平時一仔爸返早班或放假，我地一家三口一齊上床瞓，一仔比平時更加活躍，成日圍住一仔爸及窗边走來走去，更喜欢坐係一仔爸頭上当凳仔坐，所以，戒奶咀行動要待一仔爸返中班及夜班先可实行！
第一天晚上開始戒(2014.1.18)
一仔勁喊了好耐........
當一仔喊超过15分鐘時，一仔媽心諗不知一仔还会喊幾耐？
曾在facebook上睇过話小朋友喊超过30分鐘，好似会好傷腦！？
當一仔喊超过30分鐘時，一仔媽心諗可否call一仔爸問下佢有乜高見？
如果一仔爸答继续由得一仔喊，真的由得一仔喊吗？
如果一仔爸答stop，那一仔之前喊的眼淚未白費？ 那今次失敗了，咁幾時再戒过？
諗諗下当中，好彩一仔终於停止了喊！
一仔足足喊了50分鐘，又籮籮挛係床上50分鐘，终於唔駛奶咀瞓着了！
但戒奶咀要連試5-10天先叫成功！
第二天
今天午觉，一仔喊了20分鐘先瞓着。
但只瞓了40分鐘，瞓醒又喊了45分鐘！
今晚，一仔喊了30分鐘，其間一仔媽实在唔忍心，拎番个奶咀，但剪走一半，一仔見到爛奶咀，望了又望，最终放入口，咬了幾下，拎番奶咀出來，見媽媽另一隻手拎住奶咀蓋，一仔居然將奶咀蓋蓋上爛奶咀，再食奶咀，咬了幾啖，知道口感唔同，再拎番奶咀出來。。。一仔跟住一样喊得好凄涼，一仔媽只有不停拍下一仔pat pat，又哼下歌，好彩最后一仔瞓着了！喊到一仔媽心都实晒。
半夜，一仔酲了，一醒就喊，剛巧一仔爸放工回家，一仔爸即刻話比番奶咀一仔食（屋企原有兩個奶咀），估唔到一仔爸係心軟果個！
避免一仔混乱，一仔媽唯有同一仔講爸爸買了新奶咀。
一食奶咀，一仔好快瞓番了。
第三天 :
工人姐姐話早覺扭喊了30分鐘，無比奶咀，最后都瞓了。
午覺，起初唔瞓，一比了奶咀，唔駛3分鐘就瞓了。
晚上十點開始上床，到十一點半開始有點扭，一仔媽拍下一仔pat pat 又哼下歌仔，最后瞓了。
第四天 :
工人姐姐話一仔有扭，所以上下午覺都比了奶咀，各瞓了個多小時。
晚上十點開始上床，有落床幾次，但一仔無拉媽媽去開房門，到十一點三開始扭要奶咀，其間一仔媽瞓下醒下，最后都比了奶咀，好快瞓了。
第二朝早，奶咀仍含在咀里呢!
第五天 :
上下午覺都比了奶咀，各瞓了個多小時。
晚上點半上床，關了房門，一仔拉媽媽去開房門，所以有食奶咀，而且好快瞓了。
第二朝早，奶咀仍含在咀里!
第六天：
白天当然有要奶咀瞓觉。
晚上，未入房前，一仔已经要如奶咀，不过，一仔媽会”鵝”下一仔，話”大個仔，就快兩歲，要戒奶咀唔駛食啦”。
之后，一仔病倒了，所以戒奶咀藉機可以暫停。
上網揾了不同戒奶咀方法的資料
戒奶咀方法 - 親子王國
原打算下次用手指水，但見BK有家长話BB会呕，一仔媽睇到，即刻打退堂鼓，真係要再諗諗什么時候及用入什麼方法去幫一仔戒奶咀！？
有比BB用過手指水嗎？
如果唔係一仔姑媽及同事講，都唔知原來退熱貼還可以貼在背后及頸后，那不怕一仔成日要拎走張退熱貼了。
