N班之同學失物 + 聖誕表演 + 晒相 + 功課 + 旅行

<2yr9mo>

同學失物
記得學校有提過，要替小朋友的衣服鞋襪、個人用品加上名字。

學校每個月有一天生日會(一個學期$300)，小朋友只需穿便服返學，便服當然不會去加名。

十月、十一月連續兩次生日會，一仔都病了無返學，但學校都有留番一份禮物给一仔。

今天，居然收到學校的通告，話有一個同學在生日會當天遺失了一件GAP外套，希望各家長代為留意！

估不到學校肯為學生失物出通告！

而前排一仔放學回家，工人姐姐發現一仔件校服無了一粒鈕，於是寫了一張纸仔問梁老師學校會否有spare ，梁老師話應該無，但最後她都幫找到一粒！


聖誕表演
聖誕假前學校有一個party，N班學生有表演，如果留低聚餐，要另比$150。

一仔爸話一仔在學校坐唔定，要一仔跟其他同學一起排練，怕一仔唔合作，影響其他同學，所以揀了唔參加表演，一仔媽將這個原因寫了纸仔给梁老師，估不到學校話可以照比一仔試下，好讓他增强自信心，萬一一仔到時唔合作，才請他落台也可！

一仔媽聽到這里，真的很感動哩！

另外，K1 - K3學生，12月20日(六)12:30-1pm在東港城有表演，可惜一仔媽當天要返工！

縱使曾睇過BK上其他家長對學校的不好評語，但so far，我地對學校的印象蠻不錯啊，當然學校有些地方仍可改善，如人名貼纸改用防水貼纸、姓名牌不用扣針，改用掛繩，學費/茶點費平多dd，提供學生每周學習進度表，提供興趣班，學校網頁內容豐富詳盡些又update d。。。



晒相
開學初期，學校替學生影了些在課室參加遊戲時的相片，貼在壁報版上，一仔媽請學校代晒相或email d 相files，學校真係email呀！

一仔爸話小表姐以前讀果間的幼稚園，若學校代晒相，要幾元一張呢！

功課
手册每星期都會更新學了什麼?

9月初開始，逢星期五會有兩頁功課回家做，填色及連線

今個星期開始，多了要拎回家撕紙的功課

由開學到現在，大概拎過好似4-5次在學校做的勞作回家

9月

9月

11月

旅行

N班都有旅行呀，不過要明年3月中，希望到時不要落雨!

