四歲驗眼@健康院 ~ 斜視

<4yr>

一仔四歲了，要生日那天才可致電健康院自動語音系统約期驗眼，因一仔媽請假不方便，今次由一仔爸带一仔去健康院驗眼。

健康院有網上資料介紹這次驗眼的服務包括了什麼 - 

學前兒童視力普查

一仔爸話健康院好多人，多人到無位坐，但好彩好快輪到一仔。

先驗雙眼，再輪住驗左眼及右眼單一隻看，一仔讀到全部英文字，但唔知点解視光師話一仔左眼可能有些斜视，提議請學校老師幇忙留意，若有問題，上小學前要再通知健康院去跟進。

另在網上揾到這篇教怎樣留意小朋友有斜視，一仔有時都捽眼，但係係捽右眼多，不是左眼。


2016.3.15 跟進
問一仔爸覺唔覺一仔有斜視，一仔爸話未發現。

於是whatsapp問一仔班主任，兩位班主任回覆相同: 發現平時與一仔面對面談話 或 一仔望住物件時，有時他的左眼珠有少少向左耳朵那邊向外傾斜，但不明顯的。

一仔媽望一仔，一仔會怕醜，轉身唔畀望，所以將班主任發現的方法話畀一仔爸知，一仔爸才有相同的發現，而且見到一仔爸同一仔講野時，一仔爸叫一仔望住自己（一仔爸）個鼻講。

問一仔爸點解這麼做？他才説健康院視光師解釋可能因肌肉緊，扯了眼珠去另一邊，如果小學前仍有斜視的情況，除了要返健康院跟進，亦可以同小朋友講野時，請小朋友望住你個鼻，幫他'扯'番眼珠去中間。

哎，一仔媽即話一仔爸當初講些又不講些，真係！


2016.3.23 補充
若在雅虎找"斜視"，找到很少的資料，原來去"BK"找，資料多些

1)成年人斜視手術，給有斜視小孩的家長
2)終於放下心頭大石，斜視手術
3)幼童斜視
4)阿仔斜視，有冇眼科醫生介紹
5)【健康一家人】斜視眼長大就會好？家長勿掉以輕心
6)四歲驗眼，斜視
7)[視障] 斜視眼問題


阿仔斜視, 有冇眼科医生介紹?幼童斜視[

第一次去見牙醫

<4歲>

記得健康院書仔話小朋友出了第一隻乳齒後，6個月内要去牙醫檢查牙齒，果時一仔連剪頭髮都會喊到拆天，有病時去睇醫生一仔會乖乖合作比醫生用耳筒檢查，但見牙醫要張開口，真的無信心一仔會合作呢！

上年年中當一仔爸轉了工，知道公司福利有包牙醫免費檢查後，都照幫一仔預约了半年後的今天。

過去幾個月一仔在各方面都有進步，包括可以自己坐係到比師傅剪髮了，所以，對一仔去見牙醫有番d信心。

今天出發前，都有同一仔講要去見牙醫，要張開口比牙醫睇有無蛀牙，一仔起初都有抗拒，話唔好去！

到達疹所後，一仔媽先入去照x-ray 再去見牙醫洗牙，一仔爸話一仔見我入了疹療室後，大喊，又話要走，好彩當我見完牙醫出來後，一仔已平復了，亦肯乖乖入疹療室。

起初牙醫姐姐要一仔獨自坐疹療椅上先檢查牙齒，一仔唔肯，但肯乖乖坐在一仔媽大腿上被牙醫姐姐檢查。

牙醫話一仔所有乳齒已出晒，無蛀牙。

一仔食奶咀食到三歲，對乳齒亦無影响。

檢查完，牙醫要用電動牙刷幫一仔刷牙，今次一仔真的要獨自躺在疹療椅上了。

起初一仔唔肯，但輕聲氹多一陣後，一仔就肯了，而且當疹療椅的椅背慢慢由90度轉為平躺時，一仔都無話驚（事後同讀五年级的小表姐講，她話有些同學好驚張椅轉平躺果下呢）！

牙醫先開動電動牙刷，放在一仔手背上，讓他感受一下牙刷轉動的感覺，好彩牙刷轉動時只有好輕微的聲响，一仔亦不怕那轉動的感覺，之後也不抗拒牙膏的味道（牙醫話此牙膏吞少少是可以的）。

刷完牙，一仔亦乖乖漱口及吐水幾次。

牙醫囑咐每次刷完牙，大人都要幫小朋友再刷牙一次。


後話

一仔的牙齒之前有少少黄漬，最初用的牙膏是依款

從去年十一月轉用了下面此款牙膏後，無咩黄漬了，TASTE有得買。

今次牙醫幫一仔刷完牙後，覺得d牙亦白了。

美國冒險樂園@黃埔

<3yr11mo>

自從一月頭屋企附近果間美國冒險樂園有三層高波波池及碰碰車因租约期滿關閉後，一仔爸媽煩惱可以帶一仔去邊到玩番有齊依兩樣遊戲設施的埸地？原來最近都要去到黄埔！等巴士連車程，大約要一小時。

