2013年1月1日 新年快樂!

大家2013年1月1日新年快樂!
身体健康!
心想事成!

好开心有一仔爸同一仔和我一起渡过!
还有近的、遠的親人朋友同学同事、Blog友媽媽!

Band1子轉校Band3 校長爸叫好 「我有信心搞好學校 阿仔點解唔讀得」

http://hk.news.yahoo.com/band1子轉校band3-校長爸叫好-我有信心搞好學校-阿仔點解唔讀得-210505994.html

【明報專訊】屯門Band 3（第三組別）中中加拿大神召會嘉智中學校長黃偉強，4年前成功送兒子入讀「爭崩頭、叩爛門」的Band 1英中，但兩年前他升任校長後，眼見兒子校園生活不太愉快，在兒子要求下替他「降呢」轉校到嘉智中學，作「生招牌」之餘亦希望兒子擺脫「朝八晚五」死讀書的生活。黃偉強形容辦學如開茶餐廳，「如果餐廳伙計質素高、食物味道好，點解唔畀阿仔食？家長見校長都敢送仔入嚟（嘉智中學），都會更加有信心」。

入嘉智中學 擺脫死讀書

有兩名兒子的黃偉強在嘉智中學執教逾廿載，一直對自己的教學質素有信心。不過，4年前他替幼子浩哲選校時，與一般家長一樣，認為「有得揀，梗係Band 1好」，兒子最後入讀首選的英中名校。

浩哲入學後校園生活並不如意，上課「朝八晚五」上足10堂，回家溫習、做功課後根本無空餘時間。另外，該校強調以學術成績定優勝劣敗，浩哲曾向校長和教師爭取成立初中籃球隊被拒，「我同幾個同學一齊去爭取，即使表明只希望一齊練波不參賽也被拒」，加上自小聽父親談校內趣事，開始萌生「大個入爸爸間學校讀書」的想法，終在約兩年前主動向父親提出轉校嘉智這要求。

英中重成績競爭 主動提出轉校

眼見兒子成績中上但校園生活不愉快，黃偉強感到心痛，「學校講求成績競爭、發展德育空間小，（兒子）當時好像沒有知心好友」。兩年前適逢他升任嘉智校長一職，希望建立一間學術與關愛並重的學校，遂抱着「一試無妨」心態為兒子轉校。他說﹕「既然我有信心搞好學校，阿仔點解唔讀得？」

儘管對自己有信心，但在外人眼中這是「瘋狂」的決定，黃偉強要先過妻子一關，「阿仔入學前太太特意到校參觀，與老師和班主任見面後，真的有信心才支持轉校」。他強調，當時循正常途徑為浩哲申請插班讀中三，並通過面試和筆試，也沒有事先張揚，直至開學當日才向全校教職員公布，「同事聽聞後亦難掩驚訝」。

校長父：同事聽聞難掩驚訝

轉校至Band 3中中，浩哲初期也要面對適應困難，「當時同學可能覺得我好『串』，但科科都讀慣英文，要一下子轉讀中文真的不易，幸好老師及同學幫了我很多」。他在去年讀中三時更奪得英文科全級首3名，現時整體成績屬校內中上游，並擔任領袖生和參加籃球隊等活動。

不過，最令黃偉強欣慰的不是兒子成績排名，而是他愈見積極的學習態度。浩哲說，「與以往追求競爭不同，現在老師、同學講求『齊上齊落』，即使放學後一齊補課溫書也不覺辛苦」，加上「我爸是校長」的壓力，令他比以前更主動學習。

「Band 1校不一定適合自己」

事隔1年多，浩哲不少舊校同學對其轉校仍大惑不解，但他笑言，「Band 1學校無疑係好，但不一定適合自己，學習氣氛、朋友和家人支持才最重要」。黃偉強對此亦深刻反省，直言作為家長，最重要還是子女愉快學習。

明報記者 周婷

 

BB成長之旅 ~ 第1個月至第24個月

以下的資料從某私家醫生疹所牆上的poster拍攝下來的 (sorry, 影得暗又模了d)。

 

 

十個月大的一仔 ~ 出第3隻牙仔

8月尾出第一隻牙仔~下面右边門牙.
9月尾出第二隻牙仔~下面左边門牙.
现在,10月中出第三隻牙仔~上面左边門牙,还要係一仔媽第一個發现呢!

