洋蔥炒蛋

新工人只識廣東話，所以播依段片既時候，我在旁翻譯。

洋蔥炒蛋

材料:
1.雞蛋4隻
2.洋蔥1.5個
3.鹽少許

做法 :
如影片



評語:
一仔爸亦想再添飯

十一個月大的一仔 ~ 追波

三姨話可以嘗試用一仔喜歡的玩具，放在他前面引他行，好讓一仔掛住玩具，唔怕驚!
依個方法又真work，一仔自己行到好多步了!

十一個月大的一仔 ~ 推車仔

仔呀仔，你推車推到媽媽無晒氣喇!

麻婆豆腐 ~ 用免治牛肉

舊的工人果時唔多識煑廣東菜，新的工人之前雖在香港做过兩年，但都係只識煑幾款，她又唔食豬肉，一仔爸又依样唔食，果样唔like，我又要上網揾d簡易煑餸而又他喜欢食既，真係頭都大...

同事C見我咁頭大，教了我一款簡單又煮得快的餸

麻婆豆腐 ~ 唔係用豬肉，改用免治牛肉，咁新工人都可以食
(份量要夠一餐三個人食 + 第二天我的午餐飯盒 + 第二天工人午餐)

材料 :
1.街市買的豆腐一磚 4元
2.免治牛肉 20元 (不需再清洗)
3.蒜頭適量切粒
4.同珍"豆瓣醬" 2湯匙~少許辣

做法:
1.豆腐用水沖一沖，切粒，瀝乾水
2.熱穫落蒜頭爆香，加免治牛肉炒至八乘熟，加入豆腐
3.炒一陣，加入豆瓣醬再炒幾分鍾

評語:
一仔爸食完都想添飯

「黃金5分鐘」- 小兒食物噎到氣管 (from 寶寶日記 BabyDiary)

http://rebecca78119.collect.life.com.tw/note.php?action=index&sid=48826

寶寶日記 BabyDiary

2013年1月23日

每個父母都要知道的「黃金5分鐘」!!!
兩三歲以內的嬰幼兒在餵食過程中很容易分心，若被逗笑或是出現嬉笑打鬧，易因機體組織運動的不協調誤吞異物。若不慎出現這種意外，該如何處理？
　　
食物噎到氣管，把握好5分鐘內搶救“黃金時間”。

⋯⋯孩子如果被食物噎到，並且進入氣管，搶救的「黃金時間」是在5分鐘內，如果5分鐘內還無法將堵塞物取出，那孩子窒息的可能性就很大。

　　如果發現孩子進食後呼吸困難、臉色發青、咳嗽劇烈、喉嚨有呼嚕呼嚕的聲音時，此時家長的現場急救至關重要，應迅速將孩子身體倒立，讓其頭朝下，大人用手拍打孩子的後背，引起孩子嗆咳，爭取把異物從喉部咳出來；

 

也可以直接用雙臂用力從背後抱住孩子的腹部，將腹腔壓力擠至胸部，幫孩子排出異物。如果家長無法通過以上自救方法將寶寶的異物取出來，應迅速把孩子送往醫院搶救。

  建議家傭或保母也要懂得上述急救方法。

  此外，小兒誤食果凍、軟糖、花生等導致窒息的病例時有發生，特別是軟糖、果凍等多含明膠，有彈性，在胃內消化慢，不易溶化變形，誤吞後容易在氣管或消化道內嵌頓，造成氣管、咽喉或消化道堵塞，嚴重時可導致幼兒腸梗阻或窒息死亡。

( 以上純粹是寶寶日記健康資訊分享，家長宜諮詢家庭兒科醫生以深入了解詳細情況。)

十一個月大的一仔 ~ 自己行幾步

一仔自己在網床上玩，都可以快步行幾步。

到他自己一個企在地上，估唔到他都識怕跌，只敢慢慢行幾步...

有一晚，我和一仔爸對住坐，一仔在我們中間來回咁不停行幾步....hehehe

十一個月大的一仔 ~ 決戰一分鍾，笑不停

一仔媽成日覺得一仔無其他BB咁喜歡笑，雖然近依兩、三個月和一仔爸玩多了、亦笑多了，但第一次見到他會笑到不停 ~ 一仔媽很意外亦很開心。
當時一仔睇緊電視節目"決戰一分鍾"，參賽者用玻子要轆中另一端的筆，但無次轆中。


新印印話一仔睇其他電視都有睇到笑騎騎!

新工人

新工人姐姐开工了已有一個星期多,頭一天一仔当然怕陌生,不願跟她,但第二天开始肯比她抱.

