美國冒險樂園@黃埔

<3yr11mo>

自從一月頭屋企附近果間美國冒險樂園有三層高波波池及碰碰車因租约期滿關閉後，一仔爸媽煩惱可以帶一仔去邊到玩番有齊依兩樣遊戲設施的埸地？原來最近都要去到黄埔！等巴士連車程，大約要一小時。

一月頭去了一次，今天是我們第二次去，因發現依間分店星期六、日、公衆假期有一個抵玩的套餐: 早上十點至下午一點，$140/小朋友任玩波波池及所有機動遊戲。

如果下午去，只可以買$120有5張的套票，波波池要用2張了。

小表姐考完試，今次一起去，有些機動遊戲仲玩了幾次，小表姐玩得好開心。

海盜船，小表姐玩了3-4次

這款，小表姐亦玩了3次

碰碰車，一仔仍未夠夠一米高，唔可以玩

咖啡杯

摩天輪，去兩次，兩次仍維修緊

火車，一仔玩了3次

一仔爸亦同小表姐去玩投幣的遊戲機，赢了幾千張飛仔。

一仔呢，全程由我和嫲嫲陪他在波波池玩，他玩到出晒汗，要除面衫呢。

維修Canon printer

以前買printer，試過墨用完，買代用墨，但卻print不了，又不想買很貴的原装墨，索性不print。

到又想用printer時，想買原装墨，但擔心依然print不到？若print不到，豈不連新的原装墨也浪費了？

去年八月因要替一仔找不同的言語訓練機構，要填表格後print出來再fax或email，最後買了一部多功能的Canon printer，可以打印/影印/素描。

另外我之前已向電話公司申請了網上efax，到時素描完再fax，很方便。

買Canon printer的時候已知有一年免費保養，要上網登記，但我完全不記得去登記。

上兩個星期Canon printer打印唔到，同時話無晒黑色墨及jam纸，換了新原裝墨後，依然打印唔到（但仍可以素描），每次按print後，纸只入了少許就停了。

曾彈個窗仔話jam纸，發現原來入纸坑里有一仔的玩具纸碎，拎走纸碎後，依然jam纸，最後一仔爸拆開部printer，再拎了些紙碎出來，但仍然jam纸，唯有打電話去Canon問。

入纸坑

職員話我無上網登記唔緊要，我畀到printer的serial number给他，他即時查到仍是一年内購買的，便有免費保養维修，還有可以派人上門收壞printer，维修完再送番比我，完全免費。

21號要求维修，22號收printer，25號通知大概维修好，26號check多一次没問题，27號送番部维修好的printer，原來jam 纸係因仍有纸碎。

纸碎

插曲: 其實一仔爸拆完部printer後，險些有些零件唔記得放邊個位置，最後有一條細彈弓真係不知在哪里弄出來的，唯有用小膠袋入住貼在printer上一起拎去整，好彩職員無話自行拆過后就唔可以仍免費維修。