當時一仔媽抱住一仔,一仔扭计,拗腰、弓起個背、張大個口喊,咁就比一仔媽睇到上排牙肉有白色!

十個月大的一仔 ~ 提早慶祝聖誕節

因為 24-25/12一仔爸都要返夜班，所以提早在21/12冬至那天慶祝聖誕節。

幸好公司今年提早通知冬至那天4點下班，一仔媽一放工就去湊B姨姨家接回一仔，回家幫一仔先沖涼、換靚靚衫，然後一家三口搭的士去Elements等姨丈、姨媽睇完戲 七點半一起食晚飯，再搭的士去尖東睇燈飾。

食晚飯時一仔和姨丈、姨媽玩到好開心，只可惜食店雖有BB椅，卻沒有安全帶，一仔要全程坐番自己的BB車上。

食完飯去尖東，都差不多九點多，只和一仔影了幾張相后，他已瞓著了，錯過了睇其他的燈飾，我地亦提早回家。

而且，在尖沙咀截的士，原來是十分困難的，好多的士一係蓋了旗，一係好似在選旅客似的...好彩最後都截到一架。

P.S. 幸好今年的冬至唔凍，有人話冬至唔凍，農曆新年會凍，唔知係唔係呢?到時留意下先!

口水肩的價錢相差差不多一倍

無on sale, 只係在兩個不同地方買一模一样的口水肩,价錢居然可以相差差不多一倍.

一包七條,背面係胶面.

長沙灣馬路露天檔,40元.

葵芳葵涌廣場店鋪,70元.

十個月大的一仔~ 聖旦相（2010 ~ 2012年）

一仔爸媽既馬拉松式拍拖,又怎麽会想到...

2012年的聖旦,有小霸王一仔和一仔爸媽一起渡过...

 

2011年的聖旦,仍緊张期侍小龍仔的出世...

2010年的聖旦,影pre-wedding pictures 的時候,從没想过二人世界好快变为三人的世界...


千言萬語...滿心的感恩及衷心希望身边每個人都能珍惜现在所擁有的,並人人身体健康、平平安安、開開心心

十個月大的一仔 ~ 開始扔玩具

自從上個月一仔姨媽送了张網床给一仔后,一仔逗留在網床上玩的時間越来越多,一仔似乎不知道張網床另一用途是用来瞓的!

原本一仔都係間中扔一兩件玩具在網床外,每次一仔媽都会話他,玩具扔了落地下就無得玩,要等晚上清潔完,第二天先可以再玩.

一仔应該係聽唔明!

因今天开始,早晚加麻十件玩具,他扔了八件!

望住他時say no, 他不会扔,但一仔媽一行开,轉頭玩具已在地上,激c!

一仔媽話一仔曳曳,又打他手手,他仍然笑笑口!

十個月大的一仔 ~ 初試食軟飯 + 蛋白+ 飲米水

一仔八、九個月大時同一仔嫲嫲去飲茶,嫲嫲餵一仔食鳳爪排骨飯的軟飯及包,一仔都食到,還要九個月大先出第一隻牙仔!

因初用電煲，曾失手煲过兩次杰的粥給一仔食,一仔雖然照食,但就猛拍打匙羹,加番水后,才乖乖继续食無再打匙羹.

嫲嫲见一仔食到茶樓的軟飯,話可以skip 食杰粥,直接煲軟飯给一仔食喎!

但一仔媽擔心啊,一来一仔只有兩隻牙（第二隻还未凸出来添）,二来怕一仔腸胃未識应到軟飯,三来唔識点煮軟飯及D餸,四来用緊煲粥的电煲,若改煲軟飯,時間要自己調較,怕会煲生米.

幸好有小豆子媽媽提醒,原来健康院小册子都有建議BB 9-11個月大可以食軟飯了!

所以,今天初試煲軟飯给一仔,好順利,他肯食又食得晒呢!

用米的份量雖然一样,但煲好后一餐的份量约有大碗的四份之三,之前煲粥係一大碗还要再多少少,一仔都食得晒.

