终於可以第一次參加Blogger BB 的活動，今次總要係好有氣氛同熱鬧的Xmas party，十分多謝豬脾媽的細心安排，由租埸地、外購及自製的食物、場地佈置、交通指示、活動時間安排、遊戲、禮物交換、請blog爸媽帶野餐墊和BB們的貼纸名！
可能知有街去，一仔skip左上午覺無瞓，但就乖乖食晒十一点半歺飯，十二点半時見一仔媽準備奶粉放入bb袋時，居然又飲多90ml添！
平時出街要扭媽媽抱的一仔，今天居然無扭抱，可能知道媽媽係第一次單拖同佢去街，又見到媽媽已孭住了bb袋，手又拎一袋，肯沿路比媽媽拖住手仔行，去到商場時差d甩了隻鞋仔，都識提示一仔媽，只係一仔媽矇下矇下唔知，好彩有幾個经过的婆婆出声架。
haha，未佈置前的場地，相信依個video係獨家播放。
經豬脾媽佈置后（肚B媽/燒腩仔媽，我影得好少相咋，有d就算影了，都矇查查，唯有借你地d相用一用）。
波哥同燒腩仔都著了聖旦衫，真係好有聖旦氣氛！
其实一仔媽有d似”愛、回家”其中一個女演員有”中度”面忘症”，只認得晉晉（因個髮型似栢林仔，好易認），肚b（但第一眼居然叫唔出肚b個名>o<）、豬脾、一一（成日紮馬，好得意）、燒腩仔、朗朗、龍BB、小檬（好乖，居然比ee我攬住都無扭計，又聽指令去拎波波）。
巨龍同妹豬，我要偷睇個貼纸名先肯定到呢！
而南瓜仔，居然完全錯过了！
當埸地开始有其他blog bb 及爸媽入埸后，一仔可能有d怕生，居然拍門，話要去”街街”離开呀！
好彩之后地上舖上了blog 爸媽帶來的野歺墊，十分吸引到一仔係野歺墊上面走來走去！
如果有入了鏡頭的blog爸媽，十分唔好意思，因唔識點樣係video里打格仔!
后来更有龍BB带來的红色靚車，更吸引到一仔成日霸住來玩，又好曳的係妹豬頭上飛車，比肚B媽影低了罪証...妹豬媽： 真係唔好意思！
如果其他BB拎了架車去玩，一仔又去爭，總打人添....真係好曳！回家已教訓了佢，籐條炆豬肉加餸！
到影大合照及传波波遊戲時，一仔完全唔肯合作，預料之中！
难得肚B媽影到一仔依张近鏡，其实一仔得26磅，重量屬於50%，但真係脸脹卜卜，穿了3件衫，顕得更肥，好似連依件90碼的angry bird衫都唔啱著咁！！
後記
回到家，一仔媽要放番好d波波時，一仔在旁，起初以為佢攪攪陣，想拎d波波去玩，點知原來佢係幫手，學媽媽將d波一手一個放番入個袋里呢!乖仔!
