸胃炎，總语氣重了問”痾了兩個星期先帶bb来？”（一仔媽真係有口難言，星期五放工前兩個媽媽級同事都話bb食得瞓得玩得話唔駛睇医生，但係一仔媽堅持要睇医生咋，当然，個仔係自己，决定权在自己手上）。

疹斷結果，蔡医生要一仔食清淡d。

第一、二天唔可以飲奶，要改飲电解水+益生箘+食白粥
第三、四天食瘦肉粥 + 兩星期豆奶（因痾了兩星期）

最慘係，要暫時取消一仔最喜歡食的蘋果/梨蓉!

(起初一仔爸媽聽到依個歺单都觉得任務好艱巨，好彩一仔都肯合作！
兩天的便便各有三次，每次黄色及好爛。)

医生还要一仔回家冲凉后用尿袋留小便化验！
但一仔爸早餐未食，还要趕番中班。

於是睇完医生取麻药后，連忙帶一仔去換片，先用濕纸巾清潔patpat， 再用消毒濕纸清潔jj及附近会套入尿袋的皮膚範圍，一仔即er  er叫，可能皮膚已比便便醃到，抹消毒濕纸時有d痛。

跟住要一仔飲多d水，同一仔爸一起去飲茶，期間一仔都有食d麵包、白飯（下午先开始食清淡d啦），好彩一仔都無开大(如果開大，就麻煩大了，又要費時再留過!)，飮完茶已有小便。

測試結果，医生話一仔有少少缺水外，其他都ok。

由於一仔爸公司保險係UMP，亦包一仔; 平時睇醫生45元，今次要90元，可能多了藥，亦要驗小便。

醫生開的藥

一仔見到醫生勁喊，一仔爸媽忘了應塞個奶咀比一仔含住。
所以，醫生話萬一一仔第一、二天肚餓晚上勁喊，可以比四安奶，免得他嘈到鄰居無得瞓!
醫生比了一盒有4包試用裝，一仔媽要另買一罐先夠食兩星期!
唔記得医生有無話奶粉份量要减半，但既然一仔兩天無飲奶，又第一次飲豆奶，穩陣d，第一、二次减半啦！

实際加了益生箘

再加麻電解質

Mixed 后，一仔媽試過有d似橙汁 + 少少鹹

后話 : 睇番一仔飲食作息簿，原來4月1日一仔食軟雪糕 (同事話好多箘嫁)，4月2日食木瓜，4月5日飲茶時一仔姑媽比了加左豉油的飯、腸粉 給一仔食 ~~~~ 加加麻，怪不得一仔便便次數在4月7日最高峰時升到7次（但感觉上好似有十次！）!

P.S.
蔡醫生話BB要歲半先好食木瓜!
蔡醫生又話一仔只得14個月大，應一日食三餐奶，唔係兩餐，但一歲返健康院打針護士無話兩餐奶 no good 喎! 護士總話要減奶添!

事實一仔作息時間只有6pm可加 tea 或 奶，等一仔腸胃炎好番，再看看情形才決定吧!