 

照用实惠買的果個电煲,用刻有60ml的透明胶杯,裝一杯滿的米（同煲粥的份量一样）,4杯滿的水,用蒸煮功能的掣按1.5hr,但一仔媽只蒸了70分鐘便熄了.

將洗好的米及4杯水倒入燉盅內,15分鍾后加搅碎了的柳梅（其实都可以一开始便加豬肉）,撈一撈,煲好前的20分鐘又加碎菜,又撈一撈.

最后合共70分鐘后（下次再試下只用60、50、40分鍾会否生米先?）,原来菜及豬肉都浮去了軟飯上,要再捞一撈,才分开一半份量留待四点半果歺.

一路食軟飯,一路都有米水给一仔飮（係第一次给米水一仔飲嫁）.

今天亦試了给半個蛋白一仔食,但因天氣稍熱又潮濕,一仔被蚊咬了多啖,其中一啖偏偏在一仔右眼蓋上!

由於一仔媽有药物敏感,輕微時眼蓋腫,嚴重時試过一对眼腫到成隻小魔怪咁.
一仔爸亦有食物敏感，食蠔仔湯飯會出疹，一粒粒紅點又癢。

而一仔媽又不太確定一仔右眼蓋腫係因为被蚊叮还是对蛋白敏感?
所以四点半果餐無再比蛋白一仔食,唯有等他眼蓋好番先可再試.

希望一仔在湊B姨姨到都乖乖继续食軟飯!

十個月大的一仔 - 開始了分離焦慮

一仔近來好癡身，相信除了因為出牙仔外，亦係開始了”分離焦慮”。

今晚從湊

B姨姨接回一仔，回到家后都差不多八點，於是放低一仔在網床自己玩，但他已開始喊，而一仔媽要忙於準備沖涼用品(但他都是望到我的)，沒有理他5分鐘左右，跟住一仔連他平時喜歡的沖涼都一直在喊。

一仔媽嘗試用手機播一仔平時喜歡睇的奶粉廣告，一仔都依然喊…

最後，一仔媽塞番個奶咀給一仔含住，神奇地一仔終於不再喊!

一仔足足喊左十幾分鐘，好悽涼那種夾帶憤怒既喊  ~ 應該係嬲一仔媽起初不先安撫他!

他可能亦在扭眼瞓!

P.S. 好彩平日早上起床、飲奶、出門口，直到去到荃灣湊BB姨姨到，一仔都好乖，只在轉手交BB姨姨果陣會喊，但轉頭一仔已無喊! 不然，一仔媽會好唔放心的!

Yahoo Blog upload 相經常有問題!!!!

都唔明點解 Yahoo Blog upload 相經常有問題!

一係完全upload唔到!

一係upload了第一張，再upload第二張時，就會唔見左前一張相!

所以我更加無試upload d video!

訓練寶寶如廁 (from NUK Baby Club)

1.



2.

3.

 

4.

 

十個月大的一仔~ 識Give me five/ 手指指

一仔除了識Give me five 外, 這幾天湊B姨姨亦同他玩点蟲蟲,蟲蟲飛（原本一仔媽都不知点玩呢,但一仔爸原来識玩,又唔同仔仔一早玩,哼!）,一仔才学識了手指指!

一仔和爸爸玩点虫虫,都玩到笑kaka.

 教了bye bye 有一段日子,唔知一仔係未学識,还是不想做bye bye的動作呢?

中大教授創滴血驗癌 先憑驗血證唐氏症 獲青年女科學家獎

http://hk.news.yahoo.com/中大教授創滴血驗癌-先憑驗血證唐氏症-獲青年女科學家獎-210613447.html

【明報專訊】中文大學醫學院化學病理學系女教授趙慧君，憑孕婦驗血可證胎兒唐氏綜合症，取代抽羊水檢測免卻流產風險，造福天下父母，獲頒「中國青年女科學家獎」。她順藤摸瓜擴大研究，將技術應用於檢測癌症，結果創出「滴血驗癌」技術，憑檢查癌細胞釋出到血液中的DNA，便可得知病人是否患癌及所屬身體部位，等同做一次安全的全身檢查，可望幫助發現早期癌症，增加治癒機會。