頭兩天一仔依然去湊B姨姨到,新印印在家做務清潔,第三天一仔媽請假,連麻星期六日,剛好有三天training.

第一天一仔媽試範一整天湊B的流程细節.
第二天讓印印实習.
第三天一仔媽在旁監察評估.

一仔爸觉得新印印没有上一個咁醒目,但酲目又点?激c人!

我觉得新印印聽教聽話,"暂時”都有依我的指示去做、去改善.

家務都ok,只係做得慢,唔係快手快腳,但我接受,哈,因我自己都係咁既速度做野^_^

一仔又肯跟她,唔会成日喊.

今次在客廳安裝了部V cam, 有時在公司望,都见到新印印同一仔的相處情况,都ok.

尤其她有主動扶一仔学行~我地都無吩咐她這样做呢!

又見她抱住一仔或陪一仔坐係到睇电视.

廣東話識少少,有時要重复,但都溝通到.

暫時她只有一样缺点~就係唔太識煑廣東餸,而我地兩公婆亦唔識煑餸!

新印印雖之前有兩年在香港工作经验,但她前僱主太太自己去街市買餸兼煑餸,新印印從旁協助而己.

新印印只識蒸雞翼、炒雞翼、滾菜芯、炒菜芯、蒸蛋（未試）、蕃茄红衫魚（未試,但一仔爸好多魚都唔食,怕鯹）、煎太陽蛋、豆角炒牛肉（但味啖及牛肉麻麻）

幸好教她煲粥、魚去骨等给一仔食,她好快pick up到,一仔又肯食.

我竭盡所能教她我識的: 炒爛飯、雜豆炒香腸、煲蕃茄薯仔湯（一仔爸又話酸）、魚肉釀青椒（好彩唔鯹,一仔爸話唔抗拒,即唔好成日煮啦）、煎牛扒（但好贵,買醃好的黑椒牛扒兩大塊夠三個人食一餐,都三十元）.

所以,我地大人既晚餐,唉,有排無啖好食了 -_-||

我又要花時間去Youtube搵d簡易的煮餸(而一仔爸會喜歡食的)video給新印印睇!

十一個月大的一仔 ~ 飲奶速度破記錄

一仔平時飲240ml奶起碼要半小時,今早居然十分鐘內飲晒,真係破晒記錄!

前排见一仔飲得咁慢,買了大d窿的奶咀,飲了一兩天見一仔有少少吐奶（可能飲得太快）,改番原本的奶咀size了.

所以,莫非今早加了猴棗散的奶好味d?

一仔病了差不多兩星期,食西药都有一星期,差不多每次食都好似打仗咁.

感冒咳又难断尾,不想继续打仗下去,已轉了改食保婴丹,每早一次,食了兩天一仔都仍有d咳,今早改餵猴棗散.

另外試煲了蘋果雪梨水,等今晚放工再看看一仔咳会否少d?


P.S.一仔爸媽仍然病ing,咳唔停...

十一個月大的一仔 ~ 邊個大d?

話說一仔食藥都差不多一星期,現在坐在大班椅上的一仔,每次見到一仔媽拿住d有藥既針筒,已經开始擰頭、合埋個咀、扭側身避开支針筒、甚至缩起双脚想走佬的样子.

整個餵藥過程,可以用八個字来形容:餵的艱辛,食的惨情.

最惨係一仔媽亦病了.

一仔媽拿住一大一細的药水樽,問被工人姐姐抱住的一仔: 一仔一仔,媽媽都要食药,你話边樽药水大d?

含住奶咀的一仔~居然都比一仔媽睇到他在笑呢!

一仔可能联想到他喜欢睇的那個奶粉廣告:蜜峰及熊仔边一个大d!?

十一個月大的一仔~發高燒

上星期一仔有好多眼屎,飲了三天开奶茶,剛好番時,卻又發高燒,真係擔心c一仔媽.

今個星期二下午湊B姨姨話一仔有微燒38.2C,又唔肯食粥,改飲奶190ml（平時240ml）,又咳又打乞池,更有綠色鼻涕飛出来~飛出来?起初一仔媽唔係太明,因上兩次一仔病,要吸d鼻涕才出来,但晚上一仔打了幾次乞池,每次都有豆豉咁大舊的綠色鼻涕噴麻业来!

好彩湊B姨姨叫一仔媽晚上要帶一仔睇医生先好返家,因她估一仔有喉咙發炎!

晚上八点去到葵涌村江医生到,一仔無燒,但医生話一仔感冒+喉嚨發炎,开了退燒藥、收鼻水药、發炎药、止咳药.