一星期内免費維修好部printer，又包收機及送機，香港今日仍有咁好的服務，當然要讚及分享给各位！

EXTRA WARM 底衫+褲襪

<3yr10mo>

一仔未讀N班時已自己揀衫着，又有大頭仔的煩惱（要買衫領闊容易穿過頭的），又怕熱。

上年穿的白色底衫膊頭有兩粒鈕的，今年已唔啱着; 冷褲襪上年試穿了一次，果次工人話一仔呱呱叫。

今年原煩惱可以買什麼給一仔穿而保暖時，好彩有間連鎖店有這款EXTRA WARM 款，在聖誕節時又做特價$99。

前排天氣凍得15度時，天天家里街外都穿，一仔才無流鼻水。

睇身高買，一仔98cm高。

買了衫110碼（高105-115cm）

Label 里亦註明'extra warm'標誌，因亦有普通款，唔怕撈亂。

褲最细的S碼（高110-125cm）

穿上後，衫及褲是比較長，尤其衫，不過着在裡面，唔緊要。而一仔去v v時，亦識拉高件衫用'下爬'夾住，唔會弄濕件衫。

認住要有'extra warm'標誌，因亦有普通款（價格平d）。

P.S. 底衫天天換，但褲襪兩天才換一次，因腳出汗較少。

第一次睇戲@2016-1-1

<3yr10mo>

首先祝各位新年快樂！心想事成！身體健康！

第一次同一仔去睇戲，有些擔心，因聖誕節同一仔去Disney，一仔玩小熊维尼歷險之旅有些驚，可能太黑，但一仔卻好喜歡玩小小世界，還玩了兩次。

這套戲有3D效果，要戴眼鏡睇，早排一仔自己肯戴太陽眼鏡了，所以相信問題不大。

原來戲院都有bb椅

上半場，一仔都算八乘乖乖戴眼鏡睇戲，下半埸，一仔話要去v v，因我地的座位在中間，去完廁所，唔想返原位坐時又打擾其他人，見戲院仍有好多位無人坐，就選了側邊二人的情侶位坐，原來仲正，前面無人擋住，睇到整個畫面，但一仔卻唔肯再坐定睇，可能一仔開始覺得套戲不再吸引佢了。

睇完戲，去飲茶，再去屋企附近的美國冒險樂園玩，可惜一仔仍未夠一米高玩碰碰車，還有因租約期滿，此分店一月四日便結業了，真是太可惜了，因此分店除了有碰碰車外，更有三層高的波波池，都係一仔的至愛！

乖乖戴口罩

<3yr10mo>

放暑假後，一仔好少病了，一來無返學，二來天氣熱，改用凍水（又不是完全凍，太凍一仔都唔肯）沖涼~不知是否真有關係呢？印尼工人話她一家人在印尼好少病，他們是用凍水沖涼的，包括她自己兩個幾歲大的兒子。

直至九月返學，天氣有些轉涼，一仔間中早上有些鼻水。

今次一病，全家都病了，輪住去睇醫生。

上年的今日，一仔一定唔肯戴口罩，見到一仔媽戴，一仔都要一仔媽除口罩。

今日，估唔到一仔肯乖乖的戴上口罩！

TOMICA 聖誕奇妙之旅（下半埸)

<3yr10mo>

上半埸去完消防局，趁下午有時間，順便去麻奧海城睇TOMICA車展。

共有3 parts，其中兩parts 要排隊。

Part 1 室外跑道，有派籌時間、每次派多少張、限歲數/高度/體重，每次玩5分鐘。

12月5日-12月27日
星期六、日、公眾假期，2pm-6pm 
捐$20給"愛心聖誕大行動"
限3歲-12歲、身高90-130cm、體重25kg以下

2pm派籌48張，玩 2pm-4pm
3pm派籌24張，玩 4pm-5pm
4pm派籌24張，玩 5pm-6pm

好彩我地一點半去到，計過人數我地排到廿多張，到2pm派籌時真係派到3pm，諗住博前面d 人未必準時返...但最后都係3pm才到一仔玩。

其實拎了籌，我地可以入室內先玩part 2，可惜我地無咁做。

拎籌時，真係要磅重及度高度

工作人員好有心機教一仔點玩

起初一仔要我'傍'住佢，我就行前引佢揸車跟住我

Part 2, 玩15分鐘，限20人。

當我地玩完part 1去part 2時，好多人排隊，起碼30人，所以無玩。

Part 3 只係展示埸，唔駛排隊。

旁邊有得賣TOMICA 車仔，玩具反斗城member有九折定九五折，要出示會員卡

青衣消防局開放日+嘉年華會（上半場）

<3yr10>

一仔媽這陣子超忙，公司多訂單趕新年前出貨，阿妹同她一歲多的女兒從美國回香港兩個月，和我們一起住。

原來屋企有兩個小朋友，真係好忙好忙，好配服哪些FTM可以一個湊兩個小朋友！

忙還忙，得星期日放假可以陪一仔，知一仔喜歡消防員，趁消防局有開放日，當然要帶一仔去遊一遊，點知一仔居然話要去警察局，印象中好似無警察局開放日吧？

開放日十點半開始，十點十五分去到，已見處處都要排隊，我們連忙去有得免費換上消防員制服兼影相的隊排隊。

見到個個幫手的消防員或工作人員都面帶笑容，很熟練拎不同size的制服畀小朋友穿，又用發泡膠製成不同消防員用的工具，畀小朋友當道具影相，又有消防員客串和小朋友一起影相，真是好貼心又窩心！

在埸另一邊的舞臺上，有個女歌手唱些好好聽的兒歌，邀請小朋友一起上臺，可惜一仔唔肯上臺。