38歲的中大醫學院化學病理學系教授趙慧君，昨於北京獲頒中國青年女科學家獎，是全國188名候選人中脫穎而出的10名得獎者之一。獎項由中華全國婦女聯合會、中國科學技術協會等共同設立，每年評選一次，表揚於生命及基礎科學領域有卓越表現的青年女科學家。

在測試孕婦血液DNA即可驗證胎兒是否患唐氏綜合症的基礎上，趙慧君再發現癌細胞新陳代謝時，同樣會釋出DNA到血液中，因此只要檢查血液是否包含癌細胞的DNA，便可達到驗癌目的。

其研究團隊2010年獲研資局主題研究基金撥款3000萬，展開為期5年的研究，透過對比16個健康及5個癌症個案，包括肝癌、乳癌及卵巢癌，分析逾4億條DNA片段的大規模平行測序後，團隊已於10月發表一份研究報告，證實血液測試可成功檢測相關的癌症基因異變。

或助發現早期癌症

趙慧君指出，現時診斷癌症一般要等身體出現徵狀，再對不同器官做血液及組織的檢試，「無事都唔會特登去驗」；不過，由於很多時等到有徵狀出現，癌症已發展至較後期階段，隨時引致延誤治療。趙慧君表示，研究的癌症個案，其中4個均屬第一期，相信有關檢測技術可助發現早期癌症，並根據基因變異位置，甚至可分析患癌的身體部位，而過程不過是一次安全的全身檢查。

成本10萬 準確度可望提高

不過，趙慧君指技術現時仍有局限，包括檢測時間需時及成本昂貴，由於在測試階段，每次檢測成本需約10萬元，亦未能總結其準確度，但她形容研究對照結果，「連肉眼都可清晰分辨到」，有信心檢測可以提高準確度。

趙慧君說，團隊未來要做大量及不同年齡的DNA測試，可望技術於3年內能臨牀應用，並將成本進一步降低，亦希望藥物研究同時發展，將來可抑制癌症復發、器官移植的排斥問題。

中大醫學院化學病理學系教授趙慧君最新的研究出爐，其「滴血驗癌」技術可望日後應用於臨牀醫學上。（勞雅文攝）

十個月大的一仔 ~ 飲8安奶

十個月大的一仔,試了幾天,早晚兩歺奶各飲8安（240ml）都可以了.

有時可以一次过飲晒,有時飲了大半要抖一抖,之后都乖乖飲晒.

飲既途中,有比玩具一仔一路玩一路飲.

亦不需要掃風了,但飮完奶要一仔企一陣,好快他都会呕啖氣出来.

至於蒸奶樽,係一仔七個月大時,可以穩定的早晚兩歺奶+中間兩歺粥后,由分开兩次蒸6個大奶樽+2個细奶樽,改为一次过蒸4個大奶樽+1個细奶樽+1個学習杯了.

大细NUK奶樽,前幾次永安on sale時已買了幾個新的,但一仔妈見d奶樽無花無異味,所以仍未換新的.

奶撙的奶咀,係一仔六個月大時已換了2号,最初幾天飲一仔都会濁親,惯了就無再濁.,

差一天便十個月大的一仔 ~ 睇医生 + 乖食藥

還有一天便十個月大的一仔,一仔爸妈要带他睇医生,因他巳成個星期有鼻涕塞住,有時更有鼻水有d咳.

湊B姨姨已每天幫一仔吸鼻一至兩次,一仔媽就吸唔到,因一仔掙扎又喊.

昨晚,一仔半夜还咳了幾次 ~ 有时一仔都会假咳,但瞓觉咳就不会是假的了.

所以,今天早上一仔妈狠下心,就算一仔挣扎又大喊都幫他吸鼻,好彩成功,还吸到青bb的鼻涕!

趁一仔爸刚返完通顶班,連续兩天放假,連忙一起帶一仔去睇医生 - 青衣的羅医生, 都係第一次睇,因一仔爸公司保险屬於UMP, 睇医生$45嫁,D同事既仔女睇开ok,取定药放在家看門口也好.