在茶餐廳食晚飯時，一仔都食白飯，都食了一、兩湯匙。

點知食完晚飯九点多回到家,一仔爸摸到一仔個頭好熱,用patpat探有102C,連忙给一仔食药+小琳退熱貼（剛剛己沖完凉）,飲奶飲得190ml,好快一仔瞓着了.

十一点時依然101C.

半夜二点再探時好彩己退燒,但穩陣起見,都照给一仔食退燒药(及其他藥)及更換退熱貼

星期三早上七点,一仔媽同新印印手忙脚乱下,一仔無發燒,但都给一仔食退燒药.

依歺奶,一仔飲好乖飲得晒240ml.

跟住依然帶一仔给湊B姨姨,星期四last day 湊,星期五一仔媽請假留家教新印印湊B.

P.S. 一仔因病了幾次，現在知道要食藥時，都唔太合作，用條脷頂住唔比一仔媽放支針筒入口里，所以要快手等一仔一張大個口，連忙放入口內側邊，又要唔快唔慢咁滋d藥水出來，太快的話藥會從口角流出來!

葵芳某樓上鋪開倉大減價 ~ 17/1 至 26/1/2013

由湊B姨姨提供，但一仔媽仍未有時間去...

十一個月大的一仔 ~ 已可以用一隻手扶住行

上上星期日(6/1)在姨媽家，一仔都要用雙手扶住行，一個星期后(13/1)，一仔已可以用一隻手扶住行了!

十一個月大的一仔 ~ 自己揸奶樽飲奶

上上星期一仔媽才對湊B姨姨呻一仔唔肯自己揸奶樽飲奶。

有一晚讓一仔差不多80度挨住張床飲奶，嘗試給一仔揸奶樽，但可能奶樽太重，他用一雙手都拎唔起。

上星期又有一次一仔瞓在一仔媽大腿上，奶樽拎到一仔面前，一仔已迫不及待雙手一起揸住奶樽自己飲奶 ~ 果一刻，一仔媽又感動又開心。

這幾天都如是，雖然一仔只會揸奶樽幾分鍾，余下都係一仔媽揸番，但已經好好，起碼證明一仔又識又肯做多一個動作。

昨晚，他還只用一隻手揸奶樽呢!



一

十一個月大的一仔 ~ 好多眼屎

上星期四開始，一仔左眼有好大舊黃色眼屎，一天幾次，星期五連右眼都係，星期日更加多，連忙請姨媽幫忙買衍生開奶茶(睇電視廣告) ~ 聽人講BB眼屎多可能係熱氣，那原因可能有兩個

1) 上星期一、二的粥餐中的材料由菜改為秀珍菇  ~ 會熱氣嗎?

2) 星期三晚上一仔爸媽食開外賣焗豬扒飯，以為d飯只係有蛋黃，比了dd給一仔食，但姨媽話其實係炒飯底。

星期日晚上一仔左眼有紅筋添，所以夜晚餐奶加了一包開奶茶沖劑。

星期一早上一仔起床又喊又雙眼唔開，又有細細粒眼屎 ~ 嚇到一仔媽呢…打算早上帶一仔去睇醫生。

好彩之后飲奶唔再喊，又無嘜眼屎，所以早上湊B姨姨會給一仔飲多一包(分兩次)開奶茶，那再說看看情況先….

 P.S. 但依個牌子的開奶茶 ，包裝上沒講BB一天可以飲幾多次，又沒講用多少份量的水去開!

另外，上網搵到D資料話開奶茶有輕瀉的功效。

11%育齡港女 毒水銀攝取超標

http://hk.news.yahoo.com/11-育齡港女-毒水銀攝取超標-224611647.html

【經濟日報專訊】不育及兒童發展障礙個案趨增，港府研究發現，11%育齡港女攝取極毒有機水銀超標，主要透過進食海產，此毒可致畸胎及阻礙兒童腦部發展、男性精子量減及女性卵子死亡。

檢測發現，本港吞拿魚、海斑、馬頭、紅衫及桂花魚的毒水銀含量最高，而壽司店常見的鯛魚、劍魚也高危。一旦攝入毒水銀，最少18個月才能排走，育齡婦女應減少食魚。

屬有機水銀 經胎盤傳胎兒

食物安全中心的研究顯示，11%本港20至49歲的育齡婦女的甲基汞（即有機水銀）攝取量，超出聯合國糧食及農業組織/世衞聯合食品添加劑專家委員會，每公斤體重1.6微克的暫定每周可容忍攝取量，該標準是為保障胎兒健康而特定。