有心思的面試禮物@青衣商會將軍澳幼稚園

一仔好喜歡這份禮物，原本有三塊片，但有一塊未玩，已经唔見了！

上淘宝揾了兩天”投影手電筒玩具”，仍未揾到哪里有得買一模一樣的？

瞓覺之二選一

<2yr9mo>

這幾天夜晚瞓覺時，一仔要拎一兩部車仔上床玩，見一仔平時行為良好，上床後好快瞓着，便由得他，點知。。。

第一晚，玩車仔一陣後，一仔媽要一仔同車仔講”早抖，bye bye”, 起初一仔唔肯，要講兩三次后，一仔才順攤將車仔放在床頭柜桶里。

第二朝早瞓醒，一仔媽提一仔要記得拎車仔，一仔二話不説迅速從床頭柜桶里拎出車仔！

第二晚，一仔媽瞓瞓下比架車仔扔中而醒了，車仔即時被没收，車主被勒令要即刻去瞓覺！

第三晚，一仔媽同一仔講，有車仔，無奶咀；有奶咀，無車仔！

一仔選了車仔，玩了一陣，周公急call，一仔叫”奶咀，奶咀”，伸出車仔自動交比一仔媽！

第四晚，一仔可能已眼瞓，選了要奶咀，同時喊住拎架車仔交比在廳抹緊玩具的工人姐姐！

第五晚，一仔爸在場，一仔選了車仔，一仔媽叫一仔爸快d瞓，等陣聽到什麽聲音都不要理會。

一仔爸媽瞓瞓下，果然聽到一仔開始叫”奶咀，奶咀”，更壓住一仔爸要接近一仔媽，希望一仔媽聽到他的叫喚！

但一仔媽叫極都無反應，其實在忍緊不笑出聲！

最後一仔爸被一仔踏住了頭髮而叫了一声，一仔知爸爸醒了，乘機攝位將兩架車仔塞在”瞓緊覺”的一仔媽手里！

一仔媽终於忍唔住笑出声，乖乖去拎奶咀比一仔！

一仔的車仔

N班開學Week 10 > 無返學一星期

<2yr8mo>

一仔上個星期六開始有少少咳。

星期日夜晚咳多了，明顯有痰聲，但唔識咳出來。

星期一早去睇胡医生，話一仔扁桃缐發炎，医生摸到一仔頸右邊位置有些腫，開了抗生素药（同上次一樣，此药要放入雪柜，每早一次，每次飲5ml），今次飲了4天便飲晒，上次飲了一星期呢。

今次係開學後第二次扁桃缐發炎了，好彩今次無發燒。



星期二已經無乜咳了，只有少許鼻水。



星期三好得七七八八，但量耳仔體温時有37度，若在學校門口量到有37度，就不能返學的，所以是日在家休息。



星期四起身后，一仔超級眼瞓，連食早餐時都中下中下咁才食完份早餐（半碗麥皮/30ml 奶 + 一杯150ml 奶）。

原本開了手機的youtube，一仔都無乜點望過，只掛住瞓 > 真嚇親一仔媽，因一仔從未試過早上瞓醒后仍咁眼瞓！

以為一仔病情是否嚴重了？但又無發燒。

一仔連早上八點食蘋果都唔願食。

之后一仔爸才醒起會否因前一晚八點食完晚飯后一仔偷飲了幾啖啤酒（青島牌）呢？

但晚上九點半上床，一仔玩到十點半才瞓着啊！

半夜一仔亦醒了幾次，不似平時那样可以一覺瞓天光。

一仔咁眼瞓，莫非因飲啤酒的後勁反應？

這天，一仔瞓了整個早上，下午無瞓（即正常番），晚上我地一家三口還和一仔姨丈姨媽一起去了堂舅父、堂舅母的婚宴，一仔好開心。

上年8月套衫褲仍太大

預早幾天去了堂舅父家，替堂舅父的新床跳大床。
堂舅父小時候曾替一仔的姨丈、姨媽新床跳大床，估唔到現在輪到一仔跳，姨丈話”一代傳一代”。

有個小朋友係屋企sofa跳到咁，但幫堂舅父跳大床時就......好彩都跳到幾下!

未入席前，在商埸玩了一陣。

因第一次帶一仔參加緍宴，九點開席時場地的閃爍燈光令一仔覺得好神奇。

中場時一對新人敬酒，一仔亦敬麻一份。

大概十点多，我地就離開，上車一陣，一仔便睡着了，落車時好似樹熊咁攪實一仔媽，回到家才醒。

喜宴其間，一仔只食了少少白飯，亦唔肯飲奶，但卻痾了三次，每次痾少少，稀稀爛爛，黄色的。



星期五一仔爸帶一仔再去睇胡醫生，醫生話一仔感冒菌入腸，開多了一樽止肚痛的藥。

左面是止肚痛藥，右面是退燒藥，但止肚痛藥每格的份量多好多啊!

醫生亦吩咐一仔要改食軟飯、飲開稀的奶(見一仔無再痾，所以只食了一餐軟飯及一餐開稀的奶)。

一仔媽自己另外幫一仔停了食蘋果、菜(由星期五至日)。

是日有兩次臭臭。

今天學校開生日會，替一仔打電話给學校請病假時，請學校留番一份生日禮物给一仔。


星期六及日各有一次臭臭。




這個星期的進步
1) 除了晚上瞓覺要瞓窗邊時，一仔會不停講”唔該晒”直至一仔爸讓出個位才停講外，有時我地坐係sofa上，一仔想要個sofa 位玩玩具，亦會不停講”唔該晒”直至我地又讓位才停講。

原來一仔講"唔該晒"，係跟一仔媽學架!