最后等睇医生45分鍾,等取药都要45分鐘!
登記處的護士話今早得一個護士執药喎!
但我地见到一对男女不但打尖睇医生（因識医生囉）,还可以不需15分鐘便取药兼走人!

医生开了收鼻水、鼻塞、滴鼻及止咳药,只比一仔飲了收鼻水、鼻塞药各一次.

醫生話唔好用吸管吸鼻，最好只用紙巾!

一仔好乖食藥添,鬼咩,一仔媽知一仔喜欢用匙羹飲水,亦用匙羹餵藥,药又唔苦喎!.

希望一仔快D好番啦!

差不多十個月大的一仔 ~ 清潔肚臍

自從一仔幾日人仔甩了臍帶后，一仔媽只繼續幫他清潔肚臍一段少日子，那時見到一仔肚臍邊有D黑色，以為就是這樣，抹不走的!

直至一仔交了給湊B姨姨湊，才知道原來那D黑色可以用棉花棒加酒精抹去嫁!

所以，湊B姨姨幫一仔抹走晒D黑色，現在一仔既肚臍乾淨晒!

第二日帶囡囡去育嬰園 bb喊到拆天 (From Baby Kingdom)

http://www.baby-kingdom.com/forum.php?mod=viewthread&tid=6321564&extra=page%3D1

第二日帶囡囡去育嬰園 bb喊到拆天

嬰兒暫托服務資料 - 加入其他媽媽的推介 (From Baby Kingdom)

http://www.baby-kingdom.com/forum.php?mod=viewthread&tid=3659570&extra=page%3D1

嬰兒暫托服務資料 - 加入其他媽媽的推介

執執下枱搵返之前用過D BB暫托的資料, 放O向度希望幫到大家, 有乜事突然冇人湊BB都有地方去:

保護兒童會:
祈廉士(紅磡) - 2365 1713 - 試過幾次臨急臨忙打去都有位
空運業界嬰兒園 (太子): 2391 5517 - D位比較緊張, 但交通較方便.
童樂居 (在空運業界樓上, 都係保護兒童會的) - 我未用過, 不過呢度係可以提供日/夜甚至24小時的托嬰服務, 有需要可打去問下: 2396 6966
其餘的保護兒童會日托仲有西營盤(2559 0222), 筲箕灣(2560 1112), 粉嶺(2682 2245). 呢幾間我未去過, 不過規矩同收費(日托至6點$70度)都係一樣. 總之位就先到先得, 最早一個月前可以BOOK位, 不過都係subject to availability. 我最長托過2 WEEK, 理由係工人放假返菲律賓. 一般都係俾你連托一星期.

我等新工人期間仲去過銅鑼灣保良局嬰兒組, 都係有日/夜同24 小時. 貴少少 ($18/HR, 朝9晚6要成百五蚊GA) 不過時間flexible同多數有位. 電話: 2277 8220.

以上只係我自己試過的托嬰服務同埋少少個人意見, 如果上面冇寫的唔代表你區冇架! 歡迎更多媽媽提供資料, 幫在職媽媽提供方便之門.

以下係其他媽媽的推介:
元朗區(只限暫托):
元朗大會堂賽馬會元朗青少年綜合服務中心.
詳程打 2475 4722 查詢

三歲至六歲幼兒暫托:
http://tswwa.org/neighbour.php  香港天水圍婦女聯合會


以下多謝Ekko 的提供:
其實社會福利署有個表有晒全港九新界既嬰園、幼兒園、幼稚園暨 幼 兒 中 心既資料架~~

呢個係最新 (截至2011年8月1日) 0-3 歲既中心名單
http://www.swd.gov.hk/doc/family/ccc/Child%20Care%20Centre%20(010811).pdf

呢個係0-6歲 (截至2011年6月30日)
http://www.swd.gov.hk/doc/family ... h%20Kindergarten%20(300611).pdf


另外佢仲有延展同暫託既資料，詳情可以呢到睇
http://www.swd.gov.hk/tc/index/s ... serv/id_childcares/

BB傷風感冒處理 （From Baby 親子雜誌）

http://www.healthlink.hk/qa/?jk=search&word=%A4j%AC%F9

BB傷風感冒處理

我的BB7個半月，這幾天好像傷風、流鼻水和有鼻涕困在鼻內，偶然會有兩聲咳及會用手擦鼻子，但就無發燒。肯玩、精神都好. 我已帶他去看醫生，但醫生沒有給她什麼藥，是否會自己康復呢？不用別特照顧嗎？