至於一般本港成人，甲基汞攝取量不超出每公斤體重3.3微克的上限，對健康不構成風險。

食安中心解釋，由於甲基汞可通過胎盤進入胎兒體內，且會於胎兒腦部和其他組織積聚，影響腦部發育，建議孕婦、計劃懷孕婦女及幼童，應盡量避免進食大魚或甲基汞含量較高的魚類。文獻顯示，吞拿魚、金目鯛、鯊魚、劍魚、旗魚、橘棘鯛和大王馬鮫魚等的毒水銀量偏高。

損男性精子量 嚴重致不育

浸大生物系教授黃港住指，不僅孕婦要避免攝取甲基汞，準備懷孕的夫婦亦需對甲基汞敬而遠之，因為甲基汞會影響男性精子量及活躍度，減少受精的機會，最嚴重是導致不育。至於甲基汞進入婦女卵巢後，有機會影響卵子的DNA，或令卵子死亡，減低懷孕機會。

為甚麼甲基汞這樣毒？城大生物及化學系副教授林漢華解釋，甲基汞即有機水銀，是水銀分類中的「毒中毒」，不僅易被吸收，且難分解、難排走及易上腦，會影響中樞神經發展，嚴重會導致畸胎（見另文——「內地魚受污染 愛吃魚生中招」）。

林又指，大魚在食物鏈頂部，進食含甲基汞的細魚，所以體內積聚甲基汞量會較細魚多。

食安中心檢測本港市面13種魚類中，吞拿魚、海斑、馬頭、紅衫及桂花魚等魚類，甲基汞含量較高（見表）。

事實上，食安中心過往都有化驗魚類汞含量，去年1至11月逾2,000個魚類及其製成品樣本中，有8個汞含量超標，包括吞拿魚刺身、劍魚刺身等。

排體外需年半

食安中心稱，市民主要透過進食魚類及海產攝取甲基汞，大魚甲基汞含量會較高，即使煮熟食物亦無法降低，攝入後要排走需時逾1年，故打算懷孕的婦女應避免進食上述高危魚類或減少食魚。

黃港住解釋，身體每兩個月才會排走體內一半的甲基汞，即最少18個月甲基汞才能完全排出體外。

食安中心另外亦研究港人在6種常見金屬污染物的攝取量，包括鋁、銻、鎘、鉛、鎳及錫，但攝取量屬於低，不影響健康。

差不多十一個月大的一仔 ~ 一仔兩秒除一隻襪

差不多十一個月大的一仔 ~ 打鼓

差不多十一個月大的一仔 ~ 掀書

前排晚上有時間，食完晚飯一仔媽會同一仔坐在床上，一路掀書一路教一仔認數字、認動物。

現在放一仔在網床上自己玩，一仔都會自己掀書，但掀掀下，d書最后的下場都係在網床外的地上 ~ 如其他玩具/攬枕下埸一樣，一仔扔完后，還要望一望，話他曳曳或打他手仔，他居然仍笑笑口呢!激c!

差不多十一個月大的一仔 ~ 獅子(撕紙)大王

差不多十一個月大的一仔 ~ 由坐变企

一仔依個月除了在網床上可以不扶住都走到幾步外,這幾天更可以由坐变企,唔駛扶任何野!

起初在姨丈家对姨丈好似又陌生番~一星期無見而己,唔肯近姨丈,但當姨丈扶住一仔由客廳走去廚房揾煮緊餸的姨媽,来回幾次后,开心到一仔呢...hahaha

還有一個月,待新印印到港后,到時就要搬TKO了,不可能再那么經常见到姨丈、姨媽了:-(

https://www.youtube.com/watch?v=UwN2nvQ2moQ

差不多十一個月大的一仔 ~ 新鮮熱辣的果蒸糉

   

香港天文台又發出寒冷天氣警告，今天得 12 - 16度咋!

手機 Flash cards apps 給BB學習

上星期上facebook見到惠氏推薦它的手機 apps "D.I.Y Flash Card" 給BB學習，覺得幾好，所以自己再用手機search其他的，暫時共download了兩個 :

"Animal ABC"  ~ 26個不同動物連動物叫聲 >> 一仔有興趣多d，睇到眼定定!

