未返N班前，一仔幾個月才病一次。
8月中開學到現在，一仔睇医生相信都唔止十次，試過三次扁桃缐發炎、一次腸胃炎、眼癢（現在仍會間中捽眼）、氣管敏感等。
一仔BB時，一個人餵一仔食药都可以。
大约今年開始，一仔力氣大了，會掙扎，需要兩個人餵一仔食药才可以，一個坐係電腦椅上，負責抱住一仔兼固定佢個頭又要cool實佢d手手脚脚，另一個負责餵。
十月時，一仔更學識lur及吐药水，每次用針筒餵，相信九乘都lur了出來。
原本一日食三至四次的药，因屋企只有工人姐姐一個人，餵唔到药，改為早晚食药咋，兩三天的药要食一星期才食晒。
起初食药，都係睇普通家庭医生，正常的大人药味道，每次話夠鐘食药，一仔会扁晒咀，但仍会主動行去電腦椅坐低，果時心諗，莫非一仔肯乖乖自己食药？但唔係law，佢係霸住個位，唔比我地坐上去！
後來改睇了兒科医生，相信款款药都係較甜，但依然餵食药好似打仗咁。
有次睇到妹豬媽話學了汪培延個方法，同妹豬講了二十分鐘后，自始妹豬肯乖乖食药，於是同一仔爸講，一仔爸話揾日試下同一仔講，但到依家都未講！?
打仗咁餵药又lur了九乘出來始终唔係辦法，十一月尾時，有一天一仔媽突然心血來潮改了餵药方式，工人姐姐坐係電腦椅上，改要一仔企係度，工人只係固定一仔個身及对手，一仔媽試講幾句如乖啦、甜架、試下甜唔甜先？再用针筒餵一兩滴先，一仔起初都吐出來，試多兩次，都係吐，但见一仔不太掙扎，再試第三次，就乖乖飲晒，當然不忘要一路讚一仔乖、大個仔、叻叻等。
一支3.5ml的药，要逐少逐少咁餵，分了差不多十次才餵晒。
一仔每次食药起碼要食兩款药，用依個方法餵雖然係耗時間，但起碼一仔吞了九乘药。
試了幾天，每次一仔頭兩三啖都會吐出来，但之后会乖乖食晒d药。
十二月初，一仔又要睇医生，医生更話怀疑一仔有哮喘，可能有家族遺傳>遺傳自一仔媽，但一仔的病况無一仔媽當年咁辛苦，所以對一仔是否有哮喘有所保留。
每次食药，一仔依然会自己坐上電腦椅”霸位”先。
一仔以前唔識咁樣整塊臉，可能係學校學番來?
這幾天，一仔媽素性自己一個人餵，餵時會好民主的問一仔食邊一支顏色的药先？
(一仔原本識講又認到十種顏色 : red, orange, yellow, green, blue, purple, grey, black, brown, white，現在更學識了 clear)
通常一仔会揀幾次，又或途中扭一扭，但最后都會食晒d药，Yeah，以後不需要打仗，一個人餵一仔食药都可以了！
一仔怕醜，知拍緊佢video，所以用手機遮住自己
.jpg)