2）食了一星期药，一仔”學識”了bur 药水及吐口水，起初我用手打佢咀仔，打時話吐口水要掌咀，之后一仔再吐時，捉住佢隻手掌佢自己個咀，后來佢每次吐口水時，剩叫佢自己掌咀，佢又識做喎！

3）上星期聽到班主任話一仔係學校唔會自己飲水，一仔媽心諗會否一仔曾試過自己飲水，整濕了校服，所以抗拒在學校自己飲水呢？

剛好經過百貨店見到這個好似學校的水杯，一邊有耳仔，透明的，可以望到一仔飲水的情況。

如果杯里的水不多，一仔都可以自己拎住個杯飲晒d水，不會倒瀉。

4）喜歡拎學校的書包、課本、杯、毛巾盒出來，有d 課本纸質比較薄，比一仔撕爛了。

最喜歡睇A至M果本英文書，雖未識講得晒全部英文字母所代表的物件，但如果問一仔 ice-cream，佢可以揾番果一頁出來。

而問lamp 或moon，一仔都会指住廳燈。

但一仔对於中文課本，好似興趣不大。

5）知道爸媽要出街，一仔係鞋柜幫我地拎定對出街鞋出來。

N班開學 Week 9 + 學校戒片暫停

<2yr8mo>

學校戒片 3rd week

星期一
今天學校戒片成積： 居然無濕到呀，可惜回家途中一仔話痾殊殊，跟住真係痾了，然后開始喊，好彩回家路程只係5分鐘左右，最后濕了一條底、運動褲、一對白襪、一對波鞋。

之前用戒片褲嘗試戒片時，多數痾濕了時，一仔都唔會喊，現在用普通底褲，痾濕了，一仔會喊，反而覺得係好事，亦慶幸係學校痾濕了，一仔都無話抗拒唔穿底褲返學。

后來同班主任講電話，才知道一仔會跟其仔同學仔拎杯拎毛巾盒出來，但一仔唔食茶點又唔飲野，所以才不會痾濕! 



星期二
今天一仔爸接放學，打電話問我萬一阿仔放學途中話要痾殊殊點算?

我話盡量叫一仔忍，忍唔到痾濕了，都要返到屋企才可換架啦! 唔知下次一仔爸還會否選擇接阿仔放學嗎? 

班主任見到一仔爸時，話一仔去坐廁所時唔多合作，依幾天在家，一仔都多了主動講痾殊，但帶佢去廁所，佢卻拎轉身要走人，其實係未屋企都要唔穿尿片，改穿底褲呢？

今天學校戒片成積： 濕了一條底、運動褲、一對襪、波鞋。


星期三
今天學校戒片成積： 

噢，班主任今天打電話給我(主要因一仔件校服唔見了粒button，一仔媽留了張紙仔問學校有無多一粒spare)，話終於"夾到"一仔坐係廁所上痾殊殊了。

但可惜班主任亦話覺得一仔心態上未ready，所以學校戒片要暫停，要待明年五月時再戒了。

有些失望? 少許啦!

但睇番這兩個半星期的學校戒片成績，一仔由最初不會講痾殊殊、痾臭臭，到現在有時會講，這少少的進步，我已經覺得好好了!


***********************************
天氣早晚開始轉涼，好彩學校剛發了張通告話11月初買冬季校服，11月中正式轉穿，如果期間需要，可以加穿一件白色長袖開胸冷外套。

記得8月初開學穿夏季校服時，覺得好大件，明年都穿到，現在穿穿下，仍然覺得大件，但感覺ok了，所以冬季校服希望可以跟番夏季校服呎寸去訂呢!

今個月，一仔升到30磅、89cm高，原本尿片及學習褲都係大碼，應該可以改穿加大碼了。

N班開學 Week 8 + 原校升K1?