"Baby Flash Cards" ~ 有8個catagory : ABC, 動物, 身體, 衣物, 顏色, 食物, 傢俱, 樂器

HK - 網上查詢Visa申請狀況

http://www.gov.hk/tc/residents/immigration/nonpermanent/appstatusenq.htm

芳姐保健湯餸

http://www.healthy-food.hk/?cat=18

網上"選擇"月刊

https://choice.yp.com.hk/consumer_council/ch/html/main.aspx?referrer=yourportal

移民加國回流夫婦 為子爭身分證敗訴

http://hk.news.yahoo.com/移民加國回流夫婦-為子爭身分證敗訴-210616907.html

明報專訊】港人夫婦2005年移居加拿大並誕下一子，4年後夫婦因在當地找不到工作而回流返港，為兒子申請香港身分證但遭拒絕。夫婦早前替兒子申請司法覆核，昨再被高院駁回。

2005年移民 失業返港

現年4歲的申請人Lamb Nicholas Edward由母親梁潔儀（譯音）代表。申請人的父母均為華人，並於香港出生，2005年移居加拿大，並獲發永久居民證件。2008年4月申請人在加拿大出世，翌年其父母在當地失業，決定帶同申請人回流返港。2010年9月，梁潔儀替兒子向人事登記處申請香港身分證但被拒，其後梁向人事登記審裁處上訴，但再被駁回，梁不服提司法覆核。

爭拗「定居外國」定義

高院法官區慶祥昨在判辭表示，《基本法》第24條指香港出生的「中國公民」，其在香港以外所生的中國籍子女，均可成為香港永久居民，然而關於「中國公民」的定義，應由《中華人民共和國國籍法》第5條決定，該條文指出「父母雙方或一方為中國公民並定居在外國，本人出生時即具有外國國籍的，不具有中國國籍」。法官認為，此案關鍵在於如何解釋《國籍法》中「定居在外國」的意思。

申請人一方認為，其父母雖已獲發加拿大永久居留證件，但證件須定時續期，否則會喪失當地「永久居民身分」，故他們不算獲得「永久居留權」。

惟法官認為，「定居在外國」的意思應以當地法例理解，以加拿大為例，法官認為申請人父母只要獲得「永久居民身分」，便即符合「定居在外國」的要求，故根據《國籍法》申請人的父母已非「中國公民」，申請人亦不能獲發香港身分證。

差不多十一個月大的一仔 ~ NUK奶樽轉L奶咀

最近兩個月,一仔每朝早的第一歺奶時間都有調整.

由7am→6:45am→6:30sm,因一仔由最初15-20分鐘（如果無記錯）,到过去一星期要一小時.

嚴重影响一仔媽返工的時間.

要一仔6:30am飲奶已經算早,不能再提早了,不然,連一仔媽都唔夠瞓.



又留意到过去一星期一仔啜奶好似巳啜得密又大力,但依然比以前飲得慢,所以今天試轉用NUK的L size 奶咀,咀是十字型,專for 飲其他liquid,適令6-18個月大的BB.



开始時都有幾大滴奶漏到下爬,但一仔好快習惯,口仔啜番慢D又细啖D,15分鐘左右亦er番啖氣出来.



如果ok, d奶樽就全部轉用L size 奶咀.



另外,BB十二個月要开始轉用戒奶杯,話十四定十六個月要停用奶樽飲奶,所以這陣子又要开始搜集戒奶杯的資料.

P.S. 最后都係用番原本的奶咀飲奶，因一仔飲奶的速度又正常番，可以15分鐘內飲晒。

差不多十一個月大的一仔 ~ 新地方玩

這陣子可能多假期放，一仔媽陪一仔的時間多了，他又變得好似之前咁痴身。

放工從湊B姨姨接回一仔返到家后，一仔又變回之前那樣 ~ 一仔媽要放低他在網床自己玩，然後一仔媽要去幫一仔準備沖涼水及用具， 一仔唔肯，食住奶咀，都一樣會瓜瓜嘈。

一仔媽改放低一仔在sofa上，一仔媽在旁陪住才ok，但若試再放一仔在網床，他又瓜瓜嘈。

如是這樣過了二十分鍾，一仔媽最後改放一仔在另一個新地方 – 乾的大圓盤，一仔媽又可在另一邊準備沖涼水。

 

一仔想拈旁邊柜子裡的樽，一仔媽話No No，好彩他都會識縮番隻手不再拈，乖乖坐在盤裡只左望右望。

Hehe ~ 一仔可能第一次見依個大圓盤，未知是什麼，又覺新鮮，但更重要的是 ~ 他未識扶住盤邊企起到!

唔知依個新地方可以令到一仔乖乖坐起到幾多次呢?

差不多十一個大的一仔 ~ 出第四隻牙?

出了下排兩隻門牙及上排左边大板牙,一仔爸今早話見到上排右边大板牙都有d白色喎,但一仔媽望了兩次都望唔到!