另外飲食方面，BB現在食4餐正餐，早晚1餐奶每次喝6-7安士，一餐米糊 (加果蓉)，和一餐粥 (加肉及菜蓉)，大約每次4安士，也有吃母乳，但不知道她吃多少，每逢眼訓及扭計就想食，大約每天早午晚3次，不知是否足夠？另聽人說用骨湯煮粥可增加鈣質吸收，是否正確？唔用又會唔有影響呢？
另外知道餵母乳時不可亂服食藥，但又可否染髮呢？

既然孩子已看醫生，又有精神，相信他鼻塞的問題並不嚴重，好好休息便會痊癒，不用擔心。至於食量方面，根據你提供的資料，孩子吃得相當足夠。只要食物有營養，均衡吸收，便不用擔心孩子鈣質不足，無必要用骨湯煮粥。

事實上頭皮是身體一部份，化學物質透過頭頂的皮膚也會滲入身體，亦有機會接觸BB。為安全起見，還是應該暫停染髮。

《Baby親子雜誌》編輯部
刊登日期 14:26 / 21-11-2006年

BB胖不起來？（From Baby 親子雜誌）

http://www.healthlink.hk/qa/?jk=search&word=%A4j%AC%F9

 BB胖不起來？
BB現在15個月大，但只有21磅，80cm長，近數個月未有增磅，只是長高。每日只肯吃大約19安奶，碗半至兩碗飯 (有魚肉, 牛肉, 豬肉, 菜及紅蘿蔔)和半個生果，非常喜歡飲水。其實BB都不算吃得少，但不知為何不長肉，是否生漬呢？
每個孩子天賦的體形也不一樣，有些高瘦，有些較矮胖，不用一定要孩子長胖。只要孩子精神佳、發育正常，便可放心。根據你說的情況，其實小朋友不算吃得少，胃口亦佳，不用過份擔心。
《Baby親子雜誌》編輯部
刊登日期 18:44 / 20-06-2006年

BB九個月大飲奶、食粥的份量足夠嗎? （From Baby 親子雜誌）

http://www.healthlink.hk/qa/?jk=search&word=%A4j%AC%F9

 對蛋白質敏感的徵狀
問:我的BB九個月大(男仔,大約22lbs),現每天早晚各吃8-9oz.奶.午後和傍晚再食一餐粥,共四餐。
這份量是否足夠?
若對雞蛋白敏感會有什麼反應?答：你的BB進食分量足夠。如果他對蛋白敏感，輕微的可能會長濕疹、痕癢或出難。如果嚴重的話可能會有休克性反應，必須帶他看醫生，作出治療及預防。


《Baby親子雜誌》編輯部
刊登日期 16:26 / 22-03-2000年

點解BB不肥 （From Baby 親子雜

http://www.healthlink.hk/qa/?jk=search&word=%A4j%AC%F9

點解BB不肥

問：我的BB現在快1歲了,重22磅，但吃奶一次10安士，早晚兩餐，中間兩餐粥仔。出生已8磅6安士,睇書講BB一歲是出生的3倍，可我哋BB點解不肥？5、6月時BB經常腸胃不好，睇醫生話我的BB比其他的BB超重好健康.但........還希望各位專家給予我意見。多謝！

答：一歲大嬰兒重22磅屬正常，你不用過份擔心。根據衛生署的資料顯示，1歲大男嬰的正常重量是7.9-11.2kg，即大約17.5至25磅，而1歲大女嬰的正常重量是7.4-10.6kg，即大約16，4至23.5磅。以下是男嬰及女嬰的一般體重圖表，可給你參考。

6-18個月大男嬰之生長正常值

年歲（月份）重量（kg）

06　　　　　6.6-9.3
07　　　　　6.9-9.7
08　　　　　7.2-10
09　　　　　7.4-10.4
10　　　　　7.6-10.7
11　　　　　7.8-10.9
12　　　　　7.9-11.2
13　　　　　8.1-11.5
14　　　　　8.2-11.8
15　　　　　8.4-12
16　　　　　8.5-12.3
17　　　　　8.7-12.5
18　　　　　8.8-12.8

