一仔公公的Asia miles 有些積分明年到期，又趁一仔三歲前入埸可以免費，拿拿林去換入場券。
聽聞廸士尼早前加了價，但Asia miles 依然可用相同積分換入場券，一次換兩張更有優惠，只需19500分(原本10000分換一張)。
今次換入場券比上次更方便，只需提供電郵，收到有條碼的電子券后，用A4紙打印，當天拎去迪士尼入口的Guest Relatios 換入場券便可，完全不需要再出示Asia miles 的會員証。
只係一仔媽提供電郵地址時，寫錯了地址....好彩最后都趕到收番張電子券。
星期四市區勁落雨，天文台話星期五都有雨，出發時都天隂陰，結果好彩天公做美，整天只落了幾滴雨。
入埸前，一仔媽在兩邊小腿上搽定安美露。
今次打算由早去到晚，睇麻夜間巡遊才走，所以一仔媽好勤力上迪士尼網站看看有什麼適合一仔玩的。
計劃了以下，都係沒有高度限制及係緩速，最后有多少玩到呢？
一仔爸話整天行程任由一仔媽安排，只除了今次一定要同Mickey Mouse影相，因一仔最叻講到"Mickey Mouse"，但估唔到大約十點半開始排隊，排到十二點才影到相！
大概依個位置開始排隊
有個小朋友依排出街都要扭買出奇蛋
依架BB車恐怕快要榮休了，因小主人已經有32磅
小朋友不安份排隊，走了去同古董車影相
平時唔多合作影相的一仔，居然肯單獨和Mickey、 Minnie影相，所以排了１.5小時都無白費!
"廸士尼處處拍"共買了三張相四百多元，可以14天內上網下載及整不同的相框。
影完相，連忙帶一仔去換片，食lunch > 在幻想世界"笑匠歡宴坊"(56)食一碗飯加支飲品，差不多百五元，之后剛好趕到睇一點的午間巡遊。
一仔睇到好開心，估唔到平時很害羞的一仔，居然肯走出去巡遊隊伍中跟住跳舞，只恨一仔媽大遲推一仔出去，一仔只跳了兩三步！
馳車天地，排了一個鐘隊，排到入閘后，原來再分兩邊上車，左邊的上車跑道係行內圈，右邊的行外圈<風景應該開揚d。
原本打算揾個地方坐低，比一仔瞓晏覺，但一仔只係扭坐BB車，又見巴斯光年只需排隊廿五分鐘，最后唔駛廿分鐘。
出來再去幻想世界，先去”米奇幻想曲“，排了五分鐘已開始入場，跟住人龍入到去，居然坐到第一行。
一仔唔肯戴上３D眼鏡，一仔爸睇到尾聲時居然瞓著了添!
睇完，見一仔仍未瞓，再去探險世界，原本行程係坐木筏，但一仔爸見到係"企“木筏，話改去坐遊船，但一仔媽揾資料時見到話會“水花四濺、驚嚇“，所以計劃中無揀依款去玩，最后排了廿五分鐘隊，坐完都無濕身！
坐完船，趕到“獅子王慶典“４點半開始了入場，今次只剩側邊位坐。
一仔睇到中埸時，挨住一仔媽終於瞓著了，瞓到七點一仔爸媽食完飯(明日世界的"慧星餐廳"一個餐包飲品都只係100元，又好食)才醒，連忙餵一仔飲奶、換片，趕去擺個靚位睇七點半的晚間巡遊。
一仔好like睇晚間巡遊
依個位置好正，斜對面金色屋頂係"米奇金裝音樂劇"
睇完巡遊，去揀番今早和米奇、米妮影的相，回到家，已過九點了。
最后由早到晚，玩了咁多 :
改善
上次四月去時，BB車要周圍泊。
今次一入場，派了一張掛卡，分卡頭及卡尾，有相同的編號，多數遊樂設施有個泊BB車處，有職員看管，放低BB車連卡頭，取車時用卡尾對番編號便可。
後話
係屋企，要一仔著多一件衫好難，但話出街，一仔肯乖乖穿大褸添。
按道理，一仔這天應該係穿得夠暖，但第二天早上食早餐時，居然嘔奶，還有微燒，替一仔清理完、食麻退燒葯、貼上退熱貼后，一仔要含番奶咀去瞓覺。
好彩瞓了兩個鐘后，肯食飯又退了燒，下午還和小表姐去了寶康公園玩，玩完回家再瞓了兩小時，skip了5點果餐無食。