<2yr7mo>

今個星期開始學校戒片 2nd week

星期一
今天學校戒片成積：濕了一條底褲、運動褲。


星期二
今天學校戒片成積 : 濕了一條底、校褲。


星期三
今天學校戒片成積 : 濕了一條底、運動褲、一對襪、一對黑皮鞋。

上星期對黑皮鞋濕了后，一仔爸怕個魔術貼穿過衣架后會突然負荷不了而甩，加用扣針勾住黑皮鞋里面，再用衣架掛出窗外，會容易曬乾d。

但用扣針勾得多，就算勾里面，都會勾到一個個窿。

突然想起上星期一仔塞了好多玩具係梳化底，最后玩具洗乾淨后，用洗衫袋入住，再用衣架掛出窗外曬乾。

所以，今次皮鞋用魔術貼穿過衣架后，都用相同既方法 >> 入洗衫袋先，將洗衫袋一邊在衣架上打個结，又用大衣夾夾住個洗衣袋，才掛出窗外曬乾。

星期三、四國慶及重陽節假，不用返學。

但這兩天，換片時若問一仔痾殊殊未，佢反而會講v v。

星期四開了兩次大，兩次都有主動同我地講痾臭臭。



星期五
因打算放了學直接约嫲嫲去飲茶，唔想揾地方換片，所以今天在書包里留了張便條話比班主任知今天改穿尿片返學。

但唔知点解放學時一仔全套運動衫褲都換了，借了學校的去着？

過了12点，好多酒樓已無排骨飯賣，一仔最后飲了240ml 奶。




今個星期的進步
上個星期一仔真係識講識指eye 、ear 、nose 、mouth ，今個星期識講 head、眼、耳、口、鼻鼻、toes了; 識指shoulders, 但未識講; 講kness 時，卻指住toes。

見到d 車郁，會講”呠呠”。

這幾天在不喜歡時，會大叫。

之前班主任話一仔在學校會流口水，可能口腔肌肉弱，建議可咬菜莖，但連餅餅都唔食的一仔，又點會乖乖肯咬菜莖？

剛巧見到前排學校生日會送的吹筒，一仔見我地吹，有時佢都會吹下，之后在深水埗買多幾支，平的一包五元有五支。

多數星期五一仔會有功課拎回家做，今個星期係連線(將英文字母連去所屬的圖案)及油顏色，但居然發現有幾頁之前無做功課而給老師打了問號既? 

一仔多了喜歡油顏色，還要拎功課果本油，但功課油完不能再油呀，於是改拎自己買的畫書給一仔油，但一仔唔要，只想要功課果本，看來又要入下貨再買書了!

原校升K1？

學校出了一張通告話N班同學可以優先升K1。

BK上其他家長對依間學校的評語差多過好，但一仔返了兩個月學，我地又覺得ok，尤其是班主任願意幫一仔戒片。

睇BK啲家長話如果小一派位參加大抽奬，其實間間有學劵的學校教的程度差不多。

但當你深入睇每間學校網址介绍學校的詳情時，會發現有學券的學校除了全日班的學費可以由900元 - 2000元(相同咁貴的學費，但有d學校有興趣班提供)、又分10 - 12個月比學費及每個學期的雜费由1000元- 3000元不等外，有些學校會提供net teacher 教英文(一仔間學校現在有)、有普通話堂(一仔間學校現在有)、有興趣班(一仔間學校現在及將來都無)  > 如果學校有提供，那我地不用另外出外找，又可以放心比一仔繼續留在學校上堂啊。

所以，雖然幫一仔填了願意原校升K1，但都會幫一仔報其他學校去面試，hehe，當帶一仔出去玩，順便又可參觀其他學校。

豉油雞

以前祖母煑的豉油雞，真係好好味，但上網揾煑法時，估唔到原來煑法很麻煩，好彩最后都搵到一個較簡單的煑法，而且係video 添，工人姐姐第一次跟住video煮已經成功，只是味道不夠”甜”，而唔喜歡食雞的老公亦只食了兩三舊，不過，現在阿仔開始食大人餸，下次有佢幫手食la。


村料： 一隻雞， 一支豉油雞汁， 一支水

做法 : 直接睇網上搵到的video吧!

https://www.youtube.com/watch?v=sQVXtLO8Gyo
唔知點解用手機睇唔到個video，要用電腦才睇到? 
所以現在另註明條link出來。