一月頭去了一次，今天是我們第二次去，因發現依間分店星期六、日、公衆假期有一個抵玩的套餐: 早上十點至下午一點，$140/小朋友任玩波波池及所有機動遊戲。

如果下午去，只可以買$120有5張的套票，波波池要用2張了。

小表姐考完試，今次一起去，有些機動遊戲仲玩了幾次，小表姐玩得好開心。

海盜船，小表姐玩了3-4次

這款，小表姐亦玩了3次

碰碰車，一仔仍未夠夠一米高，唔可以玩

咖啡杯

摩天輪，去兩次，兩次仍維修緊

火車，一仔玩了3次

一仔爸亦同小表姐去玩投幣的遊戲機，赢了幾千張飛仔。

一仔呢，全程由我和嫲嫲陪他在波波池玩，他玩到出晒汗，要除面衫呢。

維修Canon printer

以前買printer，試過墨用完，買代用墨，但卻print不了，又不想買很貴的原装墨，索性不print。

到又想用printer時，想買原装墨，但擔心依然print不到？若print不到，豈不連新的原装墨也浪費了？

去年八月因要替一仔找不同的言語訓練機構，要填表格後print出來再fax或email，最後買了一部多功能的Canon printer，可以打印/影印/素描。

另外我之前已向電話公司申請了網上efax，到時素描完再fax，很方便。

買Canon printer的時候已知有一年免費保養，要上網登記，但我完全不記得去登記。

上兩個星期Canon printer打印唔到，同時話無晒黑色墨及jam纸，換了新原裝墨後，依然打印唔到（但仍可以素描），每次按print後，纸只入了少許就停了。

曾彈個窗仔話jam纸，發現原來入纸坑里有一仔的玩具纸碎，拎走纸碎後，依然jam纸，最後一仔爸拆開部printer，再拎了些紙碎出來，但仍然jam纸，唯有打電話去Canon問。

入纸坑

職員話我無上網登記唔緊要，我畀到printer的serial number给他，他即時查到仍是一年内購買的，便有免費保養维修，還有可以派人上門收壞printer，维修完再送番比我，完全免費。

21號要求维修，22號收printer，25號通知大概维修好，26號check多一次没問题，27號送番部维修好的printer，原來jam 纸係因仍有纸碎。

纸碎

插曲: 其實一仔爸拆完部printer後，險些有些零件唔記得放邊個位置，最後有一條細彈弓真係不知在哪里弄出來的，唯有用小膠袋入住貼在printer上一起拎去整，好彩職員無話自行拆過后就唔可以仍免費維修。

一星期内免費維修好部printer，又包收機及送機，香港今日仍有咁好的服務，當然要讚及分享给各位！

EXTRA WARM 底衫+褲襪

<3yr10mo>

一仔未讀N班時已自己揀衫着，又有大頭仔的煩惱（要買衫領闊容易穿過頭的），又怕熱。

上年穿的白色底衫膊頭有兩粒鈕的，今年已唔啱着; 冷褲襪上年試穿了一次，果次工人話一仔呱呱叫。

今年原煩惱可以買什麼給一仔穿而保暖時，好彩有間連鎖店有這款EXTRA WARM 款，在聖誕節時又做特價$99。

前排天氣凍得15度時，天天家里街外都穿，一仔才無流鼻水。

睇身高買，一仔98cm高。

買了衫110碼（高105-115cm）

Label 里亦註明'extra warm'標誌，因亦有普通款，唔怕撈亂。

褲最细的S碼（高110-125cm）

穿上後，衫及褲是比較長，尤其衫，不過着在裡面，唔緊要。而一仔去v v時，亦識拉高件衫用'下爬'夾住，唔會弄濕件衫。

認住要有'extra warm'標誌，因亦有普通款（價格平d）。

P.S. 底衫天天換，但褲襪兩天才換一次，因腳出汗較少。

第一次睇戲@2016-1-1

<3yr10mo>

首先祝各位新年快樂！心想事成！身體健康！

第一次同一仔去睇戲，有些擔心，因聖誕節同一仔去Disney，一仔玩小熊维尼歷險之旅有些驚，可能太黑，但一仔卻好喜歡玩小小世界，還玩了兩次。

這套戲有3D效果，要戴眼鏡睇，早排一仔自己肯戴太陽眼鏡了，所以相信問題不大。

原來戲院都有bb椅

上半場，一仔都算八乘乖乖戴眼鏡睇戲，下半埸，一仔話要去v v，因我地的座位在中間，去完廁所，唔想返原位坐時又打擾其他人，見戲院仍有好多位無人坐，就選了側邊二人的情侶位坐，原來仲正，前面無人擋住，睇到整個畫面，但一仔卻唔肯再坐定睇，可能一仔開始覺得套戲不再吸引佢了。

睇完戲，去飲茶，再去屋企附近的美國冒險樂園玩，可惜一仔仍未夠一米高玩碰碰車，還有因租約期滿，此分店一月四日便結業了，真是太可惜了，因此分店除了有碰碰車外，更有三層高的波波池，都係一仔的至愛！

乖乖戴口罩

<3yr10mo>

放暑假後，一仔好少病了，一來無返學，二來天氣熱，改用凍水（又不是完全凍，太凍一仔都唔肯）沖涼~不知是否真有關係呢？印尼工人話她一家人在印尼好少病，他們是用凍水沖涼的，包括她自己兩個幾歲大的兒子。

直至九月返學，天氣有些轉涼，一仔間中早上有些鼻水。

今次一病，全家都病了，輪住去睇醫生。

上年的今日，一仔一定唔肯戴口罩，見到一仔媽戴，一仔都要一仔媽除口罩。

今日，估唔到一仔肯乖乖的戴上口罩！