6-18個月大女嬰之生長正常值

年歲（月份）重量（kg）


06　　　　　6-8.6
07　　　　　6.4-9.1
08　　　　　6.6-9.5
09　　　　　6.8-9.8
10　　　　　7.1-10.1
11　　　　　7.3-10.3
12　　　　　7.4-10.6
13　　　　　7.6-10.9
14　　　　　7.8-11.2
15　　　　　8-11.4
16　　　　　8.2-11.6
17　　　　　8.4-12
18　　　　　8.6-12.2

《Baby親子雜誌》編輯部
刊登日期 12:42 / 25-03-2000年

寶寶的身高體重合標準嗎？

http://baby.esdlife.com/features_baby/326/baby-growth/

[本月話題作] 寶寶的身高體重合標準嗎？

嬰兒由初生開始，每個成長階段都令父母熱切地關注，而生理發展更是不容忽視的一環。初為人父母的您，經驗尚淺，也許經常擔心自己的心肝寶寶營養不夠導致體重過輕，或者身長比同齡的BABY短，發育不理想是一個問題，但今時今日，在營養「爆棚」的成長環境下，發育速度過急而令身體過長或過重，亦需要父母加倍關注。

還好，現代父母有兒童生長圖表可以依循，還有兒科醫生在產後的指引及提示，教大家如何令BABY控制在標準的身高體重線之內。本月我們特別就這個課題，訪問了兒科專科陳德仁醫生，探討兒童發育與後天成長環境的關係，以及如何幫助兒童適當地增高。您以為飲日本奶粉嬰兒會發育得更理想，真的嗎？看下去自有解答。

【何謂生長激素 (Growth Hormone)】

生長激素釋放激素由下丘腦製造，主要作用為刺激腦下垂體分泌需要的生長激素。生長激素經過血液運送到肝臟和其他主要器官，以刺激位於骨頭負責生長的細胞進行分裂和生長，從而令身高增長。當其中一種激素分泌不足，幼兒便不能以正常速度成長。

幼兒成長進度】

2歲前 (足月嬰兒)

出生	身長：48-53 cm 體重：平均2.7-3.8kg
6個月內	增長介乎18-25cm 比出生時重2-3倍
2歲	再增長10-12cm 體重約出生時的4倍

兒童期

2歲以後	以5-6cm的速度長高 體重每年約增加2.5kg 春夏的生長會比秋冬快
穩定成長至青春期	青春期女孩大約始於11歲；男孩始於13歲

【幼兒年齡與身高對照表】

以上圖表：1993年香港中文大學兒科學系對25,000名由1歲至18歲的兒童體重身高進行之統計，現時已成為香港兒童身高的量度標準。

參考：小女孩7歲身高111cm，從圖表來看是屬於「10線」以下，即表示他在100位同年齡、同性別的兒童中，排行屬於最矮小的尾10名，其餘的90位小朋友都比他高。

資料提供：Merck Serono 藥廠

有用網站：http://www.growthok.com.hk/ (輸入年齡、身高及體重，測試您的寶寶在圖表的哪一點上)

差不多十個月大的一仔~ 又skip一餐奶無飲

每晚放工從荃湾湊B姨姨接一仔,回到葵涌家都差不多8点,同一仔沖完涼后,他已经扭瞓觉.

前晚一仔瞓到連9点餐奶都無飲,到第二朝早六点半,一仔媽加多一安奶（30ml）,即合共240ml（8安奶）,一仔全部飲晒.

到了晚上,一仔又由8点幾开始瞓,但連续兩晚唔飲奶 ~ 一仔媽擔心啊,所以,十点三一仔媽整醒了一仔餵奶,飲完后一仔还er er 叫,莫非210ml唔夠?

一仔媽無加奶,反而塞了一個奶咀给一仔,他即無再er er叫,還好快又瞓着了.

莫非天氣凍,BB愛瞓觉!?

尖沙咀永安又on sale ~ 6/12 - 9/12/2012

如題!

