每天便便次數多了

<1yr2mo>

一仔妈平時都不用操心一仔的便便，因多數每天最少一次。

但上星期一定二晚给一仔食了水果的木瓜后，便便次數曾上升到十次一日。

初初不为意，一仔試过兩天未起床已有便便，總醃到pat pat 红晒，擔心死一仔媽。

好彩叫新印印勤d換片及搽藥膏兩天后，已退晒红。

試过有一晚半夜十二点幾一仔喊醒，原来一仔已开大，好彩有了前兩天早上的经验，不然今次会变成第三次未起床已有便便，即便便醃住pat  pat成晚，亦怪不得pat  pat 之前会红晒。

所以，這陣子晚上一仔瞓了，一仔媽都检查他有無开大！

一仔除了便便次數多外，又唔係痾水！

会係吽牙仔吗？但要多少天便便才會回復正常呀？

星期日晚上上網揾了d資料，話bb食得瞓得玩得，唔係痾水的，可以再觀察先，因bb的腸要2-3星期才復完。

另有資料話可开稀奶→奶粉粉量減半，用洗米水开奶，粥只食肉，唔食菜。（但一仔8am照食蘋果或梨蓉）

以上一仔媽都有試了幾天及早晚飲奶各加一小樽猴棗散(但無用洗米水開奶)，情況有改善，便便次數改为5、6次一天。

一仔上個月已改飲了雅培3号奶粉恩加健，頭幾天試过不是天天有便便，但之后都正常番差不多天天有便便。

有一晚一仔媽入廚房，見煑緊餸的廚房好熱，会否令奶粉变了質呢？
舊屋時奶粉放飯廳的!

於是第二天連忙買了一罐新的及奶粉不再放廚房，但便便次數依然每天五、六次。-_-!

一仔爸問会否烚奶樽过程出现了問題？
昨晚再考察新印印烚奶撙，过程ok！

今日好d，便便只有4次。

如果星期四、五無改善，好彩星期六一仔媽短週不用上班，到時可以要帶一仔去睇兒科医生了。