多數無衫袖的BB睡袋 (即背心形) $130 - $240（更正）

唯一一件有袖而又cute 的，$232咋! 可惜之前我已在荃灣買了兩件普通款的 ($170/件)!

差不多十個月大的一仔~ 出第二隻牙

這幾天一仔又唔肯比一仔媽幫他清潔口腔，又勁流口水，原來出緊第二隻門牙 ~ 湊B姨姨及一仔爸都見到!

而深遠視但又唔戴眼鏡的一仔媽 ~ 仍未睇到!?

差不多十個月大的一仔~ 入冬又入貨

上星期日去長沙灣辦事，途經街邊檔，見d衫平，又入了幾件冬天貨。

每件/條 $15 (不過，樽領衫的膊頭位無钮) - 買於長沙灣馬路露天街邊檔

帽 $25 (應該都啱大頭仔的一仔)  - 買於荃灣鋅鐵鋪旁
口水肩7條一包 $40，背面係膠面 - 買於長沙灣馬路露天街邊檔

褲襪 $50 兩條 - 買於荃灣南豐中心

差不多十個月大的一仔 ~ say No 的表示 + 仍未ready食杰粥

上個月同一仔嫲嫲飲茶時，嫲嫲餵一仔食D軟飯，一仔都肯食，嫲嫲話係時候比爛飯給一仔食了，當時一仔媽正忙於新屋裝修、買傢俬中，未有時間去找煮爛飯及食材的資料。

直至印印走了后，一仔爸好豪氣話等他單槍匹馬照顧一仔幾天，一向不入廚房的一仔爸，又怎麼可能識用明火煲粥呢?

剛巧去荃灣廣場的實惠買新家用品，見到一個電煲(大size, $199)，可煲BB粥(要四小時 ~ 嘩，太耐了)、另加其他功能掣 ~ 最後一仔媽用"蒸煮"功能掣 + 按"1.5"小時(但通常75分鍾就熄掣)，就煲到平時用明火煲半小時的大粒稀粥效果，正!

 
頭幾次未慣用此電煲，試過兩次煲得太杰，一仔食既時候猛用手拍打個匙羹，臉又左擰右擰，加了暖水粥變稀后才乖乘繼續食 ~ 即是話一仔還未食得杰的粥住!

及因一仔每餐要食一大碗粥，此煲每次只可煲一碗多但不足兩碗的份量，下午四點半果餐要再煲過 ~ 之前早上明火一次過煲兩餐，第二餐放入暖壺直至四点半才食。

差不多十個月大的一仔~ 溢片+ 換尿片牌子

一仔每天一至二次便便,一直穿Pamper的特级棉柔尿片.

由初生到现在大碼,久不久若一仔的便便太多,便会溢出片外,整到d衫褲都係.

是否係時候試下用第二個牌子呢?

9個月大的一仔 ~ confirm 了新印傭

幾經辛苦又轉折,昨天星期六终於confirm請一個海外印傭.

一般請海外印傭要3個月,但agent話新印印d文件齊,可以试兩個月,但后来发現新印印的passport 7月19日到期,上飛机時passport要有效期6個月,那豈不最遲1月19日要上飛机?

但其他手續能趕及出晒嗎?

不知道!Agent話盡量!

如果趕到1月19日到HK,那希望可趕2月頭搬去TKO.

唉，但我有d覺得無可能，唯有安慰自己起碼個agent無呃我話一定得!

9個月大的一仔 ~ 有鼻軒声 + 幾声咳

天氣突然轉凍又落雨,早晚又要接送一仔去湊B姨姨到,这兩天发现一仔睡觉時有鼻軒声、飲奶有雜音、有幾声咳,湊B姨姨話一仔喊時有鼻水添!

一仔爸媽連忙找出之前一仔嫲嫲送给一仔的猴棗散.

原要一日兩次,每次一支,但一仔第一次食,只给半支.

分三次食完一支后,一仔好似無咳了,但依然有鼻軒声 ~ 因有鼻涕!

嘗試用吸管吸,但一仔動来動去（醒了瞓了都係!） ~ 請問其他mama用什么方法又点清除BB的鼻涕呢?